ನವದೆಹಲಿ: ಕೊರೋನಾ ವೈರಸ್ ಸಂಕಷ್ಟ ಆರಂಭಕ್ಕೂ ಮುನ್ನ ದೇಶೀಯವಾಗಿ ಅಗತ್ಯ ಪಿಪಿಇ ಕಿಟ್ಗಳನ್ನು ಹೆಚ್ಚಾಗಿ ತಯಾರಿಸದೇ ಇದ್ದ ಭಾರತ, ಸೋಂಕಿನ ನಂತರದಲ್ಲಿ ಲಕ್ಷಾಂತರ ಪಿಪಿಇ ಕಿಟ್ಗಳ ಉತ್ಪಾದನಾ ಘಟಕಗಳನ್ನು ಆರಂಭಿಸಿ ತನ್ನ ಸಾಮರ್ಥ್ಯವನ್ನು ಜಗತ್ತಿಗೆ ತೋರಿಸಿ ಕೊಟ್ಟಿದೆ.
ಮೇ 2 ರಂದು ಸುಮಾರು 2.06 ಲಕ್ಷಗಳಷ್ಟು ಪಿಪಿಇ ಕಿಟ್ಗಳನ್ನು ಉತ್ಪಾದನೆ ಮಾಡುವ ಮೂಲಕ ಭಾರತ ದಾಖಲೆ ಸೃಷ್ಟಿಸಿದೆ. ಮುಖಗವಸುಗಳು, ಕೈ ಗವಸುಗಳು, ಕಣ್ಣಿನ ಸಂರಕ್ಷಣೆಗೆ ಬಳಸುವ ಸಾಧನಗಳು, ಶೂ ಕವರ್ಗಳು, ದೇಹವನ್ನು ಸಂಪೂರ್ಣ ಮುಚ್ಚುವಂತಹ ಗೌನ್ಗಳನ್ನು ಭಾರೀ ಪ್ರಮಾಣದಲ್ಲಿ ಭಾರತ ಉತ್ಪಾದನೆ ಮಾಡುವ ಮೂಲಕ ಕೊರೋನಾ ರೋಗಿಗಳ ಚಿಕಿತ್ಸೆಯಲ್ಲಿ ತೊಡಗಿರುವ ವೈದ್ಯಕೀಯ ಸಿಬ್ಬಂದಿಗಳಿಗೆ ಅವಶ್ಯವಿರುವ ಪ್ರಮಾಣದಲ್ಲಿ ಪಿಪಿಇ ಗಳನ್ನು ಲಭ್ಯವಾಗಿಸಿದೆ ಎಂದು ವರದಿಗಳು ಹೇಳಿವೆ.
ಕೊರೋನಾ ಸಂಕಷ್ಟ ಸಂದರ್ಭದಿಂದ ಭಾರತ ಪಿಪಿಇ ಕಿಟ್ಗಳ ಉತ್ಪಾದನೆಯಲ್ಲಿ ತೊಡಗಿಸಿಕೊಂಡಿದ್ದು, ಸದ್ಯ ದಿನವೊಂದಕ್ಕೆ 1.5 ಲಕ್ಷ ಪಿಪಿಇಗಳನ್ನು ಸಿದ್ಧ ಮಾಡುತ್ತಿದೆ. ಇದು ಮೇಕ್ ಇನ್ ಇಂಡಿಯಾಗೆ ಸಿಕ್ಕ ಅತಿ ದೊಡ್ಡ ಜಯವಾಗಿದೆ. ಈ ಹಿಂದೆ ಭಾರತದಲ್ಲಿ ಪಿಪಿಇ ಕಿಟ್ಗಳ ಉತ್ಪಾದನೆ ಇಲ್ಲದೇ ಇದ್ದು, ಕಳೆದ ಜನವರಿಯಲ್ಲಿ ಭಾರತ ವಿದೇಶಗಳಿಂದ 2.75 ಲಕ್ಷ ಪಿಪಿಇ ಕಿಟ್ಗಳನ್ನು ಆಮದು ಮಾಡಿಕೊಂಡಿತ್ತು. ಇನ್ನು ದೇಶೀಯವಾಗಿ 110 ಪಿಪಿಇ ಕಿಟ್ ಉತ್ಪಾದನಾ ಸಂಸ್ಥೆಗಳನ್ನು ಗುರುತಿಸಲಾಗಿದ್ದು, ಅದರಲ್ಲಿ 52 ಸಂಸ್ಥೆಗಳು ಈಗಾಗಲೇ ಉತ್ಪಾದನೆ ಆರಂಭಿಸಿವೆ. ಅಲ್ಲದೆ ಈ ವರೆಗೆ ದೇಶದೊಳಗೆ ಸಿದ್ಧ ಮಾಡಲಾದ ಸುಮಾರು 21 ಲಕ್ಷ ಪಿಪಿಇ ಗಳನ್ನು ಸರ್ಕಾರ ವಿತರಣೆ ನಡೆಸಿದ್ದು, ಸುಮಾರು 15.96 ಲಕ್ಷ ಹೆಚ್ಚುವರಿ ಕಿಟ್ಗಳು ಲಭ್ಯವಿರುವುದಾಗಿಯೂ ತಿಳಿದು ಬಂದಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
