ವಿಟ್ಲ : ದ.ಕ. ಜಿಲ್ಲೆಯ ಬಂಟ್ವಾಳ ತಾಲೂಕಿನ ವಿಟ್ಲ ಸಮೀಪದ ಮೂರುಕಜೆಯಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಒಂದು ಪ್ರಕಲ್ಪವಾಗಿರುವ ಮೈತ್ರೇಯೀ ಗುರುಕುಲವು ಪ್ರಾರಂಭವಾಗಿ ವರ್ಷ 24 ಸಂದಿವೆ. ಹಿಂದೂ ಗಣಿತೀಯ ಲೆಕ್ಕಾಚಾರದಂತೆ ಇದು ಅರ್ಧಮಂಡಲ.
ಈ ಪಯಣದ ಸಿಂಹಾವಲೋಕನ ಮತ್ತು ಭವಿಷ್ಯದ ಕಾರ್ಯ ಯೋಜನೆಗಾಗಿ ಕೈಗೊಂಡ ಅರ್ಧಮಂಡಲೋತ್ಸವ 27-3-2018 ರಂದು ಉದ್ಘಾಟನೆಗೊಂಡಿತ್ತು. ಇದೀಗ ವರ್ಷಪೂರ್ತಿ ಅರ್ಧಮಂಡಲೋತ್ಸವ ನಿಮಿತ್ತ ವಿವಿಧ ರೀತಿಯ ಗುರುಕುಲ ಜಾಗೃತಿಯ ಕಾರ್ಯಕ್ರಮಗಳನ್ನು ಮಾಡಿ ಸಮಾಪನದತ್ತ ಹೆಜ್ಜೆ ಹಾಕುತ್ತಿದೆ.
ಇದೇ ಫೆಬ್ರವರಿ 17 ಭಾನುವಾರದಂದು ಅಪರಾಹ್ಣ 3 ಗಂಟೆಗೆ ಅರ್ಧಮಂಡಲೋತ್ಸವದ ಸಮಾರೋಪ ಕಾರ್ಯಕ್ರಮ ನಡೆಯಲಿದೆ.
ವಿವಿಧ ರಾಜ್ಯಗಳ, ನಾಡಿನೆಲ್ಲೆಡೆಯ ಹೆಣ್ಣುಮಕ್ಕಳು ಆರ್ಷವಿದ್ಯೆಯನ್ನು ಕಲಿಯುತ್ತಿರುವ ಮೈತ್ರೇಯಿ ಗುರುಕುಲದ ಪರಿಸರದಲ್ಲಿಯೇ ಕಾರ್ಯಕ್ರಮ ನಡೆಯಲಿದ್ದು, ಪತಂಜಲಿ ಯೋಗ ಪೀಠದ ಸಂಸ್ಥಾಪಕರಾದ ಯೋಗಗುರು ಬಾಬಾ ರಾಮದೇವ್, ಆಯುಷ್ ಇಲಾಖೆ ಕೇಂದ್ರ ಸಚಿವರಾದ ಶ್ರೀ ಶ್ರೀಪಾದ ಯೆಸ್ಸೋ ನಾಯಕ್, ಖ್ಯಾತ ಭರತನಾಟ್ಯ ಕಲಾವಿದೆ ಹಾಗೂ ಮಥುರಾ ಸಂಸದೆ ಶ್ರೀಮತಿ ಹೇಮಾಮಾಲಿನಿ, ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸಹಸರಕಾರ್ಯವಾಹರಾದ ಶ್ರೀ ಮುಕುಂದ ಮುಂತಾದವರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
ಗುರುಕುಲದ ವಿದ್ಯಾರ್ಥಿನಿಯರಿಂದ ಗುರುಕುಲದ ಉದ್ದೇಶವನ್ನು ಬಿಂಬಿಸುವ ನೃತ್ಯ ರೂಪಕ ಕಾರ್ಯಕ್ರಮ ನಡೆಯಲಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
