ಬಂಟ್ವಾಳ: ಬಂಟ್ವಾಳ ನಗರಸಭಾ ವ್ಯಾಪ್ತಿಯ ಮೊಟ್ಟಮೊದಲ ಸುಸಜ್ಜಿತ ಜವುಳಿ ಮಳಿಗೆ ನಾಡಿನ ಏಳಿಗೆಯ ಸಂಕೇತವಾಗಿದೆ. ಇದು ಮಹಿಳೆಯರಿಗೆ ನೀಡಿದ ಪ್ರಾಧಾನ್ಯತೆಯೂ ಹೌದು. ಯುವಜನತೆಗೆ ಉದ್ಯಮಶೀಲತಾ ಯೋಜನೆಯ ಜೊತೆಗೆ ಗ್ರಾಮೀಣಾಭಿವೃದ್ಧಿಯ ಜನತೆಯ ಪ್ರೋತ್ಸಹಕ್ಕೆ ಈ ಸಂಸ್ಥೆ ಪೂಕರವಾಗಿದೆ. ಈ ಸಂಸ್ಥೆಯ ಸೇವೆಯೊಂದಿಗೆ ಸ್ತ್ರೀಯರಿಗೂ ಉದ್ಯೋಗಾವಕಾಶ ಲಭಿಸಿದ್ದು, ಸರ್ವರ ಏಳಿಗೆಯಾಗಲಿ ಎಂದು ಬೆಸ್ಟ್ ಶೈಕ್ಷಣಿಕ ಸಂಸ್ಥೆಯ ಕಾರ್ಯಾಧ್ಯಕ್ಷೆ ಧನಭಾಗ್ಯ ರಮಾನಾಥ ರೈ ತಿಳಿಸಿದರು.
ಅವರು ಆದಿತ್ಯವಾರ ಬೆಳಿಗ್ಗೆ ಬಂಟ್ವಾಳ ನಗರ ಪ್ರದೇಶದ ಬಿ.ಸಿ.ರೋಡ್‌ನ ಶಾಂತರಾಮ ಕಟ್ಟಡದಲ್ಲಿ ಮಲೈಕಾ ಸಂಸ್ಥೆಯ ‘ಬಿಗ್ಗೆಸ್ಟ್ ಯಸೋಮ ವೆಡ್ಡಿಂಗ್ ಸಾರೀ ಎಂಪೋರಿಯಂ’ ಸುಸಜ್ಜಿತ ಹವಾನಿಯಂತ್ರಿತ ವೈವಿಧ್ಯಮಯ ಸೀರೆಗಳ ಹಾಗೂ ಸಿದ್ಧ ಉಡುಪುಗಳ ಅತ್ಯಾಧುನಿಕ ಮಳಿಗೆಯನ್ನು ಉದ್ಘಾಟಿಸಿ ಮಾತನಾಡಿದರು.
ಬಾಲಯೇಸು ಇಗರ್ಜಿ ಮೊಡಂಕಾಪು ಇದರ ಪ್ರಧಾನ ಧರ್ಮಗುರು ರೆ| ಫಾ| ಮ್ಯಾಕ್ಸಿಮ್ ಎಲ್.ನೊರೋನ್ಹಾ ದೀಪ ಬೆಳಗಿಸಿ ಆಶೀರ್ವಚನಗೈದು ಮಳಿಗೆಯನ್ನು ವಿಧುಕ್ತವಾಗಿ ಶುಭಾರಂಭಗೊಳಿಸಿದರು. ರೆ| ಫಾ| ಹಿಲರಿ ಲೋಬೊ ಬೈಬಲ್ ವಾಚಿಸಿ ಪ್ರಾರ್ಥನೆಯನ್ನಾಡಿದರು. ಬಂಟ್ವಾಳ ಪುರಸಭಾ ಅಧ್ಯಕ್ಷೆ ವಸಂತಿ ಚಂದಪ್ಪ ಸಂಸ್ಥೆಯ ಉದ್ಘಾಟನಾ ಶುಭಾರಂಭದ ಮೊದಲ ಗ್ರಾಹಕರಿಗೆ ಕೊಡಮಾಡಿದ ಉಚಿತ ಉಡುಗೊರೆ ಪ್ರದಾನಿಸಿ ಅಭಿನಂದಿಸಿದರು.
ಸಮಾರಂಭದಲ್ಲಿ ಬಂಟ್ವಾಳ ಪುರಸಭಾ ಬಿ.ಸಿ ರೋಡ್ ವಾರ್ಡ್‌ನ ನಗರ ಸೇವಕ ಮೊಹಮ್ಮದ್ ನಂದರಬೆಟ್ಟು ಅವರು ಮುಖ್ಯ ಅತಿಥಿಯಾಗಿ ಹಾಗೂ ಬಂಟ್ವಾಳ ನಗರ ಸಭಾ ಸದಸ್ಯ ರಾಜೇಶ್ ಎ.ರೋಡ್ರಿಗಸ್, ಕಟ್ಟಡದ ಮಾಲೀಕ ಸಂಜೀವ ಎಸ್.ಶೆಟ್ಟಿ ಹಾಗೂ ಉದಯಕುಮಾರ್ ರೈ ಗೌರವ ಅತಿಥಿಗಳಾಗಿ ಉಪಸ್ಥಿತರಿದ್ದು ಸಂಸ್ಥೆಯ ಯಶಸ್ಸಿಗೆ ಶುಭ ಹಾರೈಸಿದರು.
ಸಮಾರಂಭದಲ್ಲಿ ಪಿ.ಎ ರಹೀಂ, ನ್ಯಾ. ಜಗಧೀಶ್ ಕೆ.ಶೇಣವ, ಶರಣ್ ಪಂಪ್‌ವೆಲ್, ಸ್ಟ್ಯಾನಿ ಆಳ್ವರೆಸ್, ನ್ಯಾ. ಚಂದ್ರಶೇಖರ ಪೂಜಾರಿ ಮತ್ತಿತರ ಗಣ್ಯರು ಆಗಮಿಸಿ ಶುಭಾಶಂಸನೆಗದರು. ಇದೇ ಸಂದರ್ಭದಲ್ಲಿ ಕಟ್ಟಡದ ಮಾಲೀಕರಾದ ಸಂಜೀವ ಎಸ್.ಶೆಟ್ಟಿ ಮತ್ತು ಜಯಂತಿ ಎಸ್.ಶೆಟ್ಟಿ ದಂಪತಿಯನ್ನು ಅಥಿತಿವರ್ಯರು ಸನ್ಮಾನಿಸಿ ಗೌರವಿಸಿದರು.
ಮಲೈಕಾ ಸಮೂಹದ ಕಾರ್ಯಾಧ್ಯಕ್ಷ ಹಾಗೂ ಆಡಳಿತ ನಿರ್ದೇಶಕ ಗಿಲ್ಬರ್ಟ್ ಬ್ಯಾಪ್ಟಿಸ್ಟ್ ಸ್ವಾಗತಿಸಿ ಪ್ರಾಸ್ತಾವಿಕ ನುಡಿಗಳನ್ನಾಡಿದರು. ಸಂಸ್ಥೆಯ ನಿರ್ದೇಶಕಿ ಶ್ರೀಮತಿ ಮಾರ್ಸೆಲಿನಾ ಜಿ.ಬ್ಯಾಷ್ಠಿಸ್ಟ್, ಉನ್ನತ ಅಧಿಕಾರಿಗಳಾದ ಮನೋಹರ್ ಶೆಟ್ಟಿ, ಫೆಲಿಕ್ಸ್ ವೇಗಸ್ ಮೊಡಂಕಾಪು, ರೀಮಾ ಸಂದೀಪ್, ಈಶ್ವರ್ ದೇವಾಡಿಗ, ಕವಿತಾ ಆಚಾರ್ಯ ಮತ್ತು ಡೈನಾ ಡಿ’ಸೋಜಾ ಅತಿಥಿವರ್ಯರಿಗೆ ಪುಷ್ಫಗುಪ್ಚ ನೀಡಿ ಗೌರವಿಸಿದರು.
ಕೆವಿನ್ ಡಿ’ಸೋಜಾ ಲೊರೆಟ್ಟೋ ಕಾರ್ಯಕ್ರಮ ನಿರೂಪಿಸಿದರು. ಪ್ರಾದೇಶಿಕ ಪ್ರಬಂಧಕ ಸಿರಿಲ್ ಕ್ರಾಸ್ಟ ವಂದಿಸಿದರು.
ಶುಭಾರಂಭದ ಅಂಗವಾಗಿ ಗ್ರಾಹಕರಿಗೆ ಸಿದ್ಧ ಉಡುಪುಗಳ ಹಾಗೂ ವಿವಿಧ ತರಹದ ಸೀರೆಗಳನ್ನು ವಿಶೇಷ ಹಾಗೂ ಆಕರ್ಷಕ ರಿಯಾಯಿತಿ ದರದಲ್ಲಿ ನೀಡಲಾಗುತ್ತಿದೆ. ನಾಡಿನ ಜನತೆ ಈ ನೀಡಲ್ಪಡುವ ಆಕರ್ಷಕ ಉಡುಗೊರೆಯ ಪ್ರಯೋಜನ ಪಡೆಯುವಂತೆ ಆಡಳಿತ ನಿರ್ದೇಶಕ ಗಿಲ್ಬರ್ಟ್ ಬ್ಯಾಷ್ಠಿಸ್ಟ್ ಈ ಮೂಲಕ ತಿಳಿಸಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
