ಬೀಜಿಂಗ್: ಚೀನಾದ ಕಮ್ಯುನಿಸ್ಟ್ ಸರ್ಕಾರ ವುಹಾನ್ ನಗರದಲ್ಲಿ ಕೊರೋನವೈರಸ್ ಕಾರಣದಿಂದ ಸಂಭವಿಸಿದ ಸಾವುಗಳು ಸಂಖ್ಯೆ 2500 ಎಂದು ಹೇಳಿದೆ. ಆದರೆ ನಗರದ ನಿವಾಸಿಗಳ ಪ್ರಕಾರ ಸಾವಿನ ಸಂಖ್ಯೆ 40 ಸಾವಿರ ಆಗಿದೆ.
ಇಂದು ಜಾಗತಿಕ ಮಟ್ಟದಲ್ಲಿ ಮರಣ ಮೃದಂಗವನ್ನು ಬಾರಿಸುತ್ತಿರುವ ಕೊರೋನವೈರಸ್ ಮಹಾಮಾರಿಯ ಮೂಲಸ್ಥಾನ ಚೀನಾದ ವುಹಾನ್ ನಗರವಾಗಿದೆ. ಕಳೆದ ವಾರಾಂತ್ಯಕ್ಕೆ ಅಲ್ಲಿ ಸಂಪೂರ್ಣ ಲಾಕ್ ಡೌನ್ ಅನ್ನು ನಿಧಾನವಾಗಿ ತೆರವುಗೊಳಿಸಲಾಗಿದೆ. ಕುಟುಂಬಗಳಿಗೆ ಮರು ಸೇರಲು ಮತ್ತು ಗಡಿಗಳನ್ನು ತೆರವುಗೊಳಿಸಲು ಅಲ್ಲಿ ಈಗ ಅನುಮತಿ ನೀಡಲಾಗಿದೆ.
“ಈಗ ಚೀನಾದ ಅಧಿಕಾರಿಗಳು ಸಾವಿನ ಪ್ರಮಾಣದ ಬಗ್ಗೆ ಅಂಕಿ-ಅಂಶಗಳನ್ನು ಹೊರಡಿಸುತ್ತಿದ್ದಾರೆ. ಬಹುಶಃ ಜನರು ವಾಸವನ್ನು ಒಪ್ಪಿಕೊಳ್ಳಲಿ ಎಂದು ಉದ್ದೇಶಪೂರ್ವಕವಾಗಿ ಅಥವಾ ಉದ್ದೇಶಪೂರ್ವಕವಲ್ಲದೆ ಅಂಕಿ-ಅಂಶಗಳನ್ನು ಬಿಡುಗಡೆ ಮಾಡಲಾಗುತ್ತಿದೆ” ಎಂದು ಮಾವ್ ಎನ್ನುವ ಅಲ್ಲಿನ ನಿವಾಸಿ ರೆಡಿಯೋ ಫ್ರೀ ಏಷ್ಯಾಗೆ ಹೇಳಿದ್ದಾರೆ.
ಕೆಲವು ವಾರಗಳಿಂದ ಅಲ್ಲಿನ ಶವಾಗಾರಗಳು ಸತ್ತವರ ಅಸ್ಥಿಗಳನ್ನು ಕುಟುಂಬ ಸದಸ್ಯರಿಗೆ ಹಸ್ತಾಂತರ ಮಾಡುತ್ತಿದೆ. ನಿತ್ಯ 500 ಜನರಿಗೆ ಇವುಗಳನ್ನು ಹಸ್ತಾಂತರ ಮಾಡುತ್ತಿದೆ. ಹೀಗಾಗಿ ಅಧಿಕಾರಿಗಳು ಹೇಳುತ್ತಿರುವ ಅಂಕಿಅಂಶಗಳು ಸುಳ್ಳು ಎಂಬುದು ತಿಳಿದುಬರುತ್ತದೆ.
ಅಲ್ಲದೆ ಸತ್ತವರ ಬಗ್ಗೆ ಬಾಯಿ ಮುಚ್ಚಿಸಲು ಚೀನಾ ಸರ್ಕಾರ ಕುಟುಂಬಗಳಿಗೆ 3000 ಯುವಾನ್ ಗಳನ್ನು ನೀಡುತ್ತಿದೆ ಎಂದು ಹೇಳಲಾಗಿದೆ.
ಸಾಂಕ್ರಾಮಿಕ ರೋಗ ತಾಂಡವ ಆಡುತ್ತಿದ್ದ ಸಂದರ್ಭದಲ್ಲಿ ಚೀನಾದಾದ್ಯಂತದ ಶವ ಸುಡುವವರನ್ನು ಸರ್ಕಾರ ವುಹಾನ್ಗೆ ಕಳುಹಿಸಿಕೊಟ್ಟಿತ್ತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
