ಪೆರಡಾಲ : ಕಾಸರಗೋಡು ಮತ್ತು ಹೊಸದುರ್ಗ ಹೈವ ಬ್ರಾಹ್ಮಣ ಸಭಾ (ರಿ) ಪೆರಡಾಲ, ಶ್ರೀ ವಸಂತವೇದಪಾಠಶಾಲೆ ಪೆರಡಾಲ ಹಾಗೂ ಶ್ರೀ ಶಾಂಕರ ತತ್ವ ಪ್ರಸಾರ ಅಭಿಯಾನಮ್ ದ.ಕ.,ಮಂಗಳೂರು ಇವರ ಸಹಯೋಗದಲ್ಲಿ ಪೆರಡಾಲ ಶ್ರೀ ಉದನೇಶ್ವರ ದೇವಾಲಯದಲ್ಲಿ ಶ್ರೀ ಶಂಕರ ಜಯಂತಿ ಆಚರಣೆ ನಡೆಯಿತು.
ಕಾರ್ಯಕ್ರಮವನ್ನು ಶಿಕಾರಿಪುರ ಕೃಷ್ಣಮೂರ್ತಿ ದೀಪಬೆಳಗಿಸಿ ಉದ್ಘಾಟಿಸಿದರು. ಬ್ರಹ್ಮಶ್ರೀ ವೇ.ಮೂ. ಈಶ್ವರ ಪ್ರಸಾದ ಬಿ ಉಪನ್ಯಾಸ ನೀಡಿ ಹಲವಾರು ಜನ್ಮದ ಸಾಫಲ್ಯದಿಂದ ಮನುಷ್ಯ ಜನ್ಮ ಬರುತ್ತದೆ, ಉತ್ತಮ ಸಂಸ್ಕಾರದಿಂದ ಸಂಸ್ಕೃತಿ ಪ್ರಾಪ್ತಿಯಾಗುತ್ತದೆ, ಪೂರ್ವಜರು ತೋರಿದ ಸಂಸ್ಕೃತಿ, ದಾರಿಯಲ್ಲಿ ನಾವು ಸಾಗಬೇಕು ಹಾಗೂ ಶ್ರೀ ಶಂಕರರ ಆದರ್ಶ, ಶ್ರದ್ಧೆಯ ಜೀವನವನ್ನು ಆದರ್ಶವಾಗಿರಿಸಿಕೊಂಡು ಬದುಕಬೇಕು. ಹಾಗೂ ಶ್ರೀ ಶಂಕರ ಜಯಂತಿಯ ಆಚರಣೆಯ ಮಹತ್ವವನ್ನು ವಿವರಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕುಳಮರ್ವ ಶಂಕರನಾರಾಯಣ ಭಟ್ ವಹಿಸಿ ವಿದ್ಯಾರ್ಥಿಗಳಿಗೆ ಹಿತವಚನ ನೀಡಿದರು. ಬ್ರಹ್ಮಶ್ರೀ ಮಿತ್ತೂರು ತಿಮ್ಮಯ್ಯ ಭಟ್ ಪ್ರತಿಷ್ಠಾನ(ರಿ)ದ ಅಧ್ಯಕ್ಷ ವೇದಮೂರ್ತಿ ತಿರುಮಲೇಶ್ವರ ಭಟ್ ಮಾತನಾಡಿದರು.
ಶಾಂಕರ ತತ್ವ ಪ್ರತಿಷ್ಠಾನದ ಸಂಚಾಲಕ ಶಿಕಾರಿಪುರ ಕೃಷ್ಣಮೂರ್ತಿ, ಕರುಣಾರಾವ್, ಶ್ರೀಧರ ಶಾಸ್ತ್ರಿ ಮಕ್ಕಳಿಗೆ ಶ್ರೀ ಶಂಕರರ ಆದರ್ಶ ತತ್ವವನ್ನು ಜೀವನದಲ್ಲಿ ಅಳವಡಿಸಲು ಹೇಳಿದರು. ಸಮಾರಂಭದಲ್ಲಿ ಗಣ್ಯರನ್ನು ಹಾಗೂ ವೇದಗುರುಗಳನ್ನು ಸನ್ಮಾನಿಸಲಾಯಿತು.
ವೇದಮೂರ್ತಿ ವೆಂಕಟೇಶ್ವರ ಭಟ್ ಪಟ್ಟಾಜೆ ಸ್ವಾಗತಿಸಿ, ಡಾ| ಸದಾಶಿವ ಭಟ್ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು. ಸಮಾರಂಭದಲ್ಲಿ ಶಿವರಾಮಭಟ್ ಪೆರ್ಮುಖ, ಪ್ರಸಾದ್ ಮೈರ್ಕಳ, ಉದಯಶಂಕರ ಮುಂತಾದವರು ಉಪಸ್ಥಿತರಿದ್ದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
