ಬೆಂಗಳೂರು: “ಎಲ್ಲದಕ್ಕೂ ಮೊದಲು ನಾನು ಭಾರತೀಯ, ಇಸ್ರೋಗೆ ನಾನು ಭಾರತೀಯನಾಗಿ ಸೇರ್ಪಡೆಗೊಂಡೆ ಮತ್ತು ಇಸ್ರೋ ದೇಶದ ಎಲ್ಲಾ ಪ್ರದೇಶಗಳ ಹಾಗೂ ಭಾಷೆಗಳ ಜನರು ಕಾರ್ಯನಿರ್ವಹಿಸುವ ಸ್ಥಳ” ಎಂದು ಇಸ್ರೋ ಮುಖ್ಯಸ್ಥ ಅವರು ತನ್ನ ತಮಿಳು ಮೂಲದ ಬಗ್ಗೆ ಪ್ರಶ್ನಿಸಿದ ಟಿವಿ ಸಂದರ್ಶಕನಿಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ಅವರ ಈ ಮಾತು ಸಮಸ್ತ ಭಾರತೀಯರ ಹೃದಯವನ್ನು ಗೆದ್ದಿದೆ. ಅವರ ಈ ಸಂದರ್ಶನದ ವಿಡಿಯೋ ತುಣುಕು ಭಾರಿ ವೈರಲ್ ಆಗಿದೆ.
ಇಷ್ಟು ದೊಡ್ಡ ಹುದ್ದೆಗೆ ಏರಿರುವ ನೀವು ತಮಿಳುನಾಡಿನ ಜನತೆಗೆ ಏನು ಸಂದೇಶ ನೀಡಲು ಬಯಸುತ್ತೀರಿ ಎಂದು ಸಂದರ್ಶಕ ಅವರಲ್ಲಿ ಪ್ರಶ್ನೆ ಮಾಡಿದ್ದಾನೆ, ಇದಕ್ಕೆ ವಿನಮ್ರವಾಗಿ ಉತ್ತರಿಸಿರುವ ಅವರು ಎಲ್ಲದಕ್ಕಿಂತ ಮೊದಲು ನಾನು ಭಾರತೀಯ ಎಂದಿದ್ದಾರೆ.
ತನ್ನ ಬಗ್ಗೆ ಅಭಿಮಾನವನ್ನು ಇಟ್ಟುಕೊಂಡಿರುವ ಪ್ರತಿ ಸಹೋದರ ಸಹೋದರಿಯರಿಗೂ ಆಭಾರಿಯಾಗಿದ್ದೇನೆ ಎಂದಿದ್ದಾರೆ.
ತಮಿಳುನಾಡಿನಲ್ಲಿ ಅತ್ಯಂತ ವಿನಮ್ರ ಹಿನ್ನೆಲೆಯಲ್ಲಿ ಬೆಳೆದು ಬಂದಿರುವ ಕೆ. ಸಿವನ್ ಅವರು, ಇಸ್ರೋ ವಿಜ್ಞಾನಿಯಾಗುವವರೆಗೆ ಬೆಳೆದು ಬಂದ ಹಾದಿ ಅತ್ಯಂತ ಪ್ರೇರಣದಾಯಕವಾಗಿದೆ.
ಭಾರತದ ಮಹತ್ವಾಕಾಂಕ್ಷೆಯ ಚಂದ್ರಯಾನ 2 ಹಿನ್ನಡೆಯನ್ನು ಅನುಭವಿಸಿದ ಸಂದರ್ಭದಲ್ಲಿ ಅವರು ಕಣ್ಣೀರು ಹಾಕಿದ ಪರಿಯೇ ಅವರು ಹೆಮ್ಮೆಯ ಭಾರತೀಯ ಎಂಬುದರ ಸಂಕೇತವಾಗಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.