ಬೆಂಗಳೂರು: ಪ್ರಸ್ತುತ ಚಂದ್ರನ ಸುತ್ತ ಪರಿಭ್ರಮಿಸುತ್ತಿರುವ ಚಂದ್ರಯಾನ -2 ಚಂದ್ರನ ಮೇಲ್ಮೈಯಲ್ಲಿ ಇರುವ ಹಲವಾರು ಕುಳಿಗಳನ್ನು ತೋರಿಸುವ ಕೆಲವು ಚಿತ್ರಗಳನ್ನು ಸೆರೆಹಿಡಿದಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಸೋಮವಾರ ತಿಳಿಸಿದೆ.
ಈ ಚಿತ್ರಗಳನ್ನು ಇಸ್ರೋ ಹಂಚಿಕೊಂಡಿದೆ. ಚಂದ್ರಯಾನ-2 ಗಗನ ನೌಕೆ ಸೆರೆಹಿಡಿದ ಫೋಟೋಗಳು ಕುಳಿಗಳಾದ ಸೋಮರ್‌ಫೆಲ್ಡ್, ಕಿರ್ಕ್‌ವುಡ್, ಜಾಕ್ಸನ್, ಮ್ಯಾಕ್, ಕೊರೊಲೆವ್, ಮಿತ್ರ, ಪ್ಲ್ಯಾಸ್ಕೆಟ್, ರೋಝ್ಡೆಸ್ಟ್ವೆನ್ಸ್ಕಿ ಮತ್ತು ಹರ್ಮೈಟ್ಗಳನ್ನು ಒಳಗೊಂಡಿದೆ ಎಂದು ಇಸ್ರೋ ತಿಳಿಸಿದೆ.
ಈ ಕುಳಿಗಳಿಗೆ ಶ್ರೇಷ್ಠ ವಿಜ್ಞಾನಿಗಳ, ಖಗೋಳಶಾಸ್ತ್ರಜ್ಞರ ಮತ್ತು ಭೌತವಿಜ್ಞಾನಿಗಳ ಹೆಸರುಗಳನ್ನು ಇಡಲಾಗಿದೆ.
ಅಯಾನೋಸ್ಫಿಯರ್ ಮತ್ತು ರೇಡಿಯೊಫಿಸಿಕ್ಸ್ ಕ್ಷೇತ್ರದಲ್ಲಿ ಮಹತ್ತರವಾದ ಸಾಧನೆಯನ್ನು ಮಾಡಿರುವ ಭಾರತೀಯ ಭೌತಶಾಸ್ತ್ರಜ್ಞ ಮತ್ತು ಪದ್ಮಭೂಷಣ ಪ್ರಶಸ್ತಿ ಪುರಸ್ಕೃತ ಪ್ರೊಫೆಸರ್ ಸಿಸಿರ್ ಕುಮಾರ್ ಮಿತ್ರ ಅವರ ಹೆಸರಿನಲ್ಲಿ ಕುಳಿ ಮಿತ್ರ ಇದೆ.
ಚಂದ್ರನ ಮೇಲ್ಮೈಯ ಈ ಚಿತ್ರಗಳನ್ನು ಆಗಸ್ಟ್ 23 ರಂದು ಚಂದ್ರಯಾನ -2 ರ ಟೆರೈನ್ ಮ್ಯಾಪಿಂಗ್ ಕ್ಯಾಮೆರಾ -2 ಸುಮಾರು 4,375 ಕಿ.ಮೀ ಎತ್ತರದಿಂದ ತೆಗೆದಿದೆ ಎಂದು ಇಸ್ರೋ ತಿಳಿಸಿದೆ.
ಚಂದ್ರಯಾನ -2 ಸೆರೆಹಿಡಿದ ಚಂದ್ರನ ಮೊದಲ ಚಿತ್ರವನ್ನು ಇಸ್ರೋ ಆಗಸ್ಟ್ 22 ರಂದು ಬಿಡುಗಡೆ ಮಾಡಿತ್ತು.
ಆರ್ಬಿಟರ್, ಲ್ಯಾಂಡರ್ ಮತ್ತು ರೋವರ್ ಒಳಗೊಂಡ ಮೂರು-ಮಾಡ್ಯೂಲ್ ಬಾಹ್ಯಾಕಾಶ ನೌಕೆಯಾದ ಚಂದ್ರಯಾನ -2 ಅನ್ನು ಜುಲೈ 22 ರಂದು ಉಡಾವಣೆ ಮಾಡಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
