ಪೋರ್ಷೆ ಇಂಡಿಯಾದ ನಿರ್ದೇಶಕರಾಗಿರುವ ಪವನ್ ಶೆಟ್ಟಿ ಒಬ್ಬ ಸೇಲ್ಸ್‌ಮ್ಯಾನ್ ಆಗಿ ವೃತ್ತಿ ಜೀವನ ಆರಂಭಿಸಿದವರು. ದಿನನಿತ್ಯ 8 ಕಿ. ಮೀ. ನಡೆದು ಮನೆಯಿಂದ ಮನೆಗೆ ತೆರಳಿ ಕಂಪೆನಿಗಳ ಪ್ರೊಡಕ್ಟ್‌ಗಳನ್ನು ಸೇಲ್ ಮಾಡುತ್ತಿದ್ದ ಅವರಿಂದು ಒಂದು ಸಂಸ್ಥೆಯ ನಿರ್ದೇಶಕ.
1990 ರಲ್ಲಿ ಕಾಮರ್ಸ್‌ನಲ್ಲಿ ಪದವಿ ಪೂರೈಸಿದ ಪವನ್ ಹಲವಾರು ವೈಯಕ್ತಿಕ ಸಮಸ್ಯೆಗಳಿಂದ ತೊಂದರೆಗೀಡಾಗಿದ್ದರು. ಅನಾರೋಗ್ಯ ಪೀಡಿತ ಕುಟುಂಬ ಸದಸ್ಯರ ಆರೈಕೆಯ ಜವಾಬ್ದಾರಿಯೂ ಅವರ ಮೇಲಿತ್ತು. ಹಾಗಾಗಿ ಮನೆ ಕಡೆ ಹೆಚ್ಚಿನ ಗಮನ ನೀಡಬೇಕಾದ ಅನಿವಾರ್ಯತೆ ಅವರದ್ದಾಗಿತ್ತು. ಇದು ಅವರ ಉನ್ನತ ವ್ಯಾಸಂಗ ಮತ್ತು ಉದ್ಯೋಗಕ್ಕೆ ತೊಡಕಾಗಿತ್ತು.
ವರ್ಷಗಳು ಉರುಳುತ್ತಿದ್ದಂತೆ ಉದ್ಯೋಗ ಮಾಡಲೇಬೇಕಾದ್ದರಿಂದ ಸೇಲ್ಸ್‌ಮ್ಯಾನ್ ಆಗಿ ವೃತ್ತಿ ಆರಂಭಿಸಿದರು. ಡೋರ್ ಟು ಡೋರ್ ಸೇಲ್ಸ್‌ಮ್ಯಾನ್ ಆದರೂ, ನ್ಯೂಸ್ ಪೇಪರ್ ಸಬ್‌ಕ್ರಿಪ್ಷನ್ ಮಾಡುವ ಕೆಲಸ ಕೂಡಾ ಮಾಡಿದರು. ಬಳಿಕ ಲ್ಯಾಂಬೋರ್ಗಿನಿ ಕಂಪೆನಿಯ ಮೊದಲ ನಿಯೋಜಕರಾದರು. ಅಲ್ಲಿಂದ ಪವನ್ ಸಾಕಷ್ಟು ದೂರಕ್ಕೆ ಕ್ರಮಿಸಿದ್ದಾರೆ.
ಈಗ ಅವರು Porsche Indiaದ ಡೈರೆಕ್ಟರ್.
1999 ರಲ್ಲಿ ಫೈನಾನ್ಸಿಯಲ್ ಎಕ್ಸ್‌ಪ್ರೆಸ್‌ನ ಸೇಲ್ಸ್ ಪರ್ಸನ್ ಆಗಿದ್ದ ಅವರು 2000 ದಲ್ಲಿ ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಜಿಗಿದರು. ಯಾವುದೇ ಸ್ಪೆಷಲೈಜೇಶನ್ ಇಲ್ಲದ ಕಾರಣ ಮಾನವ ಸಂಪನ್ಮೂಲ ಭಾಗದಲ್ಲಿ ಕಾರ್ಯ ನಿರ್ವಹಿಸಿದರು. ಬಳಿಕ ಸಿಇಟಿಯನ್ನು 98 ನೇ ರ್‍ಯಾಂಕ್‌ನಲ್ಲಿ ಪಾಸ್ ಮಾಡಿದ ಇವರು ಮುಂಬೈನಲ್ಲಿನ ಸೈಡೆನ್ಹಾಮ್ ಕಾಲೇಜಿನಲ್ಲಿ ಮೆರಿಟ್ ಸೀಟ್ ಪಡೆದು ಉನ್ನತ ವ್ಯಾಸಂಗ ಆರಂಭಿಸಿದರು.
2003 ರಲ್ಲಿ ಕ್ಯಾಸ್ಟ್ರೋಲ್ ಇಂಡಿಯಾ ಮೂಲಕ ಆಟೋಮೊಬೈಲ್ ಕ್ಷೇತ್ರಕ್ಕೆ ಪರಿಚಿತರಾದರು. ಗುಜರಾತ್‌ನ ಸುಂದರ್ ನಗರದಲ್ಲಿ ಟ್ರ್ಯಾಕ್ಟರ್‍ಗಳಲ್ಲಿ ಕೆಲಸ ಮಾಡಿದರು. ಅದೂ ಕೂಡಾ ಎಂಬಿಎ ಪದವಿ ಮಾಡುತ್ತಲೇ. ಬಳಿಕ ಟಾಟಾ ಮೋಟಾರ್ಸ್ನ ಅತಿ ದೊಡ್ಡ ಡೀಲರ್‍ಸ್‌ಗಳನ್ನು ಹ್ಯಾಂಡಲ್ ಮಾಡುವ ವೃತ್ತಿ ಅವರದ್ದಾಯಿತು. ದಿನಕ್ಕೆ 100 ರಿಂದ 150 ಟ್ರಕ್‌ಗಳ ಡೀಲ್ ಅವರ ಕೈಕೆಳಗೆ ನಡೆಯುತ್ತಿತ್ತು.
2007 ರಲ್ಲಿ ಫೋರ್ಡ್ ಇಂಡಿಯಾದ ರೀಜನಲ್ ಸೇಲ್ಸ್ ಮ್ಯಾನೇಜರ್ ಆದರು. ಮಾರ್ಕೆಟಿಂಗ್ ಮತ್ತು ಸೇಲ್ಸ್ ಎರಡೂ ವಿಭಾಗದಲ್ಲಿ ದುಡಿದರು. 2011 ರಿಂದ 2015 ರವರೆಗೆ ಲ್ಯಾಂಬೋರ್ಗಿನಿ ಇಂಡಿಯಾ ಸೇರಿದ ಇವರು ಅಲ್ಲಿ ಅಪಾರ ಅನುಭವವನ್ನು ಪಡೆದರು.
2016 ರಲ್ಲಿ Porsche India ಡೈರೆಕ್ಟರ್ ಆದರು.
ಪವನ್ ಅವರ ವೃತ್ತಿ ಜೀವನದ ಪ್ರಗತಿ ಒಂದು ಸಾಮಾನ್ಯ ಪ್ರಕ್ರಿಯೆಯಂತೆ ನಡೆಯಿತು. ಆದರೆ ಅದರ ಹಿಂದೆ ಅವರ ಅಪಾರ ಶ್ರಮವಿತ್ತು. ಸೇಲ್ಸ್ ಮ್ಯಾನ್ ಆಗಿ, ಪಿ.ಆರ್. ಆಗಿ, ಡೀಲರ್ ಆಗಿ ಅನುಭವ ಇರುವ ಅವರು ಇದೀಗ Porsche Indiaದ ಡೈರೆಕ್ಟರ್ ಆಗಿ ಮಹತ್ವದ ಜವಾಬ್ದಾರಿಯನ್ನು ನಿಭಾಯಿಸುತ್ತಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
