ಲಕ್ನೋ: ಕೊರೋನಾ‌ವೈರಸ್ ಸಾಂಕ್ರಾಮಿಕ ರೋಗದ ಸಂದರ್ಭದಲ್ಲಿ ವೈದ್ಯರು ಸೇರಿದಂತೆ ಸಮಸ್ತ ವೈದ್ಯಕೀಯ ಸಿಬ್ಬಂದಿಗಳು ಮುಂಚೂಣಿಯಲ್ಲಿ ನಿಂತು ಜನರ ಆರೋಗ್ಯ ರಕ್ಷಣೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಇಡೀ ದೇಶವೇ ಅವರ ಅಸಾಧಾರಣ ಸೇವೆಗೆ ಕೃತಜ್ಞತೆಯನ್ನು ಅರ್ಪಣೆ ಮಾಡುತ್ತಿದೆ. ಇದೀಗ ಆರೋಗ್ಯ ಕಾರ್ಯಕರ್ತರ ಗೌರವಾರ್ಥ ಹೊಸ ತಳಿಯ ಮಾವಿನ ಹಣ್ಣಿಗೆ ‘ಡಾಕ್ಟರ್ ಮ್ಯಾಂಗೋ’ ಎಂದು ಹೆಸರಿಸಲಾಗಿದೆ.
ಮ್ಯಾಂಗೋ ಮ್ಯಾನ್ ಎಂದು ಖ್ಯಾತರಾಗಿರುವ ಉತ್ತರಪ್ರದೇಶದ ಹಾಜಿ ಖಲಿಮುಲ್ಲಾ ಅವರು ಹೊಸ ತಳಿಯ ಬೇಸಿಗೆ ಹಣ್ಣನ್ನು ಅಭಿವೃದ್ಧಿಪಡಿಸಿದ್ದಾರೆ ಮತ್ತು ಅದಕ್ಕೆ ಡಾಕ್ಟರ್ ಮ್ಯಾಂಗೋ ಎಂದು ಹೆಸರಿಸಿದ್ದಾರೆ. ಆರೋಗ್ಯ ಸೇವಾ ಕಾರ್ಯಕರ್ತರ ನಿಸ್ವಾರ್ಥ ಸೇವೆಗೆ ಕೃತಜ್ಞತೆಯಾಗಿ ಅವರು ತಮ್ಮ ಹೊಸ ತಳಿಯ ಮಾವಿನ ಹಣ್ಣಿಗೆ ಈ ಹೆಸರನ್ನು ಇಟ್ಟಿದ್ದಾರೆ.
ಹಾಜಿ ಖಲಿಮುಲ್ಲಾ ಅವರು ಪದ್ಮಶ್ರೀ ಪುರಸ್ಕೃತ ಮಾವಿನ ಹಣ್ಣು ಬೆಳೆಗಾರರಾಗಿದ್ದು, ಲಕ್ನೋದ ಹೊರವಲಯದ ಮಲಿಹಬಾದಿನಲ್ಲಿ ನೂರಾರು ತಳಿಯ ಮಾವಿನ ಹಣ್ಣನ್ನು ಇವರು ಬೆಳೆಸಿದ್ದಾರೆ. ಹೊಸ ಹೊಸ ತಳಿಯ ಮಾವಿನ ಹಣ್ಣನ್ನು ಅಭಿವೃದ್ಧಿಪಡಿಸುವುದು ಮತ್ತು ಅದಕ್ಕೆ ಗಣ್ಯರ ಹೆಸರುಗಳನ್ನು ಇಡುವುದಕ್ಕೆ ಇವರು ಖ್ಯಾತರಾಗಿದ್ದಾರೆ.
2015ರಲ್ಲಿ ಇವರು ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರನ್ನು ತಮ್ಮ ಮಾವಿನಹಣ್ಣಿಗೆ ಇಟ್ಟಿದ್ದರು. ಕಳೆದ ವರ್ಷ ಕೇಂದ್ರ ಗೃಹಸಚಿವ ಅಮಿತ್ ಶಾ ಅವರ ಹೆಸರನ್ನು ತಮ್ಮ ನೂತನ ತಳಿಯ ಮಾವಿನ ಹಣ್ಣಿಗೆ ಇಟ್ಟಿದ್ದಾರೆ.
लखनऊ: ‘मैंगो मैन’ के नाम से मशहूर पद्मश्री अवार्ड प्राप्त हाजी कलीमुल्लाह खान ने #COVID19 की लड़ाई में मरीज़ों की जान बचाने वाले डॉक्टर्स और पैरामेडिकल स्टॉफ के नाम पर दसहरी आम की नई वैराइटी बनाई है और उसका नाम ही उन्होंने ‘डॉक्टर आम’ रखा है। #UttarPradesh pic.twitter.com/kCy7TNUwgf
— ANI_HindiNews (@AHindinews) May 2, 2020
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
