ಕಾಸರಗೋಡು : ಕೇರಳ ರಾಜ್ಯ ಭಾರತ್ ಸ್ಕೌಟ್ ಮತ್ತು ಗೈಡ್ ಸಂಸ್ಥೆಯ ಕಾಸರಗೋಡು ಜಿಲ್ಲಾ ಗೈಡ್ ಆಯುಕ್ತರಾಗಿ ಭಾರ್ಗವಿ ಕುಟ್ಟಿ ಟೀಚರ್ ನೇಮಕಗೊಂಡಿದ್ದಾರೆ. ಇಚ್ಲಂಪಾಡಿ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಅಧ್ಯಾಪಿಕೆಯಾದ ಇವರು ಸ್ಕೌಟು ಗೈಡು ಚಳವಳಿಯಲ್ಲೂ ಇತರ ಹಲವಾರು ಕ್ಷೇತ್ರಗಳಲ್ಲೂ ವಿಶೇಷ ಸೇವೆಗೈಯುತ್ತಾ ಇರುವವರು. ಈ ವರ್ಷಧ ರಾಜ್ಯ ಮಟ್ಟದ ವೃತ್ತಿಪರಿಚಯ ಮೇಳದ ಸಂಚಾಲಕರಾಗಿ ಆಯ್ಕೆಯಾದ ಅವರು ಗೈಡು ಚಳವಳಿಯಲ್ಲಿ ಸುದೀರ್ಘ ಕಾಲವಾಧಿಯಲ್ಲಿ ಸೇವೆ ಸಲ್ಲಿಸುತ್ತಾ ಬಂದವರು.
1995ರಲ್ಲಿ ಗೈಡು ಅಧ್ಯಾಪಿಕೆಯಾಗಿ ಚಳವಳಿಗೆ ಕಾಲಿಟ್ಟ ಭಾರ್ಗವಿ ಕುಟ್ಟಿ ಅವರು ಸಾಧನೆಯ ಮೆಟ್ಟಲುಗಳನ್ನೇರುತ್ತಾ 1999ರಲ್ಲಿ ಗೈಡು ಅಧ್ಯಾಪಕರ ಅತ್ಯುನ್ನತ ತರಬೇತಿಯಾದ ಹಿಮಾಲಯ ವೃಕ್ಷಮಣಿ ತರಬೇತಿಯನ್ನು ಪೂರೈಸಿದ್ದಾರೆ. ಗೈಡು ವಿಭಾಗದ ಜಿಲ್ಲಾ ಸಂಘಟನ ಆಯುಕ್ತರಾಗಿ, ಜಿಲ್ಲಾ ಸಂಸ್ಛೆಯ ಜತೆ ಕಾರ್ಯದರ್ಶಿಯಾಗಿ ಯಶಸ್ವಿಯಾಗಿ ಕಾರ್ಯನಿರ್ವಹಿಸಿದ ಅವರು ಜಿಲ್ಲಾ ಕಾರ್ಯದರ್ಶಿಯಾಗಿರುವಾಗ ನಡೆದ ಮಂಗಳೂರಿನಿಂದ ಬೇಕಲ ಕೋಟೆಯ ವರೆಗೆ ಸಮುದ್ರ ತೀರದಲ್ಲೇ ಸಂಚಾರ ಮಾಡುವ ರಾಷ್ಟ್ರೀಯ ಮಟ್ಟದ ಕರಾವಳಿ ಸಾಹಸಿಕ ಯಾತ್ರೆ ಕಾರ್ಯಕ್ರಮಕ್ಕೆ ಅತ್ಯಂತ ಸಮರ್ಥ ನಾಯಕತ್ವವನ್ನು ವಹಿಸಿದ್ದಾರೆ.
ರಾಜ್ಯ ಮಟ್ಟದ ಕ್ಯಾಂಪೂರಿಗಳಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ನಿರ್ವಹಿಸಿರುವುದರ ಜೊತೆಗೆ ಒರಿಸ್ಸಾದ ಕುರ್ದದಲ್ಲಿ ನಡೆದ ರಾಷ್ಟ್ರೀಯ ಜಾಂಬೂರಿಯಲ್ಲಿ ಕಾಸರಗೋಡು ತಂಡದ ನೇತೃತ್ವ ವಹಿಸಿದ್ದಾರೆ. ತ್ರಿಪುರ ರಾಜ್ಯದ ರಾಜಧಾನಿಯಾದ ಅಗರ್ತಲದಲ್ಲಿ ನಡೆದ ರಾಷ್ಟ್ಕೀಯ ಮಟ್ಟದ ಸಾಂಸ್ಕೃತಿಕ ವಿನಿಮಯ ಶಿಬಿರದಲ್ಲಿ ಭಾಗವಹಿಸಿದ ಕಾಸರಗೋಡಿನ ತಂಡದಲ್ಲಿದ್ದವರು. ಭಾರತ್ ಸ್ಕೌಟ್ ಮತ್ತು ಗೈಡ್ ನ ರಾಷ್ಟ್ರೀಯ ಮಟ್ಟದ ತರಬೇತಿ ಕೇಂದ್ರವಾದ ಹರ್ಯಾನದ ಗಾಡ್ ಪುರಿಯಲ್ಲಿ ಹಲವಾರು ಶಿಬಿರಗಳಲ್ಲಿ ಭಾಗವಹಿಸಿದ್ದಾರೆ. ಅವುಗಳಿಗೆಲ್ಲ ಮುಕುಟಪ್ರಾಯವಾಗಿ ರಾಜ್ಯ ಸಹಾಯಕ ಆಯುಕ್ತರಾಗಿ ಮೂರು ವರ್ಷಗಳ ಕಾಲ ಸೇವೆಗೈದಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
