ಮೇಘಾಲಯ : ದೋಣಿಯಿಂದ ಮಾತ್ರ ತಲುಪಲು ಸಾಧ್ಯವಾಗುವಂತಹ ಮೇಘಾಲಯದ ಕಿಮ್ಸಿಂಗ್ ಮತಗಟ್ಟೆಯಲ್ಲಿ ಶೇಕಡಾ ನೂರರಷ್ಟು ಮತದಾನವಾಗಿದೆ. ಇಲ್ಲಿರುವುದು ಕೇವಲ 33 ಮಂದಿ ಮತದಾರರು ಮಾತ್ರ. ಆದರೆ ಕಠಿಣ ಹಾದಿಯ ಕಾರಣದಿಂದ ಇವರು ಮತಗಟ್ಟೆಗೆ ತಲುಪುದು ಅಷ್ಟು ಸುಲಭದ ಮಾತಲ್ಲ. ಆದರೂ ಕೂಡ ಏಪ್ರಿಲ್ 11 ರಂದು ಜರುಗಿದ ಚುನಾವಣೆಯಲ್ಲಿ ಇಲ್ಲಿ ಶೇಕಡಾ 100 ರಷ್ಟು ಮತದಾನವಾಗಿದೆ. ಅಂದರೆ 33 ಮಂದಿಯೂ ಕಠಿಣ ಹಾದಿಯನ್ನು ಸವೆಸಿ ಕಮ್ಸಿಂಗ್ ಮತಗಟ್ಟೆಗೆ ಬಂದು ಜವಾಬ್ದಾರಿಯುತ ನಾಗರೀಕರಾಗಿ ಮತದಾನ ಮಾಡಿದ್ದಾರೆ.
ಮೇಘಾಲಯದ ಅತ್ಯಂತ ಪುಟ್ಟ ಮತಗಟ್ಟೆ ಎಂಬ ಹೆಸರನ್ನು ಕಮ್ಸಿಂಗ್ ಮತಗಟ್ಟೆ ಪಡೆದುಕೊಂಡಿದೆ. ಗ್ರಾಮದ 33 ಮತದಾರರು ಮತದಾನ ಮಾಡಲು ಆಗಮಿಸುತ್ತಿದ್ದಂತೆ ಅವರಿಗೆ ಮತಗಟ್ಟೆ ಅಧಿಕಾರಿಗಳು ಅಪೂರ್ವವಾಗಿ ಸ್ವಾಗತವನ್ನು ಕೋರಿದ್ದಾರೆ.
ಅಡಿಕೆ ಮರಗಳು ತುಂಬಿರುವ ಬೆಟ್ಟದ ತುದಿಯ ಗ್ರಾಮವೇ ಕಮ್ಸಿಂಗ್. ಮಾಯಾಂಗ್ ನದಿಯನ್ನು ದೋಣಿಯ ಮೂಲಕ ದಾಟಿಯೇ ಮತದಾನ ಮಾಡಲು ಜನರು ಆಗಮಿಸಬೇಕಾದ ಅನಿವಾರ್ಯತೆ ಇದೆ.
ನಗರ ಪ್ರದೇಶದಲ್ಲಿ ಎಲ್ಲಾ ಸವಲತ್ತುಗಳು ಇದ್ದರೂ ಕೂಡ ಮತದಾನ ಮಾಡಲು ಆಗಮಿಸದ ಜನರು ಕಮ್ಸಿಂಗ್ ಜನರನ್ನು ನೋಡಿ ಕಲಿಯಬೇಕಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
