ಸ್ಯಾನಿಟೈಸೇಷನ್ ಡ್ರೋಣ್ ಲೋಕಾರ್ಪಣೆ‌ಗೊಳಿಸಿದ ಸಿಎಂ ಯಡಿಯೂರಪ್ಪ

ಬೆಂಗಳೂರು: ಹೊಸ ಆವಿಷ್ಕಾರ ಡ್ರೋಣ್ ಮೂಲಕ ಸ್ಯಾನಿಟೈಸೇಷನ್ ಪ್ರಕ್ರಿಯೆ ನಡೆಸುವ ಯಂತ್ರವನ್ನು ಸಿಎಂ ಬಿ ಎಸ್ ಯಡಿಯೂರಪ್ಪ ಲೋಕಾರ್ಪಣೆ ಮಾಡಿದರು.

ಬಳಿಕ ಮಾತನಾಡಿದ ಅವರು, ಇಡೀ ದೇಶವೇ ಕೊರೋನಾ ಸಂಕಷ್ಟ‌ಕ್ಕೆ ನಲುಗಿದೆ. ಇದರ ನಿಯಂತ್ರಣ ಭಾಗವಾಗಿ ತಂತ್ರಜ್ಞಾನ‌ದ ಮೂಲಕ ಔಷಧ ತಲುಪಿಸಲು ಮುಂದಾಗಲಿದೆ. 45 ಕೆಜಿಗಳಷ್ಟು ಭಾರ ಹೊತ್ತು ಹಾರುವ ಡ್ರೋಣ್ ಗಳು ಸಹ ರಾಜ್ಯದಲ್ಲಿ ಕಾರ್ಯಾಚರಣೆ ಮಾಡುತ್ತಿವೆ. ಗರುಡ ಸಂಸ್ಥೆ ಈ ಸೇವೆಯನ್ನು ಉಚಿತವಾಗಿ ನೀಡುತ್ತಿದೆ ಎಂದು ಹೇಳಿದರು.

ಇದೇ ಸಂದರ್ಭದಲ್ಲಿ ಮೇ 1 ರಿಂದ 18 ವರ್ಷ ಮೇಲ್ಪಟ್ಟವರಿಗೂ ಲಸಿಕೆ ಎಂಬ ಸುದ್ದಿ‌ಗೆ ಸ್ಪಷ್ಟನೆ ನೀಡಿದ ಅವರು, ರಾಜ್ಯಕ್ಕೆ ಅಗತ್ಯ ಪ್ರಮಾಣ‌ದಲ್ಲಿ ಲಸಿಕೆ ಪೂರೈಕೆ ಆದ ನಂತರ 18 ವರ್ಷ ಮೇಲ್ಪಟ್ಟವರಿಗೆ ಲಸಿಕೆ ನೀಡಲಾಗುತ್ತದೆ. ಲಸಿಕೆ ಲಭ್ಯ‌ತೆಗೆ ಕೇಂದ್ರ ಮತ್ತು ರಾಜ್ಯ ಸರ್ಕಾರ‌ಗಳೆರಡೂ ಅಗತ್ಯ ಪ್ರಯತ್ನ ನಡೆಸುತ್ತಿವೆ ಎಂದು ತಿಳಿಸಿದರು.