ದೇಶ ಕಟ್ಟುವ ಕೆಲಸವೂ ಕಾರ್ಮಿಕರಿಂದ ಸಾಧ್ಯ- ಭಾರತೀಯ ಮಜ್ದೂರ್ ಸಂಘದ ಕೇರಳ ರಾಜ್ಯ ಉಪಾಧ್ಯಕ್ಷ ಶ್ರೀ ರಾಧಾಕೃಷ್ಣನ್

ಪೈವಳಿಕೆ : ಭಾರತೀಯ ಮಜ್ದೂರ್ ಸಂಘದ ಪೈವಳಿಕೆ ಪಂಚಾಯತ್ ಮಟ್ಟದ ಸಮಾವೇಶ ದಿ: 21.01.2018 ಭಾನುವಾರ ಕಾಯರ್ ಕಟ್ಟೆಯ ಕುಲಾಲ ಸಮಾಜ ಭವನದಲ್ಲಿ ನಡೆಯಿತು. ಇದೇ ಬರುವ ಪೆಬ್ರವರಿ 24, 25 ತಾರೀಕುಗಳಲ್ಲಿ ಭಾರತೀಯ ಮಜ್ದೂರ್ ಜಿಲ್ಲಾ ಸಮ್ಮೇಳನದ ನಡೆಯಲಿರುವ ಹಿನ್ನೆಲೆಯಲ್ಲಿ ಯೂನಿಟ್ ಮಟ್ಟದಲ್ಲಿ ಕಾರ್ಮಿಕರನ್ನು ಒಗ್ಗೂಡಿಸುವ ಉದ್ದೇಶದಿಂದ ಈ ಸಮಾವೇಶ ಭಾರತೀಯ ಮಜ್ದೂರ್ ಸಂಘದ ವತಿಯಿಂದ ಈ ಸಮಾವೇಶ ಆಯೋಜಿಸಲಾಗಿತ್ತು. ಈ ಸಮಾವೇಶದ ಉದ್ಘಾಟನೆಯನ್ನು ಭಾರತೀಯ ಮಜ್ದೂರ್ ಸಂಘದ ಕೇರಳ ರಾಜ್ಯ ಉಪಾಧ್ಯಕ್ಷ ರಾಧಾಕೃಷ್ಣನ್ ಉದ್ಘಾಟಿಸಿದರು.

ಅವರು ತಮ್ಮ ಉದ್ಘಾಟನಾ ಭಾಷಣದಲ್ಲಿ ಮಾತನಾಡುತ್ತಾ ಕಾರ್ಮಿಕರು ಒಂದಾಗಿ ತಮಗೆ ಸರಕಾರದಿಂದ ಸಿಗುವ ಸವಲತ್ತುಗಳ ಕುರಿತು ತಿಳುವಳಿಕೆ ಹೊಂದಬೇಕು. ವಿವಿಧ ರೀತಿಯ ಸೌಲಭ್ಯಗಳನ್ನು ಸರಕಾರ ನೀಡುತ್ತಿದ್ದು ಅದರ ಮಾಹಿತಿಯ ಕೊರತೆಯಿಂದ ಕಾರ್ಮಿಕರು ಅವಕಾಶ ವಂಚಿತರಾಗುತ್ತಿದ್ದಾರೆ. ಕಾರ್ಮಿಕರ ಕುಟುಂಬಕ್ಕೆ ಆರೋಗ್ಯ ರಕ್ಷಣೆಗೆ ಇ.‌ಎಸ್‌‌.ಐ.ನ ( Employee State Insurance) ಸೌಲಭ್ಯವಿದ್ದು ಅದಕ್ಕಾಗಿ ಈ ಭಾಗದ ಜನರಿಗೆ ಒಂದು ಆಸ್ಪತ್ರೆಯ ಸೌಲಭ್ಯವನ್ನು ಒದಗಿಸುವ ಬಗ್ಗೆ BMS ನ ವತಿಯಿಂದ ಆಗ್ರಹಿಸುತ್ತೇನೆ ಎಂದರು. ಅದಲ್ಲದೆ ವಿವಿಧ ಕ್ಷೇತ್ರಗಳಲ್ಲಿ ದುಡಿಯುತ್ತಿರುವ ಕಾರ್ಮಿಕರಿಗೆ ಸಾಕಷ್ಟು ಸವಲತ್ತುಗಳ ಸರಕಾರದಿಂದ ಸೌಲಭ್ಯಗಳಿದ್ದು ಅದರ ಉಪಯೋಗ ಪಡೆಯುವ ನಿಟ್ಟಿನಲ್ಲಿ ಮಾಹಿತಿ ನೀಡುವ ಕೆಲಸ ಆಗಬೇಕಿದೆ. ಈ ನಿಟ್ಟಿನಲ್ಲಿ ಪೈವಳಿಕೆ ಯೂನಿಟ್­ನಲ್ಲಿ ಸಂಘಟನೆ ಬಲಪಡಿಸುವ ಕೆಲಸ ಆಗಬೇಕಾಗಿದೆ. ಇದರ ಜೊತೆಯಲ್ಲಿ ಭಾರತೀಯ ಮಜ್ದೂರ್ ಸಂಘದ ಧ್ಯೇಯದಂತೆ ಕಾರ್ಮಿಕರಲ್ಲಿ ದೇಶಾಭಿಮಾನ ಬೆಳೆಸುವ ಮಹತ್ವದ ಕೆಲಸ ಕೂಡ ಆಗಬೇಕಿದೆ ಎಂದು ಅವರು ತಿಳಿಸಿದರು.

ಇದೇ ಸಂದರ್ಭದಲ್ಲಿ ಭಾರತೀಯ ಮಜ್ದೂರ್ ಸಂಘದ ವಲಯ ಅಧ್ಯಕ್ಷ ದಿನೇಶ ಮಾತನಾಡಿ 2018 ಪೆಬ್ರವರಿ 24,25 ರಂದು ಭಾರತೀಯ ಮಜ್ದೂರ್ ಸಂಘದ ಜಿಲ್ಲಾ ಸಮ್ಮೇಳನದ ಮೂಲಕ ಸಂಘಟನೆ ಬಲ ಪಡಿಸಿ ಕಾರ್ಮಿಕರ ನ್ಯಾಯ ಹಾಗೂ ಅವರ ಹಕ್ಕನ್ನು ಪಡೆಯುವ ನಿಟ್ಟಿನಲ್ಲಿ ಕೆಲಸ ಆಗಬೇಕಿದೆ. ಮುಂದಿನ ದಿನಗಳಲ್ಲಿ ಪೈವಳಿಕೆ ಯೂನಿಟ್ ನಲ್ಲಿ ಭಾರತೀಯ ಮಜ್ದೂರ್ ಸಂಘ ತನ್ನ ಶಕ್ತಿ ವರ್ಧನೆ ಮಾಡುವ ನಿಟ್ಟಿನಲ್ಲಿ ಈ ಸಮಾವೇಶ ಪೂರಕವಾಗಲಿ ಎಂದು ಆಶಯ ವ್ಯಕ್ತಪಡಿಸಿದರು‌. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಭಾರತೀಯ ಮಜ್ದೂರ್ ಸಂಘದ ಪೈವಳಿಕೆ ಯುನಿಟ್ ಮ ಅಧ್ಯಕ್ಷ ಶ್ರೀ ಚಂದ್ರ ಕುಡಿಯ ಅವರು ವಹಿಸಿದ್ದರು, ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಮಂಜೇಶ್ವರ ತಾಲೂಕು ಕಾರ್ಯವಾಹ ಶ್ರೀ ಸುಕುಮಾರ ಕೊಜಪ್ಪೆ ಅವರು ಗೌರವ ಉಪಸ್ಥಿತರಿದ್ದರು. ಸ್ವಾಗತ ಶ್ರೀಮತಿ ಶ್ರೀಲತಾ, ಪ್ರಾರ್ಥನೆ ಕುಮಾರಿ ನಿಶ್ಮಿತಾ, ಹಾಗೂ ಕುಮಾರಿ ಜಯಲಕ್ಷ್ಮಿ, ಧನ್ಯವಾದ ಶ್ರೀಮತಿ ಸಂಧ್ಯಾ ಆಶೋಕ್ ನಡೆಸಿದರು, ಕಾರ್ಯಕ್ರಮದ ನಿರ್ವಹಣೆಯನ್ನು ಕೃಷ್ಣ ನಾಯಕ್ ನಡೆಸಿದರು.