ಮೂಡುಬಿದಿರೆ : ಈ ಸಾಲಿನ ಸಿಇಟಿ ಫಲಿತಾಂಶದಲ್ಲಿ ಆಳ್ವಾಸ್ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ ಅನಂತ್ ಜಿ. ಮೆಡಿಕಲ್ ಸಹಿತ ಬಿಎಸ್ಸಿ ಕೃಷಿ, ವೆಟರ್ನರಿ ಸೈನ್ಸ್‍ನಲ್ಲಿ ಮೊದಲ ಶ್ರೇಯಾಂಕ ಪಡೆಯುವುದರೊಂದಿಗೆ ಗಮನಾರ್ಹ ಸಾಧನೆ ದಾಖಲಿಸಿದ್ದಾರೆ.
ಉತ್ತರ ಕನ್ನಡ ಮೂಲದವರಾಗಿದ್ದು ಪ್ರಸ್ತುತ ಬೆಂಗಳೂರಿನಲ್ಲಿರುವ ಅನಂತ್ ಭೌತಶಾಸ್ತ್ರದಲ್ಲಿ 55, ಕೆಮಿಸ್ಟ್ರಿಯಲ್ಲಿ 59, ಗಣಿತದಲ್ಲಿ 55, ಬಯಾಲಜಿ 60, ಅಂಕಗಳನ್ನು ಪಡೆದಿದ್ದು ಪಿಸಿಎಂನಲ್ಲಿ 169 ಹಾಗೂ ಪಿಸಿಬಿಯಲ್ಲಿ 174 ಅಂಕಗಳಿಸಿದ್ದಾರೆ. ಈ ರೀತಿ ಪಿಸಿಬಿಯಲ್ಲಿ ವಿದ್ಯಾರ್ಥಿಯೋರ್ವ 180ರಲ್ಲಿ 174 ಅಂಕಗಳನ್ನು ಪಡೆದಿರುವುದೂ ಅಪರೂಪದ ಸಾಧನೆ. ಈ ದಾಖಲೆಯೂ ಅನಂತ್ ಪಾಲಾಗಿದೆ.
ಎಸ್ಸೆಸ್ಸೆಲ್ಸಿಯಲ್ಲಿ ಶೇ 98 ಅಂಕಗಳು, ಪಿಯುಸಿಯಲ್ಲಿ ಶೇ 97.7 ಅಂಕಗಳನ್ನು ಪಡೆದಿದ್ದ ಅನಂತ್ ಶೈಕ್ಷಣಿಕ ಪ್ರತಿಭಾವಂತರಾಗಿ ಉಚಿತ ದತ್ತು ಶಿಕ್ಷಣ ಯೋಜನೆಯಡಿ ಆಳ್ವಾಸ್‍ನಲ್ಲಿ ಪದವಿ ಪೂರ್ವ ಶಿಕ್ಷಣ ಪಡೆದಿದ್ದಾರೆ. ಸಿಇಟಿಯಲ್ಲಿ ಮೊದಲ ಶ್ರೇಯಾಂಕ ಪಡೆದ ವಿದ್ಯಾರ್ಥಿಯನ್ನು ನೀಡುವ ಮೂಲಕ ಈ ಬಾರಿ ಆಳ್ವಾಸ್ ಗಮನಾರ್ಹ ಸಾಧನೆ ದಾಖಲಿಸಿದೆ. ಈ ಹಿನ್ನೆಲೆಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಸಂತಸವನ್ನು ಮಾಧ್ಯಮದವರೊಂದಿಗೆ ಹಂಚಿಕೊಂಡ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ ಈವರೆಗೆ ಸುಮಾರು 353 ಮಂದಿ ಮೆಡಿಕಲ್‍ಗೆ ಹೋಗಿದ್ದು 8 ನೇ ಶ್ರೇಯಾಂಕ ನಮ್ಮಲ್ಲಿ ಬಂದಿತ್ತು. ಈಗ ಅನಂತ್ ಮೊದಲ ಶ್ರೇಯಾಂಕಗಳಿಸಿ ಸಾಧನೆ ಮಾಡಿದ್ದಾರೆ. 180ರಲ್ಲಿ 174 ಅಂಕಗಳಿಸಿರುವುದೂ ಅಪರೂಪದ ದಾಖಲೆಯೊಂದಿಗೆ ಆಳ್ವಾಸ್ ಶಿಕ್ಷಣ ಸಂಸ್ಥೆಗೆ ಕೀರ್ತಿಗಳಿಸಿದ್ದಾನೆ.
ಸಿಇಟಿ ಸಾಧಕರು : ಸಿಇಟಿ ಸಾಧಕರ ಟಾಪ್ ಟೆನ್ ಪಟ್ಟಿಯಲ್ಲಿ ಆಳ್ವಾಸ್‍ನ ಅನಂತ್ ಹಾಗೂ ಅಭಿಲಾಶ್ ಅವಳಿ ಸಾಧಕರಾಗಿದ್ದಾರೆ. ಅನಂತ್ ಬಿಎಸ್ಸಿ ಕೃಷಿ, ವೆಟರ್ನರಿ ಸೈನ್ಸ್‍ನಲ್ಲಿ ಪ್ರಥಮ, ಬಿಫಾರ್ಮಾ, ಡಿ ಫಾರ್ಮಾದಲ್ಲಿ 6ನೇ ಶ್ರೇಯಾಂಕ , ಐಎಸ್‍ಎಂಎಚ್. ನಲ್ಲಿ 03ನೇ ಶ್ರೇಯಾಂಕ ಹೀಗೆ 5 ಸ್ಥಾನಗಳಲ್ಲಿ ಕಾಣಿಸಿಕೊಂಡಿದ್ದು ಮತ್ತೋರ್ವ ವಿದ್ಯಾರ್ಥಿ ಅಭಿಲಾಷ್ ಬಿಎಸ್ಸಿ ಕೃಷಿಯಲ್ಲಿ 4ನೇ ಶ್ರೇಯಾಂಕ ಪಡೆದಿದ್ದಾರೆ.
ಆಳ್ವಾಸ್ ವಿದ್ಯಾರ್ಥಿಗಳ ಪೈಕಿ ಸಿ.ಇ.ಟಿಯಲ್ಲಿನ ಮೊದಲ ನೂರು ಶ್ರೇಯಾಂಕದೊಳಗೆ 56 ವಿದ್ಯಾರ್ಥಿಗಳು, 200 ಶ್ರೇಯಾಂಕದೊಳಗೆ 109, 300 ಶ್ರೇಯಾಂಕದೊಳಗೆ 160, 400 ರ್ಯಾಂಕಿನೊಳಗೆ 223, 500 ಶ್ರೇಯಾಂಕದೊಳಗೆ 271, 1000 ಶ್ರೇಯಾಂಕದೊಳಗೆ 532, 2000 ಶ್ರೇಯಾಂಕದೊಳಗೆ 1038, 3000 ಶ್ರೇಯಾಂಕದೊಳಗೆ 1479, 5000 ಶ್ರೇಯಾಂಕದೊಳಗೆ 2189, 10000 ಶ್ರೇಯಾಂಕದೊಳಗೆ 3873 ಮಂದಿ ವಿದ್ಯಾರ್ಥಿಗಳು ಸ್ಥಾನ ಪಡೆದುಕೊಂಡಿದ್ದರೆ.
ಮೊದಲ ಶ್ರೇಯಾಂಕಗಳಿಸಿದ ಅನಂತ್ ಗೆ 5 ಲಕ್ಷ ಪ್ರೋತ್ಸಾಹ ಧನ : ಸಿಇಟಿಯಲ್ಲಿ ಮೆಡಿಕಲ್ ಸಹಿತ ಬಿಎಸ್ಸಿ ಕೃಷಿ, ವೆಟರ್ನರಿ ಸೈನ್ಸ್‍ನಲ್ಲಿ ಮೊದಲ ರ್ಯಾಂಕ್ ಪಡೆದಿರುವ ಸಾಧಕ ಆಳ್ವಾಸ್ ವಿದ್ಯಾರ್ಥಿ ಅನಂತ್ ಜಿ.ಯವರಿಗೆ ಈ ಅಪರೂಪದ ಸಾಧನೆಗಾಗಿ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ವತಿಯಿಂದ 5 ಲಕ್ಷ ರು. ನಗದು ಪ್ರೋತ್ಸಾಹ ಧನ ನೀಡುವುದಾಗಿ ಡಾ.ಎಂ. ಮೋಹನ್ ಆಳ್ವ ತಿಳಿಸಿದರು. ಇತ್ತಿಚಿಗೆ ಪಿ.ಯು.ಸಿ ಫಲಿತಾಂಶದಲ್ಲಿ ಕಾಮರ್ಸ್‍ನಲ್ಲಿ ರಾಜ್ಯದಲ್ಲಿ 2 ನೇ ರ್ಯಾಂಕ್ ಪಡೆದಿದ್ದ ದಕ್ಷಾ ಜೈನ್ ಮತ್ತು ಆಶಿಕ್ ನಾರಾಯಣ್ ಅವರಿಗೆ ತಲಾ 1 ಲಕ್ಷ ರು. ನಗದು ಬಹುಮಾನ ನೀಡಿ, ಹಾಗೂ ಅವರಿಗೆ ಮುಂದಿನ ವಿದ್ಯಾಭ್ಯಾಸಕ್ಕೂ ಉಚಿತ ಶಿಕ್ಷಣ ನೀಡಲಾಗುವುದು ಎಂದು ಡಾ.ಆಳ್ವ ತಿಳಿಸಿದ್ದಾರೆ.
ಮೆಡಿಕಲ್‍ನಲ್ಲಿ 7 ವಿದ್ಯಾರ್ಥಿಗಳು 100 ರ್ಯಾಂಕಿನೊಳಗಿನ ಸಾಧನೆ ಮಾಡಿದ್ದಾರೆ. ಅನಂತ್ ಜಿ (1) ಅಭಿಲಾಷ್ (37) ವಿನಯಕುಮಾರ್ ತುರುಮುರಿ (50) ಸೃಷ್ಟಿ (58) ಮಧು ಬಿ,ಕೆ. (66) ನಿಹಾಲ್ ಹೆಚ್.ಜಿ (77) ಮತ್ತು ಪವನ್ ಕುಮಾರ್ (90) ಈ ಸಾಧಕರಾಗಿದ್ದಾರೆ. ಇದೇ ವೇಳೆ ಮೆಡಿಕಲ್‍ನಲ್ಲಿಯೂ 7 ಮಂದಿ ವಿದ್ಯಾರ್ಥಿಗಳು ಪವನ್ (15) ಅಭಿಲಾಷ್ (16) ಅನಂತ್ (18) ಸಿದ್ಧೇಶ್ ( 32) ಚೆನ್ನವೀರೇಶ (46) ವಿನಯ ಕುಮಾರ್ ತುರುಮುರಿ (72) ಭರತ್ (80) ಈ ಸಾಧಕರಾಗಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
