ನವದೆಹಲಿ: ಕಾರ್ಗಿಲ್ ಯುದ್ಧ ಸಂಭವಿಸಿ 20 ವರ್ಷಗಳ ಬಳಿಕ, ಟೈಗರ್ ಹಿಲ್ಸ್ಗಾಗಿನ ಪಾಕಿಸ್ಥಾನ ವಿರುದ್ಧದ ಆ ಹೋರಾಟದಲ್ಲಿ ಹುತಾತ್ಮರಾದ ವೀರ ಯೋಧರ ಗೌರವಾರ್ಥ ಭಾರತೀಯ ಸೇನೆಯು ಚಾರಣ ನಡೆಸಿ ‘ಆಪರೇಶನ್ ವಿಜಯ್’ ಅನ್ನು ಮರುಸೃಷ್ಟಿಸಿದೆ. 2 ರಜಪೂತಾನ ರೈಫಲ್ಸ್ ಪಡೆಯ ಯೋಧರು ಟೊಲೊಲಿಂಗ್ ಶಿಖರಕ್ಕೆ ಚಾರಣವನ್ನು ಹಮ್ಮಿಕೊಂಡು ಯುದ್ಧವೀರರಿಗೆ ಗೌರವಾರ್ಪಣೆ ಮಾಡಿದರು.
ಬಾತ್ರ ಟಾಪ್ ಮತ್ತು ಟೈಗರ್ ಹಿಲ್ಗೆ ಎರಡು ಪ್ರತ್ಯೇಕ ಚಾರಣವನ್ನು 13 ಜಮ್ಮು ಆ್ಯಂಡ್ ಕಾಶ್ಮೀರ್ ರೈಫಲ್ಸ್ ಮತ್ತು 18 ಗ್ರೆನೇಡಿಯರ್ಸ್ ಆಯೋಜಿಸಿದೆ. ಜುಲೈ 3 ರಂದು ಚಾರಣ ಆರಂಭಗೊಂಡಿದ್ದು, ದ್ರಾಸ್ ಅನ್ನು ದಾಟಿ ಅತ್ಯಂತ ಕಠಿಣ ಹಾದಿಯನ್ನು ಸವೆಸಿ ಜುಲೈ 7 ರಂದು ಟೈಗರ್ ಹಿಲ್ ತಲುಪಲಾಗಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.
2 ರಜಪೂತಾನ ರೈಫಲ್ಸ್‌ನ ಸೈನಿಕರು ಟೊಲೊಲಿಂಗ್ ಶಿಖರವನ್ನು ಹತ್ತಿದ್ದಾರೆ, 13 ಜಮ್ಮು ಮತ್ತು ಕಾಶ್ಮೀರ ರೈಫಲ್ಸ್ ಪಾಯಿಂಟ್ 4875 ಅನ್ನು ಏರಿದೆ (ಈಗ ಇದನ್ನು ಬಾತ್ರಾ ಟಾಪ್ ಎಂದು ಕರೆಯಲಾಗುತ್ತದೆ) ಮತ್ತು 1/9 ಗೂರ್ಖಾ ರೈಫಲ್ಸ್ ಖಲುಬರ್ ಶೃಂಗವನ್ನು ಏರಿದೆ ಎಂದು ವರದಿ ತಿಳಿಸಿದೆ.
1999 ರಲ್ಲಿ ಹಿಮಾವೃತ ಶಿಖರವನ್ನು ಆಕ್ರಮಿಸಿಕೊಂಡ ಪಾಕಿಸ್ಥಾನಿ ಸೇನೆಯ ವಿರುದ್ಧ ಭಾರತವು ಕಾರ್ಗಿಲ್ ಯುದ್ಧವನ್ನು ಸಾರಿತ್ತು. ಅಲ್ಲದೇ ಪಾಕ್ ವಿರುದ್ಧ ಪರಾಕ್ರಮವ ವಿಜಯವನ್ನೂ ದಾಖಲಿಸಿತ್ತು. ಈ ನೆನಪಿಗಾಗಿ ಪ್ರತಿ ವರ್ಷ ಜುಲೈ 27 ರಂದು ‘ಆಪರೇಷನ್ ವಿಜಯ್’ ಅನ್ನು ಆಚರಿಸಲಾಗುತ್ತದೆ. ಈ ವರ್ಷ ಅದರ 20 ನೇ ವಾರ್ಷಿಕೋತ್ಸವವನ್ನು ಆಚರಿಸಲು ಭಾರತೀಯ ಸೇನೆ ಸಜ್ಜಾಗಿದೆ. ‘ಅವರ ತ್ಯಾಗದ ಸ್ಮರಣೆ’, ‘ಅವರ ಗೆಲುವಿನ ಮೆಲುಕು ಹಾಕುವಿಕೆ’ ಮತ್ತು ‘ಪ್ರತಿಜ್ಞೆಯನ್ನು ನವೀಕರಿಸುವುದು’ ಈ ಮೂರು ಥೀಮ್ ಇಟ್ಟುಕೊಂಡು ಈ ಬಾರಿಗೆ ‘ಆಪರೇಶನ್ ವಿಜಯ್’ ಅನ್ನು ಆಚರಿಸಲಾಗುತ್ತಿದೆ.
Battle of #Tololing was the turning point in #KargilWar.Commemorating the epic victory, trekking expedition was undertaken by 2RajRif. #ArmyCdrNC accompanied by #GOCFireAndFuryCorps received troops of 2RajRif at #Tololing Top & paid homage to martyrs.@adgpi#20YearsToKargilVijay pic.twitter.com/wNHXwjkW0F
— NorthernComd.IA (@NorthernComd_IA) July 6, 2019
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
