ನವದೆಹಲಿ: 2019ರಲ್ಲಿ ಭಾರತದಲ್ಲಿ 65 ವರ್ಷಗಳಲ್ಲೇ ಅತೀ ಕಡಿಮೆ ಪೂರ್ವ ಮುಂಗಾರು ಮಳೆಯಾಗಿದೆ ಎಂದು ಖಾಸಗಿ ಹವಮಾನ ಪರಿಶೀಲನಾ ಸಂಸ್ಥೆ ಸ್ಕೈಮೇಟ್ ವರದಿ ಮಾಡಿದೆ. ಈ ವರ್ಷ ಭಾರತ ಸರಾಸರಿ 131.5mm ಪೂರ್ವ ಮುಂಗಾರಿನ ಬದಲು 99mm ಪೂರ್ವ ಮುಂಗಾರು ಮಳೆಯನ್ನು ಸ್ವೀಕರಿಸಿದೆ.
ದೇಶದ ಎಲ್ಲಾ ನಾಲ್ಕು ದಿಕ್ಕುಗಳೂ ಪೂರ್ವ ಮುಂಗಾರು ಅವಧಿಯಲ್ಲಿ ಈ ಬಾರಿ ಸಾಮಾನ್ಯಕ್ಕಿಂತ ಕಡಿಮೆ ಮಳೆಯನ್ನು ದಾಖಲಿಸಿವೆ. ಈಶಾನ್ಯ ಭಾರತ, ಮಧ್ಯ ಭಾರತ, ಪೂರ್ವ ಭಾರತ ಮತ್ತು ವಾಯುವ್ಯ ಭಾರತ ಮತ್ತು ಸೌತ್ ಪೆನಿನ್ಸುಲ ಶೇ. 30 ರಷ್ಟು, ಶೇ. 18 ರಷ್ಟು, ಶೇ. 14 ರಷ್ಟು, ಶೇ. 47 ರಷ್ಟು ಕ್ರಮವಾಗಿ ಮಳೆಯ ಕೊರತೆಯಾಗಿದೆ.
ಜೂನ್ 6ರಂದು ಮುಂಗಾರು ಮಳೆ ಆರಂಭವಾಗುತ್ತದೆ ಅನ್ನೋ ನಿರೀಕ್ಷೆ ನಡುವೆ ಈ ಬಾರಿ ಮುಂಗಾರು ಪೂರ್ವದಲ್ಲಿ 65 ವರ್ಷಕ್ಕಿಂತ ಕಡಿಮೆ ಮಳೆ ಆಗಿದೆ ಅನ್ನೋ ಮಾಹಿತಿ ಭಾರೀ ಆತಂಕವನ್ನು ಸೃಷ್ಟಿಸಿದೆ. ಅದರಲ್ಲೂ ಮಳೆಯನ್ನೇ ನಂಬಿರುವ ಕೃಷಿ ಮತ್ತು ರೈತರ ದುಗುಡ ಇನ್ನಷ್ಟು ಹೆಚ್ಚಾಗಿದೆ.
ಇನ್ನು ಸೋಮವಾರ ಜಗತ್ತಿನ ಅತ್ಯಂತ ಬಿಸಿಲಿನ 15 ನಗರಿಗಳ ಪೈಕಿ ಭಾರತದ 11 ನಗರಗಳು ಸೇರಿವೆ. ರಾಜಸ್ಥಾನದ ಚುರುವಿನಲ್ಲಿ 48.9 ಡಿಗ್ರಿ ಸೆಲ್ಸಿಯಸ್, ದೆಹಲಿಯಲ್ಲಿ 44.6 ಡಿಗ್ರಿ ಸೆಲ್ಸಿಯಸ್ನಷ್ಟು ಉಷ್ಣಾಂಶ ದಾಖಲಿಸಿದೆ. ಪರಿಸ್ಥಿತಿ ಇದೇ ರೀತಿ ಮುಂದುವರೆದರೆ ಜೀವನ ಕಷ್ಟಕರವಾಗಲಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.