ನವದೆಹಲಿ: ಲೈಫ್‌ಲೈನ್ ಉಡಾನ್ ಉಪಕ್ರಮದಡಿಯಲ್ಲಿ 411 ವಿಮಾನಗಳು ಏಪ್ರಿಲ್ 28 ರ ವರೆಗೆ 776.73 ಟನ್ ವೈದ್ಯಕೀಯ ಸರಬರಾಜುಗಳನ್ನು ದೇಶಾದ್ಯಂತ ಸಾಗಿಸಿವೆ ಎಂದು ಕೇಂದ್ರ ಬುಧವಾರ ತಿಳಿಸಿದೆ.
“ಒಟ್ಟು 411 ವಿಮಾನಗಳನ್ನು ಲೈಫ್‌ಲೈನ್ ಉಡಾನ್ ಅಡಿಯಲ್ಲಿ ಏರ್ ಇಂಡಿಯಾ, ಅಲೈಯನ್ಸ್ ಏರ್, ಐಎಎಫ್ ಮತ್ತು ಖಾಸಗಿ ವಾಹಕಗಳು ನಿರ್ವಹಿಸಿವೆ. ಈ ಪೈಕಿ 237 ವಿಮಾನಗಳನ್ನು ಏರ್ ಇಂಡಿಯಾ ಮತ್ತು ಅಲೈಯನ್ಸ್ ಏರ್ ನಿರ್ವಹಿಸಿವೆ” ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.
“ಇಲ್ಲಿಯವರೆಗೆ ಲೈಫ್‌ಲೈನ್ ಉಡಾನ್ ವಿಮಾನಗಳು ಸಾಗಿಸುವ ಸರಕು ಸುಮಾರು 776.73 ಟನ್‌ಗಳಷ್ಟು ಆಗಿದ್ದು, 4,04,224 ಕಿ.ಮೀ ವ್ಯಾಪ್ತಿಯನ್ನು ಕವರ್ ಮಾಡಿವೆ” ಎಂದಿದೆ.
ಇದಲ್ಲದೆ, ಪವನ್ ಹಂಸ್, ಬ್ಲೂ ಡಾರ್ಟ್, ಸ್ಪೈಸ್ ಜೆಟ್, ಇಂಡಿಗೊ ಮತ್ತು ವಿಸ್ತಾರ ಸಹ ವಾಣಿಜ್ಯ ಆಧಾರದ ಮೇಲೆ ಸರಕು ವಿಮಾನಗಳನ್ನು ನಿರ್ವಹಿಸುತ್ತಿವೆ.
ಲೈಫ್‌ಲೈನ್ ಉಡಾನ್ ವಿಮಾನಗಳು ಗುವಾಹಟಿ, ದಿಬ್ರುಘರ್, ಅಗರ್ತಲಾ, ಐಜ್ವಾಲ್, ದಿಮಾಪುರ, ಇಂಫಾಲ, ಕೊಯಮತ್ತೂರು, ತಿರುವನಂತಪುರಂ, ಭುವನೇಶ್ವರ, ರಾಯ್‌ಪುರ, ರಾಂಚಿ, ಪೋರ್ಟ್ ಬ್ಲೇರ್ ಮತ್ತು ಪಣಜಿಯ ಸ್ಥಳಗಳಲ್ಲಿ ಹಬ್‌ಗಳನ್ನು ಸಂಪರ್ಕಿಸುತ್ತಿವೆ.
ಕೋವಿಡ್ -19 ವಿರುದ್ಧ ಭಾರತದ ಯುದ್ಧದ ಭಾಗವಾಗಿ, ನಾಗರಿಕ ವಿಮಾನಯಾನ ಸಚಿವಾಲಯವು ಮಾರ್ಚ್ 26 ರಂದು ದೇಶಾದ್ಯಂತ ಮತ್ತು ಅದಕ್ಕೂ ಮೀರಿದ ವೈದ್ಯಕೀಯ ಮತ್ತು ಅಗತ್ಯ ಸಾಮಗ್ರಿಗಳ ಚಲನೆಗಾಗಿ ಲೈಫ್‌ಲೈನ್ ಉಡಾನ್ ವಿಮಾನಗಳನ್ನು ಪ್ರಾರಂಭಿಸಿತ್ತು.
ಪ್ರಸ್ತುತ, ಯಾವುದೇ ವಿದೇಶಿ ಅಥವಾ ದೇಶೀಯ ಪ್ರಯಾಣಿಕ ವಿಮಾನ ಕಾರ್ಯಾಚರಣೆಯನ್ನು ಅನುಮತಿಸಲಾಗುತ್ತಿಲ್ಲ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
