ನವದೆಹಲಿ: ಚಳಿಗಾಲ ಆರಂಭವಾಗುವುದಕ್ಕೆ ಮೊದಲೇ ಗಡಿ ಸಮೀಪ ಬೀಡುಬಿಟ್ಟಿರುವ ಚೀನಿ ಸೈನಿಕರು ಅನಾರೋಗ್ಯಕ್ಕೆ ಈಡಾಗುತ್ತಿದ್ದಾರೆ. ಪೀಪಲ್ಸ್ ಲಿಬರೇಶನ್ ಆರ್ಮಿಯು ತನ್ನ ಅನಾರೋಗ್ಯ ಪೀಡಿತ ಸೈನಿಕರನ್ನು ಸಮೀಪದ ಆಸ್ಪತ್ರೆಗಳಿಗೆ ಸಾಗಿಸುತ್ತಿದೆ. ಈ ಬೆಳವಣಿಗೆಯನ್ನು ಭಾರತೀಯ ಸೇನೆಯು ಅತ್ಯಂತ ಸೂಕ್ಷ್ಮವಾಗಿ ಗಮನಿಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಪ್ಯಾಂಗಾಂಗ್ ತ್ಸೋ ಸರೋವರದ ಸಮೀಪದಲ್ಲಿ ನಿಯೋಜನೆಗೊಂಡಿರುವ ಚೀನಿ ಸೈನಿಕರು ಎತ್ತರದ ಪ್ರದೇಶಗಳಲ್ಲಿ ಕಾಣುವ ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದಾರೆ. ಹೀಗಾಗಿ ಅವರನ್ನು ಸಮೀಪದ ಆಸ್ಪತ್ರೆಗಳಿಗೆ ಕರೆದೊಯ್ಯಲಾಗುತ್ತಿದೆ ಎಂದು ಹೇಳಲಾಗಿದೆ.
ಫಿಂಗರ್ 4 ಎತ್ತರದ ಪ್ರದೇಶದಲ್ಲಿ ಯೋಜಿಸಲ್ಪಟ್ಟ ಕೆಲವು ಸೈನಿಕರನ್ನು ಚೀನವು ಸ್ಥಳಾಂತರ ಮಾಡಿದ್ದು, ಅವರನ್ನು ಫಿಂಗರ್ 6 ಮುಂಚೂಣಿ ಪ್ರದೇಶದ ವೈದ್ಯಕೀಯ ಸೌಲಭ್ಯಕ್ಕೆ ಸ್ಥಳಾಂತರ ಮಾಡಲಾಗಿದೆ. ಕಳೆದ ಎರಡು ಮೂರು ದಿನಗಳಿಂದ ಅವರ ಆರೋಗ್ಯ ತೀವ್ರ ತರನಾಗಿ ಕುಸಿಯುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅತಿ ಎತ್ತರದ ಪ್ರದೇಶದಲ್ಲಿ ಯುದ್ಧ ನಡೆಸಲು ಚೀನಿ ಸೈನಿಕರ ಅನಾರೋಗ್ಯವು ಚೀನಾಗೆ ದೊಡ್ಡ ಸವಾಲಾಗಲಿದೆ. ಅದರಲ್ಲೂ ಲಡಾಖ್ನಲ್ಲಿ ಚಳಿಗಾಲ ಆರಂಭವಾಗುವುದಕ್ಕೆ ಮುನ್ನ ಈ ಬೆಳವಣಿಗೆ ನಡೆಯುತ್ತಿರುವುದು ದೊಡ್ಡ ಹಿನ್ನಡೆಯಾಗಲಿದೆ ಎಂದು ಹೇಳಲಾಗಿದೆ.
ಪಾಂಗೊಂಗ್ ಸರೋವರದ ಫಿಂಗರ್ ಪ್ರದೇಶಗಳಲ್ಲಿ ಭಾರತೀಯ ಸೇನೆಯು ಚೀನಾ ಸೇನೆಯನ್ನು ತಡೆದು ನಿಲ್ಲಿಸಿದೆ, ಭಾರತೀಯ ಸೇನೆ ಮತ್ತು ಚೀನಾ ಸೇನೆಯ ನಡುವೆ ಕೆಲವೇ ಮೀಟರ್ ಗಳಷ್ಟು ಅಂತರವಿದೆ. ಉಭಯ ಸೇನೆಗಳು ಇಲ್ಲಿ ಸುಮಾರು 1ಲಕ್ಷ ಸೈನಿಕರನ್ನು ನಿಯೋಜಿಸಿದೆ ಎಂದು ಹೇಳಲಾಗಿದೆ.
ಪೂರ್ವ ಲಡಾಖ್ ಗಿರಿಶಿಖರಗಳ ತಾಪಮಾನ ಶೂನ್ಯ ಡಿಗ್ರಿಗಿಂತಲೂ ಕಡಿಮೆ ಪ್ರಮಾಣಕ್ಕೆ ಪ್ರಸ್ತುತ ಕುಸಿಯುತ್ತಿದೆ. ಹೀಗಾಗಿ ಸೈನಿಕರಲ್ಲಿ ಸಹಜವಾಗಿಯೇ ಕೆಲವೊಂದು ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ಚೀನಾ ಸೈನಿಕರಿಗೆ ಹೋಲಿಸಿದರೆ ಭಾರತೀಯ ಸೈನಿಕರಿಗೆ ಹವಾಮಾನವನ್ನು ಎದುರಿಸುವ ಶಕ್ತಿ ಹೆಚ್ಚಿನ ಪ್ರಮಾಣದಲ್ಲಿ ಇದೆ. ವಿಶ್ವದ ಅತಿ ಎತ್ತರದ ಯುದ್ಧಭೂಮಿ ಸಿಯಾಚಿನ್ ನಲ್ಲಿ ಕಾರ್ಯನಿರ್ವಹಿಸುವ ಅನುಭವವನ್ನು ಹೊಂದಿರುವ ಭಾರತೀಯ ಸೇನೆಯು ಎತ್ತರದ ಪ್ರದೇಶದಲ್ಲಿ ನಿಯೋಜಿತರಾದ ಸೈನಿಕರಿಗೆ ಸೂಕ್ತ ರೀತಿಯ ಹವಾಮಾನವನ್ನು ಎದುರಿಸುವ ತರಬೇತಿಯನ್ನು ನೀಡಿದೆ ಇದು ಹೇಳಲಾಗುತ್ತದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.