ಭಾರತದ 71ನೇ ಗಣರಾಜ್ಯೋತ್ಸವ ಸಮಾರಂಭ ನವದೆಹಲಿಯಲ್ಲಿ ಅತ್ಯಂತ ಅದ್ದೂರಿಯಾಗಿ ನೆರವೇರಿತು. ಬ್ರೆಜಿಲ್ ಅಧ್ಯಕ್ಷ ಜೈರ್ ಬೊಲ್ಸನಾರೋ ಅವರು ಮುಖ್ಯ ಅತಿಥಿಯಾಗಿ ಈ ಸಂದರ್ಭದಲ್ಲಿ ಹಾಜರಿದ್ದರು.
ಭಾರತದ ಮಿಲಿಟರಿ ಮತ್ತು ಸಾಂಸ್ಕೃತಿಕ ಶಕ್ತಿಯನ್ನು ಈ ಸಂದರ್ಭದಲ್ಲಿ ನಡೆದ ಪರೇಡ್‌ಗಳು ಜಗತ್ತಿನ ಮುಂದೆ ಅನಾವರಣಗೊಳಿಸಿತು.
16 ರಾಜ್ಯಗಳ ಮತ್ತು ಕೇಂದ್ರಾಡಳಿತ ಪ್ರದೇಶಗಳ 22 ಸ್ತಬ್ಧಚಿತ್ರಗಳು ಮತ್ತು ವಿವಿಧ ಸರ್ಕಾರಿ ಇಲಾಖೆಗಳು ಮತ್ತು ಸಚಿವಾಲಯಗಳ 6 ಸ್ತಬ್ಧಚಿತ್ರಗಳು ಭಾರತದ ಭವ್ಯ ಪರಂಪರೆ, ಸಾಂಸ್ಕೃತಿಕ ಶ್ರೀಮಂತಿಕೆ ಮತ್ತು ಆರ್ಥಿಕ ಪ್ರಗತಿಯನ್ನು ರಾಜಪಥದಲ್ಲಿ ಪ್ರದರ್ಶಿಸಿದವು.
ಗಣರಾಜ್ಯೋತ್ಸವದಲ್ಲಿ ಕಂಡ ಹಲವು ಪ್ರಥಮಗಳ ಬಗೆಗಿನ ಒಂದು ಹಿನ್ನೋಟ ಇಲ್ಲಿದೆ
🔹 ಧನುಷ್ ಗನ್ ಸಿಸ್ಟಮ್. ಕ್ಯಾಪ್ಟನ್ ಮ್ರಿಗಂಕ್ ಭಾರದ್ವಾಜ್ ಇದನ್ನು ಕಮಾಂಡ್ ಮಾಡಿದರು. ಈ ವ್ಯವಸ್ಥೆಯು ಇದೇ ಮೊದಲ ಬಾರಿಗೆ ರಾಜಪಥದಲ್ಲಿ ಪ್ರದರ್ಶನಗೊಳ್ಳುತ್ತಿದೆ. 15ಎಂಎಂ/45 ಕ್ಯಾಲಿಬರ್ ಧನುಷ್ ಗನ್ ವ್ಯವಸ್ಥೆಯನ್ನು ಆರ್ಡೆನ್ಸ್ ಫ್ಯಾಕ್ಟರಿ ಬೋರ್ಡ್ ಸಂಪೂರ್ಣ ದೇಶಿಯವಾಗಿ ವಿನ್ಯಾಸಗೊಳಿಸಿದೆ. 36.5 ಕಿಮೀಗಳ ಗರಿಷ್ಠ ವ್ಯಾಪ್ತಿಯನ್ನು ಹೊಂದಿರುವ ಇದು, ಆಟೋಮ್ಯಾಟಿಕ್ ಗನ್ ಅಲೈನ್ಮೆಂಟ್ ಮತ್ತು ಪೋಸಿಷನಿಂಗ್ ಸಾಮರ್ಥ್ಯವನ್ನು ಹೊಂದಿದೆ.
🔹 ಸಂಪ್ರದಾಯವನ್ನು ಮುರಿದು ಪ್ರಧಾನಿ ನರೇಂದ್ರ ಮೋದಿಯವರು ಹೊಸದಾಗಿ ನಿರ್ಮಾಣವಾಗಿರುವ ರಾಷ್ಟ್ರೀಯ ಯುದ್ಧ ಸ್ಮಾರಕ ಎಲ್ಲಿ ಗಣರಾಜ್ಯೋತ್ಸವದಂದು ಬೆಳಗ್ಗೆ ಹುತಾತ್ಮ ಯೋಧರಿಗೆ ನಮನಗಳನ್ನು ಸಲ್ಲಿಸಿದರು. ಅಮರ್ ಜವಾನ್ ಜ್ಯೋತಿ ಬದಲು ರಾಷ್ಟ್ರೀಯ ಸ್ಮಾರಕದಲ್ಲಿ ಅವರು ನಮನವನ್ನು ಸಲ್ಲಿಸಿದ್ದಾರೆ.
🔹 ಕ್ಯಾಪ್ಟನ್ ತಾನಿಯಾ ಶೆರ್ಗಿಲ್ ಅವರು ಗಣರಾಜ್ಯೋತ್ಸವದ ಪರೇಡಿನಲ್ಲಿ ಇಂದು ಆಲ್ ಮೆನ್ ಕಂಟಿನ್ಜೆಂಟ್ ಅನ್ನು ಮುನ್ನಡೆಸಿದರು. ಈ ಸಾಧನೆ ಮಾಡಿದ ಎರಡನೇ ಮಹಿಳೆ ಎನಿಸಿಕೊಂಡರು.
🔹 ಇದೇ ಮೊದಲ ಬಾರಿಗೆ ಜಮ್ಮು-ಕಾಶ್ಮೀರವು ಕೇಂದ್ರಾಡಳಿತ ಪ್ರದೇಶವಾಗಿ ಗಣರಾಜ್ಯೋತ್ಸವ ಪರೇಡಿನಲ್ಲಿ ಭಾಗಿಯಾಗುತ್ತಿದೆ.
🔹 ಈ ಬಾರಿಯ ಗಣರಾಜ್ಯೋತ್ಸವದ ಪ್ರಮುಖ ಆಕರ್ಷಣೆಯೆಂದರೆ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಓ) ಆಂಟಿ ಸೆಟಲೈಟ್ ವೆಪನ್ ಮಿಷನ್ ಶಕ್ತಿಯನ್ನು ಪರೇಡಿನಲ್ಲಿ ಪ್ರದರ್ಶಿಸಿತು. ಶತ್ರುರಾಷ್ಟ್ರಗಳ ಸೆಟಲೈಟ್ ಅನ್ನು ಹೊಡೆದುರುಳಿಸುವಲ್ಲಿ ಮಿಶನ್ ಶಕ್ತಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.
🔹 ಕೇಂದ್ರೀಯ ಮೀಸಲು ಪೊಲೀಸ್ ಪಡೆ (CRPF)ಯು ಮಹಿಳಾ ಬೈಕರ್ಗಳ ತಂಡ ಸಾಹಸಮಯ ಪ್ರದರ್ಶನವನ್ನು ನೀಡಿತು. ಇನ್ಸ್ಪೆಕ್ಟರ್ ಸೀಮಾ ನಾಗ್ ನೇತೃತ್ವದ ತಂಡ ಚಲಿಸುತ್ತಿರುವ ಮೋಟಾರ್‌ಸೈಕಲಿನ ತುದಿಯಲ್ಲಿ ನಿಂತು ಸೆಲ್ಯೂಟ್ ಮಾಡಿದೆ.
🔹 ಫ್ಲೈ ಫಾಸ್ಟ್-ಗ್ರಾಂಡ್ ಫಿನಾಲೆ ಮತ್ತು ಬಹುನಿರೀಕ್ಷಿತ ಪೆರೇಡ್ ಸನ್ನಿವೇಶದಲ್ಲಿ ಮೂರು ಸುಧಾರಿತ ಲಘು ಹೆಲಿಕಾಫ್ಟರ್‌ಗಳು ‘ತ್ರಿಶೂಲ’ದ ರಚನೆಯನ್ನು ಮಾಡಿ ಎಲ್ಲರ ಕಣ್ಮನ ಸೆಳೆದವು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
