ಮೇ 27 ರಿಂದ ‘ಭಾರತ್ ದರ್ಶನ್’ ಅಡಿಯಲ್ಲಿ ತಿರುಪತಿಯಿಂದ ಕಾಶ್ಮೀರಕ್ಕೆ ರೈಲು ಪ್ರವಾಸ

ನವದೆಹಲಿ: ಭಾರತೀಯ ರೈಲ್ವೆ ತನ್ನ ‘ಭಾರತ್ ದರ್ಶನ’ ಕಾರ್ಯಕ್ರಮದಡಿ ತಿರುಪತಿಯಿಂದ ಕಾಶ್ಮೀರಕ್ಕೆ ರೈಲು ಓಡಿಸಲು ನಿರ್ಧರಿಸುತ್ತಿದೆ. ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮ (ಐಆರ್‌ಸಿಟಿಸಿ) ಪ್ರಕಾರ, ಪ್ರವಾಸ ಪ್ಯಾಕೇಜ್ ದೆಹಲಿ, ಶ್ರೀನಗರ, ಗುಲ್ಮಾರ್ಗ್, ಸೋನ್‌ಮಾರ್ಗ್, ವೈಷ್ಣೋ ದೇವಿ ಮುಂತಾದ ಅನೇಕ ಅದ್ಭುತ ತಾಣಗಳನ್ನು ಒಳಗೊಳ್ಳಲಿದೆ.

ಈ ಪ್ರವಾಸ ಪ್ಯಾಕೇಜ್ 11 ರಾತ್ರಿ ಮತ್ತು 12 ದಿನಗಳವರೆಗೆ ಇರುತ್ತದೆ. ಐಆರ್‌ಸಿಟಿಸಿ ವೆಬ್‌ಸೈಟ್‌ನಲ್ಲಿ ಲಭ್ಯವಿರುವ ವಿವರಗಳ ಪ್ರಕಾರ, ಈ ಪ್ರಯಾಣದ ರೈಲು ರೆನಿಗುಂಟ ರೈಲ್ವೆ ನಿಲ್ದಾಣದಿಂದ 27 ಮೇ 2020 ರಂದು ಬೆಳಿಗ್ಗೆ 12:05 ಕ್ಕೆ ಹೊರಡಲಿದೆ.

ಐಆರ್‌ಸಿಟಿಸಿ ಪ್ರಕಾರ, ಸ್ಟ್ಯಾಂಡರ್ಡ್ ವಿಭಾಗಕ್ಕೆ (ಎಸ್‌ಎಲ್ ವರ್ಗದ ರೈಲು ಪ್ರಯಾಣ) ಪ್ರತಿ ಪ್ರಯಾಣಿಕರಿಗೆ 19,215 ರೂ., ಕಾಮ್ಫರ್ಟ್ ವಿಭಾಗಕ್ಕೆ (3 ಎಸಿ ವರ್ಗದ ರೈಲು ಪ್ರಯಾಣ) ಪ್ರತಿ ಪ್ರಯಾಣಿಕರಿಗೆ 21,735 ರೂ. ಶುಲ್ಲ ಇರಲಿದೆ. ಪ್ರವಾಸ ಮಾರ್ಗದಲ್ಲಿ, ಬೋರ್ಡಿಂಗ್ ಪಾಯಿಂಟ್‌ಗಳಲ್ಲಿ ರೆನಿಗುಂಟಾ, ನೆಲ್ಲೂರು, ಒಂಗೋಲ್, ವಿಜಯವಾಡ, ಸಿಕಂದರಾಬಾದ್, ಗುಂಟೂರು, ನಲ್ಗೊಂಡ, ಕಾಜಿಪೇಟೆ, ರಾಮಗುಂಡಮ್ ಮತ್ತು ನಾಗ್ಪುರ ಸೇರಿವೆ, ಆದರೆ ಡಿ-ಬೋರ್ಡಿಂಗ್ ಪಾಯಿಂಟ್‌ಗಳಲ್ಲಿ ರಾಮಗುಂಡಮ್, ಕಾಜಿಪೇಟೆ, ಸಿಕಂದರಾಬಾದ್, ವಿಜಯವಾಡ, ನಲ್ಗೊಂಡಾ  ಮತ್ತು ರೆನಿಗುಂಟಾ ಸೇರಿದೆ.

ಪ್ರವಾಸ ಪ್ಯಾಕೇಜ್‌ನಲ್ಲಿ ರೈಲು ಪ್ರಯಾಣ, ಎಸ್‌ಐಸಿ ಆಧಾರದ ಮೇಲೆ ನಾನ್ ಎಸಿ ವರ್ಗಾವಣೆ,  ಧರ್ಮಶಾಲಾ ಅಥವಾ ವಸತಿ ನಿಲಯಗಳಲ್ಲಿ ರಾತ್ರಿ ವಾಸ್ತವ್ಯ ಅಥವಾ ಮಲ್ಟಿ-ಶೇರಿಂಗ್ ಆಧಾರದ ಮೇಲೆ ಹಾಲ್, ಟೂರ್ ಎಸ್ಕಾರ್ಟ್ ಮತ್ತು ರೈಲಿನಲ್ಲಿ ಭದ್ರತೆ, ಬೆಳಿಗ್ಗೆ ಚಹಾ ಅಥವಾ ಕಾಫಿ, ಬೆಳಗಿನ ಉಪಾಹಾರ,  ಭೋಜನ ಜೊತೆಗೆ ದಿನಕ್ಕೆ 1 ಲೀಟರ್ ಕುಡಿಯುವ ನೀರು ಸಿಗಲಿದೆ. ಆದರೆ, ಈ ಪ್ರವಾಸ ಪ್ಯಾಕೇಜ್ ಸ್ಮಾರಕಗಳಿಗೆ ಪ್ರವೇಶ ಶುಲ್ಕ, ಲಾಂಡ್ರಿ, ಔಷಧಿಗಳು ಮುಂತಾದ ವೈಯಕ್ತಿಕ  ವಸ್ತುಗಳನ್ನು, ಪ್ರವಾಸ ಮಾರ್ಗದರ್ಶಿ ಸೇವೆಗಳನ್ನು ಒಳಗೊಂಡಿರುವುದಿಲ್ಲ.

ಐಆರ್‌ಸಿಟಿಸಿ ವೆಬ್‌ಸೈಟ್‌ನಲ್ಲಿ ಬುಕಿಂಗ್ ಆನ್‌ಲೈನ್‌ನಲ್ಲಿ ಲಭ್ಯವಿದೆ. ಅಲ್ಲದೆ,  ಐಆರ್‌ಸಿಟಿಸಿ ಪ್ರವಾಸಿ ಸೌಲಭ್ಯ ಕೇಂದ್ರ, ವಲಯ ಕಚೇರಿಗಳು ಮತ್ತು ಪ್ರಾದೇಶಿಕ ಕಚೇರಿಗಳ ಮೂಲಕವೂ ಬುಕ್ಕಿಂಗ್ ಮಾಡಬಹುದು.