ನವದೆಹಲಿ: ಕ್ರಿಶ್ಚಿಯನ್ನರಲ್ಲದ ಮಹಿಳಾ ಕೈದಿಗಳ ಮಕ್ಕಳಿಗೆ ಬೈಬಲ್ ಕಲಿಸುವ ಕಾರ್ಯ ಸದ್ದಿಲ್ಲದೆ ನಡೆಯುತ್ತಿದೆ ಎಂಬ ಮಾಹಿತಿ ಇರುವ ವರದಿಯೊಂದು ಬಹಿರಂಗವಾಗಿದ.
ಮಹಿಳಾ ಕೈದಿಗಳ ಮಕ್ಕಳ ಶೈಕ್ಷಣಿಕ ಸ್ಥಿತಿಗತಿ ಕುರಿತು ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ಸಂರಕ್ಷಣಾ ಆಯೋಗ (ಎನ್‌ಸಿಪಿಸಿಆರ್) ಇತ್ತೀಚೆಗೆ ನಡೆಸಿದ ಅಧ್ಯಯನವು ಕ್ರಿಶ್ಚಿಯನ್ ಅಲ್ಲದ ಮಕ್ಕಳಿಗೆ ಬೈಬಲ್ ಕಲಿಸಿದ ಉದಾಹರಣೆಗಳತ್ತ ಬೊಟ್ಟು ಮಾಡಿದೆ.
ಮಹಿಳಾ ಕೈದಿಗಳು, ಅವರ ಮಕ್ಕಳು, ಮಕ್ಕಳ ಮನೆಗಳು ಮತ್ತು ಹಾಸ್ಟೆಲ್‌ಗಳ ಮುಖ್ಯಸ್ಥರು, ಶಾಲೆಗಳ ಮುಖ್ಯಸ್ಥರು ಮತ್ತು ಜೈಲು ಅಧಿಕಾರಿಗಳಿಂದ ಪಡೆದ 144 ಪ್ರತಿಕ್ರಿಯೆಗಳನ್ನು ಆಧರಿಸಿ ವರದಿ ಸಿದ್ಧಪಡಿಸಲಾಗಿದೆ. ಈ ಅಧ್ಯಯನವು ಉತ್ತರ ಪ್ರದೇಶ, ಆಂಧ್ರಪ್ರದೇಶ, ಬಿಹಾರ ಮತ್ತು ಮಹಾರಾಷ್ಟ್ರದ ಮಹಿಳೆಯರಿಗಾಗಿನ ಎಂಟು ಜೈಲುಗಳನ್ನು ಒಳಗೊಂಡಿದೆ.
ಜೈಲುಗಳ ಭೇಟಿಯ ಸಮಯದಲ್ಲಿ ಎನ್‌ಸಿಪಿಸಿಆರ್ ತಂಡವು , ಅಲ್ಲಿ ವಾಸಿಸುವ ಮಕ್ಕಳಿಗೆ ಬೈಬಲ್ ಕಲಿಸಲು ಎನ್‌ಜಿಒಗಳಿಗೆ ಅನುಮತಿ ನೀಡಲಾಗಿದೆ ಎಂಬುದನ್ನು ಕಂಡುಕೊಂಡಿದೆ. ಲಕ್ನೋದಲ್ಲಿ ಶಿಕ್ಷೆಗೊಳಗಾದ ಮಹಿಳೆಯರಿಗಾಗಿ ಇರುವ ಜೈಲಿನ ಉದಾಹರಣೆಯನ್ನು ವರದಿಯಲ್ಲಿ ಉಲ್ಲೇಖ ಮಾಡಿದೆ.
ಮಹಿಳಾ ಕೈದಿಗಳ ಮಕ್ಕಳು ಉಳಿದುಕೊಂಡಿರುವ ಗಾಜಿಯಾಬಾದ್‌ನಲ್ಲಿರುವ ಮಕ್ಕಳ ಆಶ್ರಯದ ಮತ್ತೊಂದು ಉದಾಹರಣೆಯನ್ನು ಕೂಡ ಉಲ್ಲೇಖಿಸಿದೆ. ಆಶಾ ದೀಪ್ ಫೌಂಡೇಶನ್‌ನಲ್ಲಿ, ಮಕ್ಕಳ ಧರ್ಮವನ್ನು ಲೆಕ್ಕಿಸದೆ ನಿರ್ದಿಷ್ಟ ಧರ್ಮದ ಧಾರ್ಮಿಕ ಬೋಧನೆಗಳನ್ನು ಮಕ್ಕಳಿಗೆ ಕಲಿಸಲಾಗುತ್ತಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಆಯೋಗವು ಇಲ್ಲಿಗೆ ಅಚ್ಚರಿಯ ಭೇಟಿಯನ್ನು ನಡೆತು ಮತ್ತು ಕ್ರೈಸ್ತೇತರ ಮಕ್ಕಳ ಲಾಕರ್‌ಗಳು ಮತ್ತು ಕೋಣೆಗಳಿಂದ ಸುಮಾರು 26 ಬೈಬಲ್‌ಗಳನ್ನು ಹಿಂಪಡೆದಿದೆ ಎನ್ನಲಾಗಿದೆ.
ಮಹಿಳಾ ಕೈದಿಗಳ ಮಕ್ಕಳ ಜವಾಬ್ದಾರಿಯನ್ನು ಹೊರಲಾಗದ ಆಡಳಿಯ ವ್ಯವಸ್ಥೆಯ ವಿಫಲತೆಯ ಕಾರಣದಿಂದಾಗಿ ಇಂತಹ ಕೃತ್ಯಗಳು ನಡೆಯುತ್ತಿವೆ ಎಂದು ಹೇಳಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
