ನವದೆಹಲಿ: ಭಾರತ್ ಬಯೋಟೆಕ್ ತಯಾರಿಸಿದ ಭಾರತದ ದೇಶೀಯ ಕೋವಿಡ್ ಲಸಿಕೆ ಕೋವ್ಯಾಕ್ಸಿನ್ ಕೊರೋನಾವೈರಸ್ ನ ಬಿ 1.617 ರೂಪಾಂತರ ಅಥವಾ ಭಾರತೀಯ ಡಬಲ್ ಮ್ಯೂಟೆಂಟ್ ಸ್ಟ್ರೇನ್ ಅನ್ನು ತಟಸ್ಥಗೊಳಿಸಲು ಶಕ್ತವಾಗಿದೆ ಎಂದು ಕಂಡುಬಂದಿದೆ ಎಂದು ಶ್ವೇತಭವನದ ಮುಖ್ಯ ವೈದ್ಯಕೀಯ ಸಲಹೆಗಾರ ಆಂಥೋನಿ ಫೌಸಿ ಮಂಗಳವಾರ ಹೇಳಿದ್ದಾರೆ.
“ನಾವು ಪ್ರತಿದಿನವೂ ಲಸಿಕೆಗಳ ಬಗ್ಗೆ ಡೇಟಾವನ್ನು ಪಡೆಯುತ್ತಿದ್ದೇವೆ. ಆದರೆ ತೀರಾ ಇತ್ತೀಚಿನ ಮಾಹಿತಿಯು ಪ್ರಕಾರ, ಭಾರತದಲ್ಲಿ ಅಭಿವೃದ್ಧಿಪಡಿಸಿದ ಲಸಿಕೆ ಕೊವ್ಯಾಕ್ಸಿನ್ ಪಡೆದ ಜನರಲ್ಲಿ ಕೋವಿಡ್-19 ಪ್ರಕರಣಗಳ ಸುಸ್ಥಿರತೆ ನೋಡುತ್ತಿದ್ದೇವೆ ಮತ್ತು ಅದು 617 ರೂಪಾಂತರವನ್ನು ತಟಸ್ಥಗೊಳಿಸುತ್ತದೆ ಎಂದು ಕಂಡು ಬಂದಿದೆ” ಎಂದು ಅವರು ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.
“ಆದ್ದರಿಂದ ನಾವು ಭಾರತದಲ್ಲಿ ಪ್ರಸ್ತುತ ನೋಡುತ್ತಿರುವ ನಿಜವಾದ ಕಷ್ಟದ ಹೊರತಾಗಿಯೂ, ವ್ಯಾಕ್ಸಿನೇಷನ್ ಇದರ ವಿರುದ್ಧ ಬಹಳ ಮುಖ್ಯವಾದ ಪಾತ್ರ ವಹಿಸುತ್ತದೆ. ಲಸಿಕೆ ಪಡೆಯುವುದು ಅತ್ಯಂತ ಮುಖ್ಯ ಎಂದು ನಾನು ಪುನರುಚ್ಛರಿಸುತ್ತೇನೆ” ಎಂದು ಡಾ ಫೌಸಿ ವರದಿಗಾರರಿಗೆ ತಿಳಿಸಿದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.