ನವದೆಹಲಿ: ಏರ್‌ಟೆಲ್ ಗ್ರಾಹಕರು ರಾತ್ರಿ ವೇಳೆ ಡಾಟಾ ಬಳಕೆಯ ಶೇ.50ರಷ್ಟು ಮನ್ನಣೆ ಪಡೆಯಲಿದ್ದಾರೆ. ಅಲ್ಲದೇ Wynk ಮೊಬೈಲ್ ಅಪ್ಲಿಕೇಶನ್ ಮೂಲಕ ಅನಿಯಮಿತ ಹಾಡುಗಳು ಮತ್ತು ತಿಂಗಳಿಗೆ 5 ಸಿನೆಮಾಗಳನ್ನು ಉಚಿತ ಡೌನ್‌ಲೋಡ್ ಮಾಡಬಹುದು ಎಂದು ತಿಳಿಸಿದೆ.
ಸ್ಮಾರ್ಟ್‌ಫೋನ್ ಬಳಕೆದಾರರನ್ನು ಹೆಚ್ಚು ಆಕರ್ಷಿಸಲು ಕಂಪೆನಿ ಈ ಕಾರ್ಯವಿಧಾನದ ಪ್ರಸ್ತಾಪವನ್ನು ಮುಂದಿಟ್ಟಿದೆ.
ಏರ್‌ಟೆಲ್‌ನ ಪ್ರೀಪೇಯ್ಡ್ ಗ್ರಾಹಕರಿಗೆ ಶೇ.50ರಷ್ಟು ಕ್ಯಾಶ್ ಬ್ಯಾಕ್ ಕೊಡುಗೆಯನ್ನು ಈಗಾಗಲೇ ಆರಂಭಿಸಿದ್ದು, ಪೋಸ್ಟ್ ಪೇಯ್ಡ್ ಗ್ರಾಹಕರಿಗೆ ಈ ಕೊಡುಗೆಯನ್ನು ವಾರದೊಳಗೆ ಆರಂಭಿಸಲಾಗುವುದು. 2ಜಿ, 3ಜಿ, 4ಜಿ ಗ್ರಾಹಕರು ಈ ಕೊಡುಗೆಯನ್ನು ಮಧ್ಯರಾತ್ರಿ 12ರಿಂದ ಬೆಳಗ್ಗೆ 6 ಗಂಟೆಯ ವರೆಗೆ ಪಡೆಯಬಹುದು ಎಂದು ಭಾರ್ತಿ ಏರ್‌ಟೆಲ್‌ನ ಗ್ರಾಹಕ ವ್ಯವಹಾರಗಳ ನಿರ್ದೇಶಕ ಶ್ರೀನಿ ಗೋಪಾಲನ್ ಹೇಳಿದ್ದಾರೆ.
ಟೆಲಿಕಾಂ ನೆಟ್ವರ್ಕ್‌ಗಳು ರಾತ್ರಿ ವೇಳೆ ಕನಿಷ್ಟ ಮಟ್ಟದಲ್ಲಿ ಬಳಕೆಯಾಗುತ್ತಿದ್ದು, ಗ್ರಾಹಕರಿಗೆ ಕಡಿಮೆ ಬಳಕೆಯ ಪ್ರಯೋಜನವನ್ನು ವರ್ಗಾಯಿಸುವ ನಿಟ್ಟಿನಲ್ಲಿ ಈ ಯೋಜನೆ ತರಲಾಗಿದೆ. ಗ್ರಾಹಕರು 121 ಎಸ್‌ಎಂಎಸ್, 55555 ಗೆ ಮಿಸ್ಡ್ ಕಾಲ್ ನೀಡುವ ಇಲ್ಲವೇ myAirtel appಗೆ ಲಾಗ್ ಇನ್ ಆಗುವ ಮೂಲಕ ಈ ಕೊಡುಗೆಯನ್ನು ಪಡೆಯಬಹುದು ಎಂದು ಗೋಪಾಲನ್ ತಿಳಿಸಿದ್ದಾರೆ.
ಗ್ರಾಹಕರು ಮೊದಲಿಗೆ ಚಂದಾವನ್ನು ಪಡೆಯಲು Wynk ಆಪ್ ಡೌನ್‌ಲೋಡ್ ಮಾಡಿ ಬಳಿಕ ತಮ್ಮ ಏರ್‌ಟೆಲ್ ವೈಫೈ ನೆಟ್ವರ್ಕ್‌ನಿಂದ ಹಾಡುಗಳನ್ನು ಉಚಿತ ಡೌನ್‌ಲೋಡ್ ಮಾಡಬಹುದಾಗಿದೆ. ಡಾಟಾ ಕ್ಯಾಶ್‌ಬ್ಯಾಕ್ ಅಲ್ಲದೇ ಸ್ಮಾರ್ಟ್‌ಫೋನ್ ಕೊಡುಗೆಯನ್ನು ನೀಡಲಾಗುತ್ತಿದ್ದು, ಗ್ರಾಹಕರು ಅಪ್‌ಗ್ರೇಡ್ ಮಾಡುವ ಮೂಲಕ ವಾರ್ಷಿಕ ಉಚಿತ ಡಾಟಾ, ಬ್ಲೂಟೂತ್ ಸ್ಪೀಕರ್, ಹೆಡ್‌ಸೆಟ್, ಮತ್ತಿತರ ಡಾಟಾ ಪ್ರಯೋಜನಗಳನ್ನು ಪಡೆಯಲಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
