ಹುಬ್ಬಳ್ಳಿ : ಪ್ರಯತ್ನ ಪಟ್ಟರೆ ಅಸಾಧ್ಯ ಎಂಬುದು ಯಾವುದೂ ಇಲ್ಲ. ಇದಕ್ಕೆ ರಾಜ್ಯದ ಕೊಪ್ಪಳದ ರೈತ ಸಾಕ್ಷಿಯಾಗಿದ್ದಾರೆ. ಸುಮಾರು 15 ವರ್ಷಗಳಿಂದ ನಿರಂತರ ಬೋರ್‌ವೆಲ್‌ ಕೊರೆಯುವ ಪ್ರಯತ್ನದಲ್ಲಿ ಕೊನೆಗೂ ಗೆದ್ದಿದ್ದಾರೆ.
ಕೊಪ್ಪಳ ಮೂಲದ ರೈತ ಅಶೋಕ್‌ ಮೇಠಿ ಅವರು ಕಳೆದ 15 ವರ್ಷಗಳಿಂದ ತಮ್ಮ ಜಮೀನಿನಲ್ಲಿ ಸುಮಾರು 151 ಬಾರಿ ಬೋರ್‌ವೆಲ್‌ ಅನ್ನು ಕೊರೆಸಿದ್ದಾರೆ. ಅಷ್ಟು ಪ್ರಯತ್ನಗಳಲ್ಲೂ ನೀರು ದೊರಕದ ಅವರಿಗೆ 151ನೇ ಪ್ರಯತ್ನದಲ್ಲಿ ನೀರು ಸಿಕ್ಕಿದೆ. ಸುಮಾರು 24 ಎಕರೆಯಷ್ಟು ಜಮೀನು ಹೊಂದಿರುವ ಅಶೋಕ ಮೇಟಿ ಅವರ ಕುಟುಂಬ ತಮ್ಮ ಜಮೀನಿನಲ್ಲಿನ ನೀರಿನ ಕೊರತೆ ನೀಗಿಸಲು ನಡೆಸಿದ ಪ್ರಯತ್ನಗಳಿಗೆ ಈ ಬಾರಿ ಫಲ ದೊರಕಿದೆ.
ರೈತ ಅಶೋಕ್‌ ಮೇಠಿ ಅವರೇ ಹೇಳುವಂತೆ, ನೀರು ಪಡೆಯಲು ಸಾಕಷ್ಟು ಪ್ರಯತ್ನಗಳನ್ನು ನಮ್ಮ ಕಡೆಯಿಂದ ಮಾಡಿದ್ದೆವು. ಯಂತ್ರಗಳ ಬಳಸಿದೆವು, ಸಾಂಪ್ರಾಯಿಕ ವಿಧಾನಗಳನ್ನು ಅನುಸರಿಸಿದೆವು. ಆದರೆ, ಅದಾವುದರಿಂದಲೂ ಪ್ರಯೋಜನವಾಗಲಿಲ್ಲ. ಜಮೀನಿನಲ್ಲಿ ಪೂಜೆಗಳನ್ನೂ ಮಾಡಿದ್ದೆವು. ಆದರೂ ಪ್ರಯೋಜನವಾಗಿರಲಿಲ್ಲ. 151 ಬಾರಿ ಬೋರ್‌ವೆಲ್‌ ಕೊರೆದು ಸೋತು ಹೋಗಿದ್ದೆವು. ಇದೀಗ 15 ವರ್ಷಗಳ ಪ್ರಯತ್ನಕ್ಕೆ ಕೊನೆಗೂ ಗಂಗಾಮಾತೆ ನಮ್ಮ ಕೈಹಿಡಿದಿದ್ದಾಳೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
