ಬೇಸಿಗೆಯಲ್ಲಿ ಜನರನ್ನು ತಂಪಾಗಿಡುವ ಸಲುವಾಗಿ ಜಾನ್ಸಿಯ 16 ವರ್ಷದ ವಿದ್ಯಾರ್ಥಿನಿಯೊಬ್ಬಳು ’ದೇಸೀ ಎಸಿ’ಯನ್ನು ತಯಾರಿಸಿದ್ದಾಳೆ. ಕೇವಲ 1800 ರೂಪಾಯಿಗಳ ಈ ದೇಸೀ ಎಸಿ ಗ್ರಾಮೀಣ ಭಾರತ ಮಾತ್ರವಲ್ಲ ಇಡಿ ಜಗತ್ತನ್ನೇ ಪರಿಸರ ಸ್ನೇಹಿಯಾಗಿ ಬಿಸಿಯ ಬೇಗೆಯಿಂದ ರಕ್ಷಿಸಬಲ್ಲುದು.
ಕಲ್ಯಾಣಿ ಶ್ರೀವಾಸ್ತವ ಝಾನ್ಸಿಯ ಲೋಕಮಾನ್ಯ ತಿಲಕ್ ಇಂಟರ್ ಕಾಲೇಜು ವಿದ್ಯಾರ್ಥಿನಿ. ಈಕೆ ಪ್ರಕೃತಿಗೆ ಯಾವುದೇ ರೀತಿಯಲ್ಲೂ ಹಾನಿಯುಂಟು ಮಾಡದ ಎಸಿಯನ್ನು ಸಿದ್ಧಪಡಿಸಿ ಇದೀಗ ಎಲ್ಲರ ಮೆಚ್ಚುಗೆಗೆ ಪಾತ್ರಳಾಗಿದ್ದಾಳೆ.
ಸೋಲಾರ್ ಎನರ್ಜಿ ಮೂಲಕ ಚಾರ್ಜ್ ಆಗುವ ಈ ಎಸಿ, ಥರ್ಮಕೋಲ್‌ನಿಂದ ನಿರ್ಮಿತವಾದ ಐಸ್ ಬಾಕ್ಸ್ ಹೊಂದಿದೆ. ಇದರಲ್ಲಿ 12 ವೋಲ್ಟ್ ಡಿಸಿ ಫ್ಯಾನ್ ಇದ್ದು, ತಂಪಾದ ಗಾಳಿಯನ್ನು ಹೊರಬಿಡುತ್ತದೆ. ಇದು ರೂಂ ತಾಪಮಾನವನ್ನು 4-5 ಡಿಗ್ರಿಯಷ್ಟು ಕಡಿಮೆಗೊಳಿಸುವ ಸಾಮರ್ಥ್ಯ ಹೊಂದಿದೆ.
ಕಲ್ಯಾಣಿಯ ಈ ದೇಸೀ ಎಸಿಯನ್ನು ಐಐಟಿ-ದೆಹಲಿ ರಾಷ್ಟ್ರ ಮಟ್ಟದ ಮಾಡೆಲ್ ಸ್ಪರ್ಧೆಗೆ ಆಯ್ಕೆಗೊಳಿಸಿದೆ. ಮಾತ್ರವಲ್ಲ ಉತ್ತರಪ್ರದೇಶ ಸರ್ಕಾರ ಈಕೆಯನ್ನು ‘ನಾರಿ ಶಕ್ತಿ ಸಮ್ಮಾನ್’ ಅಭಿಯಾನದ ಬಗ್ಗೆ ಅರಿವು ಮೂಡಿಸಲು ಆಯ್ಕೆ ಮಾಡಿದೆ. ಮಾತ್ರವಲ್ಲ ಜಪಾನ್ ಈಕೆಯನ್ನು ಸೆಮಿನಾರ್‌ನಲ್ಲಿ ಪಾಲ್ಗೊಳ್ಳುವಂತೆ ಆಹ್ವಾನಿಸಿದೆ.
ಗ್ರಾಮೀಣ ಭಾರತದಲ್ಲೂ ಪ್ರತಿಭೆಗಳು ಅಡಕವಾಗಿರುತ್ತದೆ. ಅವುಗಳನ್ನು ಹೊರತರಲು ಒಂದಿಷ್ಟು ಸಹಾಯದ ಅಗತ್ಯವಿದೆ ಎಂಬುದಕ್ಕೆ ಕಲ್ಯಾಣಿ ಒಂದು ಉತ್ತಮ ಉದಾಹರಣೆಯಾಗಿದ್ದಾಳೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
