ಸದ್ಭಾವ ಯೋಗ ಅತ್ಯಂತ ಮಹತ್ವದ ಯೋಗ. ಇದು ಎಲ್ಲ ಯೋಗಗಳ ಆತ್ಮವಿದ್ದ ಹಾಗೆ. ಇದು ಹೃದಯ ಹಾಗೂ ದೃಷ್ಠಿಗೆ ಸಂಬಂಧಪಟ್ಟದ್ದು. ಇದು ಪರಿಶುದ್ಧ ಆಗಬೇಕು. ಆಮೇಲೆ ವಿಕಾಸಗೊಳ್ಳಬೇಕು. ಮೊದಲು ಸ್ವಚ್ಛ ಮಾಡಬೇಕು. ಆ ಬಳಿಕ ಅದನ್ನು ವಿಕಾಸಗೊಳಿಸಬೇಕು.
ನಮ್ಮ ಮನೆಗಳಿಗೆ ಕಳೆ ಬರಬೇಕೆಂದ್ರೆ ಮನೆಯ ಹೊರಗಡೆ ರಂಗವಲ್ಲಿಯೆಂಬ ಸೌಂದರ್ಯ ಹಾಗೂ ಒಳಗೆ ಒಂದಿಷ್ಟು ಸುವಾಸನೆ ಬರುವ ಹೂವುಗಳನ್ನು ಇಡಬೇಕು. ಆಗ ಆ ಮನೆಯೇ ಸ್ವರ್ಗ. ಸ್ವಚ್ಛ ಸ್ವಚ್ಚ ಇಡುವುದೇ ಮಂತ್ರ. ಆಗ ನಮಗೆ ಒಂದಿಷ್ಟು ಸಂತೋಷ, ಆರೋಗ್ಯ ತಾನಾಗಿಯೇ ಸಿಗುತ್ತದೆ.
ಹಿಂದೆಲ್ಲಾ ಮುಂಜಾನೆ ಎದ್ದ ಕೂಡಲೇ ಮನೆ ಹೊರಗ ಹಾಗೂ ಒಳಗ ಕಸ ಹೊಡೆದು, ಸಗಣಿ ಸಾರಿಸಿ ಸ್ವಚ್ಛ ಸ್ವಚ್ಛ ಇಡುತ್ತಿದ್ದರು. ಈಗ ಎಲ್ಲಾದ ಅದು. ಈಗ ನಮ್ಮ ಮನೆ ಎದುರು ಬರೀ ರಸ್ತೆಗಳದಾವ. ಅದಕ್ಕೆ ಒಂದಿಷ್ಟು ಸೌಂದರ್ಯ ಬರಬೇಕಾದರೆ ಒಂದಿಷ್ಟು ಕೈ ತೋಟ. ಅದರಲ್ಲಿ ಒಂದಿಷ್ಟು ಹೂಗಳು, ಬಳ್ಳಿಗಳು ಇದ್ದರೂ ಮನೆಯಲ್ಲ ನಕ್ಕೋತ್ತ ನಕ್ಕೋತ್ತ ಇರ್ತದ. ಇವೆಲ್ಲಾ ಸದ್ಭಾವ ಯೋಗದ ಭಾಗ. ಕ್ರಿಯಾ ಭಾಗ. ಕೆಲಸ ಮಾಡಿದರೆ ಹೃದಯ, ಭಾವ ಸ್ವಚ್ಛ ಆಗ್ತಾದ, ವಿಕಾಸ ಆಗ್ತಾದ. ಹಿಂಗಾಗಿ ಕೆಲಸ ಬಹಳ ಮಹತ್ವದ್ದು. ಹೆಂಗಾರ ಮಾಡೋದು ಅಲ್ಲ. ಹೃದಯ ತುಂಬಿ ಕೆಲಸ ಮಾಡೋದು.
ಫ್ರಾನ್ಸ್ ದೇಶದ ಒಂದು ಗಾದಿ ಮಾತು ವರ್ಕ್ ಇಸ್ ವರ್ಷಿಪ್. ಇದು ಭಾರತದಲ್ಲಿ ಬಹಳ ಪ್ರಚಲಿತಕ್ಕೆ ಬಂದಿರೋದು ಯಾಕಂದ್ರ. ನಾವ ಅಖಿಲಂ ಕಾರ್ಯಾ ಆರಾಧನಾ ಅನ್ನೋರು. ದೇಶ ಯಾವುದಾದರೂ ಮಾತು ಮುಖ್ಯ. ಕೆಲಸ ಅಂದ್ರ ಏನ್ ಸಾಮಾನ್ಯ ಅದೇನು. ಆ ಕಾರ್ಯ ಜೀವನವನ್ನು ಕಟ್ತಾದ. ಬದುಕಿನ ದಾರಿಯಲ್ಲಿ ಆನಂದ ಕೊಡ್ತಾದ. ಅದೇ ದೇವನ ಆರಾಧನೆ. ಬಸವಣ್ಣನವರು ಹೇಳ್ತಾರ ಕಾಯವೇ ಕೈಲಾಸ. ಹಂಗ ಈ ಕಾಯದಿಂದ ಸುಂದರ ಕೆಲಸ ಆದ್ರ ದೇವನ ಆರಾಧನೆ ಆಗ್ತಾದ. ಅದರಿಂದ ಬದುಕನ್ನ ಶೃಂಗರಿಸೋದು. ಕೈ ಇರೋದು ಕೆಲಸ ಮಾಡುವುದಕ್ಕ ಹೊರತು ಉಂಗುರ ಹಾಕೋಕ ಅಲ್ಲ. ಬರೀ ಉಗುರ ಬೆಳೆಸಿದ್ರ ಏನ್ ಪ್ರಯೋಜನ. ಮಾತಿನಿಂದ ಉಪಯೋಗ ಇಲ್ಲ. ಭಾವ ಸ್ವಚ್ಛ ಮಾಡುವ ವಿಧಾನ ಕೆಲಸ. ಸಂತೋಷ ಅನುಭವಿಸುವುದಕ್ಕ, ಕೈ, ಮಾತು, ಬುದ್ಧಿಯ ಕೆಲಸ ಜಗತ್ತು ಕಟ್ಟುವುದೇ ಕೆಲಸ, ಮನೆ, ಊರುಗಳನ್ನು ಕಟ್ಟೋದೇ ಕೆಲಸ.
ಮನೆಯಲ್ಲಿಯ ಒಬ್ಬ ತಾಯಿ ದಿನದ 24 ಗಂಟೆಗಳ ಕಾಲ ಯಾವ ಫಲಾಪೇಕ್ಷೆಯಿಲ್ಲದೇ ಕ್ಷಣ, ಕ್ಷಣವೂ ದುಡಿತಾಳಲ್ಲ. ಅವಳಿಗೆ ಯಾರಾದ್ರೂ ಸಂಬಳ ಕೊಟ್ಟಾರೇನು. ಅವರು ಕರ್ಮಯೋಗಿಯ ಹಾಗೆ ಕೆಲಸ ಮಾಡ್ತಾರೆ. ಹೆಣ್ಣು ಮಕ್ಕಳು ಮನೆಯನ್ನೇ ಸ್ವರ್ಗ ಮಾಡ್ತಾರ. ಆವಾಗ ಮನೆಯ ನಿಜವಾದ ಕಳಿ ಶುರುವಾಗ್ತಾದ. ಅಂತಹ ಕರ್ಮ ಹೃದಯ ಅರಳಿಸ್ತಾದ. ಭಾವ ವಿಶಾಲ ಮಾಡಿಸ್ತಾದ. ಇದೇ ಪೂಜೆ, ಆರಾಧನೆ. ಹೀಗಾಗಿ ಸದಾ ಕಾಲ ಕೆಲಸ ಮಾಡ್ತಾ ಇರೋದು. ಬುದ್ಧಿಯಿಂದ ಮಾಡಿದ ಕೆಲಸ ವಿಶ್ವಜ್ಞಾನವಾದರೆ, ಕೈಯಿಂದ ಮಾಡಿದ ಕೆಲಸ ಅನ್ನ, ನೀರು ಕೊಡ್ತಾದ. ಯಾರು ಶುದ್ಧ ಕೆಲಸ ಮಾಡ್ತಾರ ಅವರು ಕರ್ಮಯೋಗಿಗಳು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.