ಲಾರ್ಡ್ ಶಿವಾ, ಗುರುನಾನಕ್‌ರಲ್ಲಿ ಕಾಂಗ್ರೆಸ್ ಕಂಡ ರಾಹುಲ್

ನವದೆಹಲಿ: ಮಹಾದೇವ ಶಿವನ ಚಿತ್ರ ಕಂಡಾಗಲೆಲ್ಲ ಕಾಂಗ್ರೆಸ್‌ನ ಚಿಹ್ನೆ ಕಾಣಿಸುತ್ತದೆ ಎನ್ನುವ ಮೂಲಕ ರಾಹುಲ್ ಗಾಂಧಿ ಅವರು ಹೊಸ ವಿಚಾರವೊಂದನ್ನು ಹರಿಬಿಟ್ಟಿದ್ದಾರೆ.

ಹೌದು. ನವದೆಹಲಿಯಲ್ಲಿ ಇತ್ತೀಚೆಗೆ ನಡೆದ ಕಾಂಗ್ರೆಸ್ ಸಮ್ಮೇಳನದಲ್ಲಿ ಮಾತನಾಡಿದ ಅವರು, ಎಲ್ಲ ಧರ್ಮದ ದೇವರಲ್ಲಿಯೂ ಕಾಂಗ್ರೆಸ್‌ನ ಚಿಹ್ನೆ ಇದೆ. ಗುರು ನಾನಕ್‌ಜಿ ಅವರ ಚಿತ್ರ, ಬುದ್ಧ, ಮಹಾವೀರರ ಚಿತ್ರ ನೋಡಿದಾಗಲೂ ನನಗೆ ಹಾಗೇ ಅನಿಸುತ್ತದೆ ((‘hand’, in his hand) ಎನ್ನುವ ಮೂಲಕ ಮಹಾಪುರುಷರು ಹಾಗೂ ದೇವತೆಗಳಲ್ಲಿ ಕಾಂಗ್ರೆಸ್ ಕಂಡ ಅಪರೂಪದ ವ್ಯಕ್ತಿ ರಾಹುಲ್ ಎನ್ನಬಹುದು.

ಇನ್ನೂ ಆಶ್ಚರ್ಯಕರ ಸಂಗತಿ ಎಂದರೆ, ಪ್ರವಾದಿ ಹಜರತ್ ಅಲಿ ಚಿತ್ರ ನೋಡಿದಾಗಲೂ ಹೀಗೆ ಅನಿಸುತ್ತದೆಯಂತೆ, ಆದರೆ ಇಸ್ಲಾಂ ಧರ್ಮದಲ್ಲಿ ಪ್ರವಾದಿಗಳ ಯಾವುದೇ ಭಾವಚಿತ್ರ, ಛಾಯಾಚಿತ್ರ ಬಳಸಲು ಅವಕಾಶವಿಲ್ಲ. ಕಾರಣ ರಾಹುಲ್ ಗಾಂಧಿಗೆ ಹಜರತ್ ಅಲಿಯ ಫೋಟೊ ಸಿಕ್ಕಿದ್ದಾದರೂ ಎಲ್ಲಿ ? ಉತ್ತರವನ್ನು ಅವರೇ ನೀಡಬೇಕು.

ಮೋದಿಯವರ ಕಾಂಗ್ರೆಸ್ ಮುಕ್ತ ಭಾರತದ ಕನಸಿಗೆ ಟಾಂಗ್ ಕೊಡಲು ಭರದಲ್ಲಿ, 1984 ರಲ್ಲಿ ಸಿಖ್ ಹತ್ಯಾಕಾಂಡದ ಇತಿಹಾಸವನ್ನೇ ರಾಹುಲ್ ಮರೆತಂತೆ ಕಾಣುತ್ತದೆ. ಇದೀಗ ಗುರು ನಾನಕ್ ಅವರ ಕೈಯಲ್ಲಿ ಕಾಂಗ್ರೆಸ್ ಚಿಹ್ನೆ ಕಾಣುತ್ತದೆ ಎನ್ನುವ ಮೂಲಕ ಪರೋಕ್ಷವಾಗಿ ಮತ್ತೆ ಸಿಖ್ ಸಮುದಾಯಕ್ಕೆ ಅವಮಾನವನ್ನೇ ಮಾಡಿದ್ದಾರೆ ಎನ್ನಬಹುದು.

ಅಲ್ಲದೇ ಶಿವ, ಬುದ್ಧ, ಮಹಾವೀರರೆಲ್ಲರನ್ನೂ ಕಾಂಗ್ರೆಸ್ ಕಣ್ಣಿನಿಂದ ನೋಡುವ ಮೂಲಕ ಮತಬ್ಯಾಂಕ್ ಗಟ್ಟಿಗೊಳಿಸಿಕೊಳ್ಳುವ ಯುವರಾಜನ ಕನಸು ಆಕ್ಷೇಪಾರ್ಹ ಎನ್ನಬಹುದು.

ವೀಡಿಯೋ ನೋಡಿ