ನವದೆಹಲಿ: ಭಾರತವು 5ನೇ ತಲೆಮಾರಿನ ಸ್ಟೀಲ್ತ್ ಫೈಟರ್ ಅನ್ನು ಅಭಿವೃದ್ಧಿಪಡಿಸುತ್ತಿದೆ. ವಾಯುಸೇನೆಯ ರಫೇಲ್, ಸುಖೋಯ್ ಸು-30ಎಂಕೆಐ ಮತ್ತು ಎಲ್ಸಿಎ ತೇಜಸ್ಗೆ ಪೂರಕವಾಗಿ ಇದನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ.
ಶೀಘ್ರದಲ್ಲೇ ಲಾಕ್ಹೀಡ್ ಮಾರ್ಟಿನ್’ಸ್ ಎಫ್ -22 ರಾಪ್ಟರ್ ಮತ್ತು ಅಮೆರಿಕದ ಎಫ್ -35 ಲೈಟನಿಂಗ್ II, ಚೀನಾದ ಚೆಂಗ್ಡು ಜೆ -20 ಮತ್ತು ರಷ್ಯಾದ ಸುಖೋಯ್ ಸು -57 ಯುದ್ಧ ವಿಮಾನದ ಎದುರು ಪ್ರತಿಸ್ಪರ್ಧಿಯಾಗಲಿರುವಂತಹ ಸ್ಟೀಲ್ತ್ ಫೈಟರ್ ಅನ್ನು ಅಭಿವೃದ್ಧಿಪಡಿಸುತ್ತಿದೆ. ಅಡ್ವಾನ್ಸ್ಡ್ ಮೀಡಿಯಮ್ ಕಂಬಾತ್ ಏರ್ಕ್ರಾಫ್ಟ್ (ಎಎಂಸಿಎ) ಕಾರ್ಯಕ್ರಮಕ್ಕೆ ಭಾರಿ ಉತ್ತೇಜನ ನೀಡುವ ಭಾಗವಾಗಿ 5 ನೇ ತಲೆಮಾರಿನ ಸುಧಾರಿತ ಮಲ್ಟಿ-ರೋಲ್ ಯುದ್ಧ ವಿಮಾನಗಳ ಅಭಿವೃದ್ಧಿಯನ್ನು ಪ್ರಾರಂಭಿಸಲಾಗಿದೆ ಎಂದು ವಾಯುಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ರಾಕೇಶ್ ಕುಮಾರ್ ಸಿಂಗ್ ಭದೌರಿಯಾ ಘೋಷಿಸಿದ್ದಾರೆ.
ಭಾರತೀಯ ವಾಯುಪಡೆಗೆ ಶಸ್ತ್ರಗಳನ್ನು ಪೂರೈಕೆ ಮಾಡಲು ದೇಶೀಯ ಶಸ್ತ್ರಾಸ್ತ್ರ ವೇದಿಕೆಗಳಿಗೆ ಉತ್ತೇಜನ ನೀಡುವ ಸಲುವಾಗಿ, 5 ನೇ ತಲೆಮಾರಿನ ಸ್ಟೀಲ್ತ್ ಫೈಟರ್ ಅನ್ನು ಅಭಿವೃದ್ಧಿಪಡಿಸುವುದು ಅತ್ಯಗತ್ಯ ಎಂದು ಭದೌರಿಯಾ ಹೇಳಿದ್ದಾರೆ. ವಾಯುಸೇನೆಯು ಇನ್ನು ಮುಂದೆ ವಿದೇಶಿ ನಿರ್ಮಿತ 5 ನೇ ಜನರೇಷನ್ ಫೈಟರ್ ಏರ್ಕ್ರಾಫ್ಟ್ ಖರೀದಿಗೆ ಮುಂದಾಗುವುದಿಲ್ಲ, ದೇಶೀಯವಾಗಿಯೇ ಅದನ್ನು ನಿರ್ಮಾಣ ಮಾಡಲು ಉತ್ತೇಜನ ನೀಡುತ್ತದೆ ಎಂದು ಅವರು ಸ್ಪಷ್ಟಪಡಿಸಿದರು.
ರಫೇಲ್, ಸುಖೋಯ್ ಸು -30 ಎಂಕೆಐ ಮತ್ತು ಲೈಟ್ ಕಾಂಬಾತ್ ಏರ್ಕ್ರಾಫ್ಟ್ ತೇಜಸ್ ಜೊತೆಗೆ, ಎಎಂಸಿಎ ಮುಂಬರುವ ದಶಕಗಳಲ್ಲಿ ವಾಯುಸೇನೆಯ ಬೆನ್ನೆಲುಬಾಗಿರಲಿದೆ. ಪ್ರಸ್ತುತ ಮೈಕೋಯಾನ್-ಗುರೆವಿಚ್ ಮಿಗ್ -29 ಕೆ ಅನ್ನು ನಿರ್ವಹಿಸುವ ಭಾರತೀಯ ನೌಕಾಪಡೆಯ ವಿಮಾನವಾಹಕ ನೌಕೆಗಳಿಗಾಗಿ 5 ನೇ ತಲೆಮಾರಿನ ಯುದ್ಧವಿಮಾನದ ನೌಕಾ ಆವೃತ್ತಿಯನ್ನು ಸಹ ಅಭಿವೃದ್ಧಿಪಡಿಸಲು ನಿರ್ಧರಿಸಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
