ಕೆಲ ವರ್ಷಗಳ ವರ್ಷದ ಹಿಂದೆ ಚೀನಾದ ಮಧ್ಯ ಭಾಗದಲ್ಲಿರುವ ಯೀ ನದಿಯ ದಂಡೆಗಳು ಗಿಡ ಮರಗಳಿಲ್ಲದೆ ಬರಿದಾಗಿದ್ದವು, ಆದರೆ ಇಂದು ಅಲ್ಲಿ ಸಾವಿರಾರು ಮರಗಳು ಹಸಿರಿನಿಂದ ಕಂಗೊಳಿಸುತ್ತಿವೆ, ಸಣ್ಣ ನೀರಾವರಿ ಕಾಲುವೆ ಈ ಮರಗಳಿಗೆ ನೀರುಣಿಸುತ್ತಿದೆ. ಇದೆಲ್ಲಾ ಸಾಧ್ಯವಾಗಿದ್ದು ಇಬ್ಬರು ಅಪರೂಪದ ಗೆಳೆಯರಿಂದ.
ಈ ಇಬ್ಬರು ಗೆಳಯರಲ್ಲಿ ಒಬ್ಬನಿಗೆ ಕಣ್ಣಿಲ್ಲ, ಮತ್ತೊಬ್ಬನಿಗೆ ಕೈಗಳೇ ಇಲ್ಲ, ಆದರೆ ಇವರು ಈ ಜಗತ್ತಿನ ಅದ್ಭುತ ಪರಿಸರ ಪ್ರೇಮಿಗಳು, 12 ಸಾವಿರ ಮರ ನೆಟ್ಟ ಧೀಮಂತರು.
ತಮ್ಮ ಹಳ್ಳಿ ಹೆಬಿಯ್ ಗ್ರಾಮದ ಸಮೀಪದಲ್ಲಿ ನಿತ್ಯ ಗಿಡಗಳನ್ನು ನೆಟ್ಟು ಅವುಗಳಿಗೆ ನೀರುಣಿಸುವುದು ಇವರ ಕಾಯಕ, 12 ವರ್ಷಗಳಿಂದ ಇವರು ಈ ಕಾಯಕದಲ್ಲಿ ನಿರತರಾಗಿದ್ದಾರೆ.
ಜಿಯಾ ಹೈಕ್ಸಿಯ ಮತ್ತು ಜಿಯ ವೆಂಖಿ ಹಲವಾರು ವರ್ಷಗಳ ಹಿಂದೆ ಪರಸ್ಪರ ಭೇಟಿಯಾದರು, ತಮ್ಮ ಅಂಗವೈಕಲ್ಯದಿಂದಾಗಿ ಇವರು ಉದ್ಯೋಗ ಹುಡುಕುವಲ್ಲಿ ವಿಫಲರಾಗಿದ್ದರು. ಆದರೆ ಪರಿಸರವನ್ನು ರಕ್ಷಣೆ ಮಾಡಬೇಕು ಎಂಬ ಅದಮ್ಯ ಆಕಾಂಕ್ಷೆ ಇಬ್ಬರಲ್ಲೂ ಇತ್ತು. ಹೀಗಾಗಿ ಬರಡು ಭೂಮಿಯನ್ನು ಉಚಿತವಾಗಿ ಬಾಡಿಗೆಗೆ ಪಡೆದು ಅಲ್ಲಿ ಗಿಡಗಳನ್ನು ನೆಡುವ ಕಾಯಕವನ್ನು ಆರಂಭಿಸಿದರು.
ಬೆಳಿಗ್ಗೆ 7 ಗಂಟೆಗೆ ಕಬ್ಬಿಣದ ಸಲಾಕೆ ಮತ್ತು ಹಮ್ಮರ್ ಹಿಡಿದು ಹೊರಡುವ ಇವರ ಬಳಿ ಗಿಡಗಳನ್ನು ಕೊಂಡುಕೊಳ್ಳಲು ಹಣವಿಲ್ಲದ ಕಾರಣ ಬೀಜಗಳಿಂದ ಉತ್ಪತ್ತಿಯಾದ ಗಿಡಗಳನ್ನು, ಮರದ ಗೆಲ್ಲುಗಳನ್ನು ತೆಗೆದು ಅವುಗಳನ್ನು ಬರಡು ಭೂಮಿಯಲ್ಲಿ ನೆಡುತ್ತಾರೆ. ಇವರ ಅಂಗವೈಕಲ್ಯವನ್ನು ಗಮನಿಸಿದರೆ ಇವರು ಮಾಡುತ್ತಿರುವುದು ನಿಜಕ್ಕೂ ವಿಸ್ಮಯಕಾರಿ ಕಾರ್ಯ.
ಕಣ್ಣಿಲ್ಲದ ಹೈಕ್ಸಿಯ ಮರ ಹತ್ತಿ ಗೆಲ್ಲುಗಳನ್ನು ತೆಗೆದರೆ, ವೆಂಖಿ ನೆಟ್ಟ ಗಿಡಕ್ಕೆ ನೀರುಣಿಸುತ್ತಾನೆ. ನಾನವನ ಕೈ, ಅವ ನನ್ನ ಕಣ್ಣು ಎನ್ನುತ್ತಾರೆ ಈ ಇಬ್ಬರು ಅಪರೂಪದ ಗೆಳೆಯರು. ಇವರ ಕಾರ್ಯ, ಇವರ ಗೆಳತನ ನಿಜಕ್ಕೂ ವರ್ಣನೆಗೆ ಸಿಗದು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
