ವಾರಣಾಸಿಯಲ್ಲಿ ಜನರಿಗೆ ಮೋದಿ ಸಾಧನೆಗಳೇನು ಎಂಬ ಪ್ರಶ್ನೆ ಕೇಳಿ ಮುಖಭಂಗ ಅನುಭವಿಸಿದ ರಾಜ್­ದೀಪ್ ಸರ್ದೇಸಾಯಿ

ವಾರಣಾಸಿ: ಮೇ 19 ರಂದು ಚುನಾವಣೆಯನ್ನು ಎದುರಿಸುತ್ತಿರುವ ಪ್ರಧಾನಿ ನರೇಂದ್ರ ಮೋದಿಯವರ ಸ್ವಕ್ಷೇತ್ರ ವಾರಣಾಸಿಯಲ್ಲಿ ಗ್ರೌಂಡ್ ರಿಪೋರ್ಟಿಂಗ್ ಮಾಡಿದ ಇಂಡಿಯಾ ಟುಡೇ ಪತ್ರಕರ್ತ ರಾಜ್­ದೀಪ್ ಸರ್ದೇಸಾಯಿ ಅವರು ಇಲ್ಲಸಲ್ಲದ ಪ್ರಶ್ನೆ ಕೇಳಿ ಜನರಿಂದ ಮುಖಭಂಗವನ್ನು ಅನುಭವಿಸಿದ್ದಾರೆ. ಮೋದಿ ವಿರೋಧಿಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಇರುವ ಇವರು, ಸದಾ ಮೋದಿ ಸರ್ಕಾರದ ಬಗ್ಗೆ ತಪ್ಪು ಮಾಹಿತಿಗಳನ್ನು ಹರಡಲು ಪ್ರಯತ್ನಿಸುತ್ತಲೇ ಇರುತ್ತಾರೆ.

ವಾರಣಾಸಿಯಲ್ಲಿ ವರದಿ ಮಾಡುತ್ತಿರುವ ಸಂದರ್ಭದಲ್ಲೂ, ಅಲ್ಲಿನ ಜನರಿಗೆ ಮೋದಿ ಮಾಡಿದ ಸಾಧನೆಗಳೇನು ಎಂಬ ಪ್ರಶ್ನೆಗಳನ್ನು ಮುಂದಿಟ್ಟಿದ್ದಾರೆ. ಎಲ್ಲರೂ ಸಕಾರಾತ್ಮಕ ಉತ್ತರವನ್ನೇ ನೀಡಿದ್ದಾರೆ. ಸ್ವಚ್ಛತೆ, ರಸ್ತೆ ಅಗಲೀಕರಣ, ಅಂಡರ್ ಗ್ರೌಂಡ್ ಪವರ್ ಕೇಬಲ್, ಗಂಗಾ ಶುದ್ಧೀಕರಣ ಇತ್ಯಾದಿ ಮೋದಿ ಮಾಡಿದ ಕಾರ್ಯಗಳನ್ನು ಜನರು ಹೇಳಿದ್ದಾರೆ.

ಆದರೂ ನಕಾರಾತ್ಮಕ ಉತ್ತರವನ್ನು ಪಡೆಯಲೇ ಬೇಕು ಎಂದು ಹಠಕ್ಕೆ ಬಿದ್ದ ಸರ್ದೇಸಾಯಿ, ಮೋದಿ ಕೆಲಸಕ್ಕಿಂತ ಜಾಸ್ತಿ ಮಾರ್ಕೆಟಿಂಗ್ ಮಾಡುತ್ತಾರಲ್ಲವೇ?  ಹಿಂದೆ ವಾರಣಾಸಿ ಕಾಂಗ್ರೆಸ್ ಭದ್ರಕೋಟೆಯಾಗಿತ್ತಲ್ಲವೇ ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ವ್ಯಕ್ತಿ, ಹೌದು ನೀವೇ ಹೇಳುವಂತೆ ವಾರಣಾಸಿ ಕಾಂಗ್ರೆಸ್ ಭದ್ರಕೋಟೆಯಾಗಿತ್ತು, ಆದರೆ ಅವರು ಮಾಡಿದ ಒಂದೇ ಒಂದು ಕೆಲಸದ ಬಗ್ಗೆ ನೀವು ಮಾಹಿತಿ ನೀಡಿ ಎಂದಿದ್ದಾರೆ. ಅಲ್ಲದೇ ಮೋದಿ ಮಾಡಿದ 50 ಕಾರ್ಯಗಳ ಬಗ್ಗೆ ನಾವು ಹೇಳುತ್ತೇವೆ, ನೀವು ಕಾಂಗ್ರೆಸ್ ಮಾಡಿದ 1 ಕೆಲಸವನ್ನು ಹೇಳಿ ಎಂದಿದ್ದಾರೆ.

ಆ ವ್ಯಕ್ತಿ ಉತ್ತರ ನೀಡುತ್ತಿದ್ದಂತೆ ಸುತ್ತಮುತ್ತ ಇದ್ದ ಜನರು ಚಪ್ಪಾಳೆ ತಟ್ಟಲು ಆರಂಭಿಸಿದ್ದಾರೆ. “ಮೋದಿ ಏನು ಮಾಡಿದ್ದಾರೆ ಎಂದು ಕೇಳುವುದು ಸಚಿನ್ ತೆಂಡೂಲ್ಕರ್ 100 ಶತಕ ಬಾರಿಸಿದ್ದನ್ನು ಬಿಟ್ಟು ಬೇರೇನು ಮಾಡಿದ್ದಾರೆ ಎಂದು ಕೇಳಿದಂತಿದೆ. ನೀವು ಕೂಡ ಅಂತಹುದೇ ಪ್ರಶ್ನೆಯನ್ನು ಕೇಳುತ್ತಿದ್ದೀರಾ” ಎಂದು ವ್ಯಕ್ತಿ ಸರ್ದೇಸಾಯಿಗೆ ನೇರವಾಗಿ ಹೇಳಿದ್ದಾರೆ.

ಆದರೆ ಸರ್ದೇಸಾಯಿಗೆ ಕಾಂಗ್ರೆಸ್ ಪಕ್ಷ ವಾರಣಾಸಿಯಲ್ಲಿ ಮಾಡಿದ ಒಂದೇ ಒಂದು ಕೆಲಸವನ್ನು ಉಲ್ಲೇಖಿಸಲು ವಿಫಲರಾಗಿದ್ದಾರೆ.