ಬೆಳ್ತಂಗಡಿ : ಶನಿವಾರ ರಾತ್ರಿ ಖಚಿತ ವರ್ತಮಾನದ ಮೇರೆಗೆ ಕಳಿಯ ಗ್ರಾಮದ ಪರಪ್ಪು ಜಂಕ್ಷನ್‌ನಲ್ಲಿ ಗಸ್ತು ನಡೆಸುತ್ತಿದ್ದ ಬಂಟ್ವಾಳ ಎ.ಎಸ್ಪಿ ನೇತೃತ್ವದ ತಂಡ ಅಕ್ರಮದನ ಸಾಗಾಟದ ವಾಹನವೊಂದನ್ನು ಪತ್ತೆ ಹಚ್ಚಿದ್ದಾರೆ.
ಖಚಿತ ವರ್ತಮಾನದ ಮೇರೆಗೆ ಬಂಟ್ವಾಳ ಎ.ಎಸ್ಪಿ ರಾಹುಲ್‌ಕುಮಾರ್ ನೇತೃತ್ವದ ತಂಡವೊಂದು ಗೇರುಕಟ್ಟೆ ಸಮೀಪದ ಪರಪ್ಪು ಜಂಕ್ಷನ್‌ನಲ್ಲಿ ಅಕ್ರಮದನ ಸಾಗಾಟದ ವಾಹನಕ್ಕಾಗಿ ಗಸ್ತು ನಡೆಸುತ್ತಿತ್ತು. ಈ ಸಂದರ್ಭ ಎಲ್ಲಿಂದಲೋ ಕಳ್ಳತನ ಮಾಡಿ ಕಸಾಯಿಖಾನೆಗೆ ಸಾಗಾಟ ಮಾಡುತ್ತಿದ್ದ ಅಶೋಕ್ ಲೈಲೆಂಡ್ ಮಿನಿ ಟೆಂಪೊವೊಂದನ್ನು ಪೊಲೀಸರು ತಪಾಸಣೆ ನಡೆಸಿದಾಗ ಅಕ್ರಮ ಗೋವುಗಳು ಪತ್ತೆಯಾಯಿತು. ವಾಹನದಲ್ಲಿ ಹೋರಿ, ದನ, ಕರುಗಳು ಸೇರಿದಂತೆ ಹದಿನೆಂಟು ಜಾನುವಾರುಗಳು ಪತ್ತೆಯಾಗಿದೆ. ವಾಹನದಲ್ಲಿ ಏಳು ಪ್ಲಾಸ್ಟಿಕ್ ಟ್ರೇ, ಟರ್ಪಲ್, ಪತ್ತೆಯಾಗಿದ್ದು ಆರೋಪಿಗಳು ಎಲ್ಲಿಂದಲೋ ಕದ್ದುತಂದು ಮಾಂಸ ಮಾಡಿ ಮಾರಾಟ ಮಾಡುವಯತ್ನದಲ್ಲಿದ್ದರು ಎಂಬ ಸಂಶಯ ಮೂಡುತ್ತಿದೆ.
ಪೊಲೀಸರು ವಾಹನವನ್ನು ನಿಲ್ಲಿಸುತ್ತಿದ್ದಂತೆಯೇ ಆರೋಪಿಗಳು ಪರಾರಿಯಾಗಿದ್ದು ಅವರ ಪತ್ತೆಗಾಗಿ ಬಲೆ ಬೀಸಲಾಗಿದೆ. ವಾಹನ ಮತ್ತು ಜಾನುವಾರುಗಳ ಒಟ್ಟು ಮೌಲ್ಯ 4.80 ಲಕ್ಷ ವೆಂದು ಅಂದಾಜಿಸಲಾಗಿದೆ. ಪ್ರಕರಣದ ಬಗ್ಗೆ ಬೆಳ್ತಂಗಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣದಾಖಲಾಗಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
