ಬೆಂಗಳೂರು: ನಮ್ಮ ಮೆಟ್ರೊದ ಔಟರ್ ರಿಂಗ್ ರೋಡ್-ಕೆಂಪೆಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ (ಲೈಟ್ ಬ್ಲೂ) ಮಾರ್ಗಕ್ಕೆ ಕೇಂದ್ರದ ಅನುಮೋದನೆ ನೀಡಿದೆ. ಇದು ಕೋವಿಡ್ -19 ರ ಎರಡನೇ ಅಲೆಯ ನಡುವೆಯೂ ಬೆಂಗಳೂರಿಗರಿಗೆ ಸಂತಸ ತಂದಿದೆ.
ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯದ ಕಾರ್ಯದರ್ಶಿ ದುರ್ಗಾ ಶಂಕರ್ ಮಿಶ್ರಾ ಅವರು 2026 ರ ವೇಳೆಗೆ ಈ ಯೋಜನೆ ಸಿದ್ಧವಾಗಲಿದೆ ಎಂದು ಹೇಳಿದ್ದಾರೆ. “ಈ ಮಾರ್ಗವು 2026 ರ ವೇಳೆಗೆ ಪೂರ್ಣಗೊಳ್ಳಲಿದೆ ಮತ್ತು ಇದಕ್ಕೆ 14,788 ಕೋಟಿ ರೂ ವೆಚ್ಚವಾಗಲಿದೆ. ಕೇಂದ್ರ ಮತ್ತು ರಾಜ್ಯಗಳು ಸಮಾನ ಪಾಲು ನೀಡಲಿವೆ” ಎಂದಿದ್ದಾರೆ
“ಯೋಜನಾ ಪೂರ್ವ ಚಟುವಟಿಕೆಗಳು ಮತ್ತು ಸಾಲಗಳನ್ನು ಈಗಾಗಲೇ ವ್ಯವಸ್ಥೆಗೊಳಿಸಿರುವುದರಿಂದ, ಬಿಎಂಆರ್ಸಿಎಲ್ ಈಗಿನಿಂದಲೇ ಕೆಲಸವನ್ನು ಪ್ರಾರಂಭಿಸಲು ಸಿದ್ಧವಾಗಿದೆ. ಈ ಕಾರಿಡಾರ್ 2026 ರಲ್ಲಿ ಪ್ರತಿದಿನ 7.7 ಲಕ್ಷ ಪ್ರಯಾಣಿಕರನ್ನು ಸಾಗಿಸುವ ನಿರೀಕ್ಷೆಯಿದೆ. ಇದು ನಗರದ ವಾಹನ ದಟ್ಟಣೆ ಮತ್ತು ಅದರ ಪರಿಣಾಮವಾಗಿ ಉಂಟಾಗುವ ಮಾಲಿನ್ಯವನ್ನು ಸಾಕಷ್ಟು ಪ್ರಮಾಣದಲ್ಲಿ ನಿವಾರಿಸಲಿದೆ” ಎಂದಿದ್ದಾರೆ.
“ಬೆಂಗಳೂರು ಈಗಾಗಲೇ 49 ಕಿಲೋಮೀಟರ್ ಮೆಟ್ರೊ ಕಾರ್ಯಾಚರಣೆಯನ್ನು ಹೊಂದಿದೆ. ಮತ್ತೊಂದು 66 ಕಿ.ಮೀ.ಗೆ ಕೆಲಸ ನಡೆಯುತ್ತಿದೆ. ಇನ್ನೂ 58 ಕಿ.ಮೀ ಅನುಮೋದನೆಯೊಂದಿಗೆ, ಮುಂದಿನ ಐದು ವರ್ಷಗಳಲ್ಲಿ ಒಟ್ಟು ನೆಟ್ವರ್ಕ್ 170 ಕಿ.ಮೀ ಗಿಂತ ಹೆಚ್ಚಾಗಲಿದೆ. ಇದು ನಗರದಲ್ಲಿ ಸಾರಿಗೆ ಸಂಚಾರವನ್ನು ಸುಲಭಗೊಳಿಸುತ್ತದೆ. ಹೊಸ ಕಾರಿಡಾರ್ ಸೆಂಟ್ರಲ್ ಸಿಲ್ಕ್ ಬೋರ್ಡ್, ಕೆ.ಆರ್.ಪುರಂ ಮತ್ತು ನಾಗವಾರ ಮತ್ತು ಐಟಿ ಹಬ್ಗಳಲ್ಲಿನ ಪ್ರಮುಖ ಪ್ರದೇಶಗಳನ್ನು ಸಂಪರ್ಕಿಸುತ್ತದೆ “ಎಂದು ಮಿಶ್ರಾ ಹೇಳಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.