ಮಹಿಳಾ ಸುರಕ್ಷತೆಗೆ ಧಕ್ಕೆ ತರುವ ವಿಡಿಯೋ ಹಾಕಿದ ಕಾಂಗ್ರೆಸ್: ಆಕ್ರೋಶದ ಬಳಿಕ ಡಿಲೀಟ್

ನವದೆಹಲಿ: ಭಾರತೀಯ ಯುವ ಕಾಂಗ್ರೆಸ್ ನವೆಂಬರ್ 1 ರಂದು ದೆಹಲಿಯ ರಾಮಲೀಲಾ ಮೈದಾನದಲ್ಲಿ ನಡೆಯಲಿರುವ ‘ಚಲೋ ದಿಲ್ಲಿ’ ರ್ಯಾಲಿಗಾಗಿ ಹಂಚಿಕೊಂಡಿದ್ದ ಪ್ರಚಾರ ವೀಡಿಯೋವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ತೀವ್ರ ವಿರೋಧ ವ್ಯಕ್ತವಾದ ನಂತರ ಅಳಿಸಿದೆ. ಈ ವೀಡಿಯೋ ಮಹಿಳೆಯರನ್ನು ರಹಸ್ಯವಾಗಿ ಚಿತ್ರೀಕರಿಸುವಂತೆ ಕಾಣುವ ದೃಶ್ಯಗಳನ್ನು ಒಳಗೊಂಡಿದ್ದು, “ಸ್ಟಾಕಿಂಗ್ ಮತ್ತು ಮಹಿಳಾ ದೌರ್ಜನ್ಯವನ್ನು ಸಾಮಾನ್ಯೀಕರಿಸುತ್ತಿದೆ” ಎಂದು ಬಿಜೆಪಿ ತೀವ್ರ ಟೀಕೆ ಮಾಡಿದೆ.

ವೀಡಿಯೋದಲ್ಲಿ ಒಬ್ಬ ಯುವಕನು ರಾತ್ರಿ ವೇಳೆ ರಸ್ತೆಯಲ್ಲಿ ಮಾತನಾಡುತ್ತಿರುವ ಮೂವರು ಮಹಿಳೆಯರನ್ನು ದೂರದಿಂದ ತನ್ನ ಫೋನ್‌ನಿಂದ (ಫ್ಲಾಶ್‌ಲೈಟ್ ಬಳಸಿ) ಚಿತ್ರೀಕರಿಸುತ್ತಿರುವಂತೆ ತೋರಿಸಲಾಗಿದೆ. ಅವನು ಹಲವಾರು ಫೋಟೋಗಳನ್ನು ತೆಗೆದುಕೊಂಡು, ನಂತರ ಫೋನ್‌ನಲ್ಲಿ ಸ್ಕ್ರಾಲ್ ಮಾಡುತ್ತಾನೆ. ಒಂದು ಫೋಟೋದಲ್ಲಿ ಮಹಿಳೆಯ ಫೋನ್‌ನಲ್ಲಿ ‘ಚಲೋ ದಿಲ್ಲಿ’ ರ್ಯಾಲಿಯ ಪೋಸ್ಟರ್ ಕಾಣಿಸುತ್ತದೆ. ವೀಡಿಯೋಗೆ “Kinda chic tho??” ಎಂಬ ಕ್ಯಾಪ್ಷನ್ ನೀಡಲಾಗಿತ್ತು ಮತ್ತು ಹುರಿದುಂಬಿಸುವ ಸಂಗೀತವನ್ನು ಹಿನ್ನೆಲೆಯಲ್ಲಿ ಬಳಸಲಾಗಿತ್ತು.

ಈ ವೀಡಿಯೋ ಹಂಚಿಕೊಂಡ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ತೀವ್ರ ಟೀಕೆ ಎದುರಾಯಿತು. ಬಳಕೆದಾರರು ಇದು ಮಹಿಳೆಯರ ಸಮ್ಮತಿ ಇಲ್ಲದೆ ಚಿತ್ರೀಕರಿಸುವುದನ್ನು ಮತ್ತು ಬೀದಿ ಉಟಳವನ್ನು ‘ಫ್ಯಾಶನೇಬಲ್’ ಎಂದು ತೋರಿಸುತ್ತಿದೆ ಎಂದು ಆರೋಪಿಸಿದರು. ಅನೇಕರು “ಕಾಂಗ್ರೆಸ್ ಸ್ಟಾಕಿಂಗ್ ಮತ್ತು ಈವ್ ಟೀಸಿಂಗ್ ಅನ್ನು ಬೆಂಬಲಿಸುತ್ತಿದೆಯೇ?” ಎಂದು ಪ್ರಶ್ನಿಸಿದ್ದಾರೆ.

ಬಿಜೆಪಿ ನಾಯಕ ವಿಷ್ಣು ವರ್ಧನ್ ರೆಡ್ಡಿ ಎಕ್ಸ್ ಪೋಸ್ಟ್ ಮಾಡಿ, “ಇಂಡಿಯನ್ ಯೂತ್ ಕಾಂಗ್ರೆಸ್ ತನ್ನ ‘ಚಲೋ ದೆಹಲಿ’ ಅಭಿಯಾನದ ಹೆಸರಿನಲ್ಲಿ ಸ್ಟಾಕಿಂಗ್ ಮತ್ತು ಹೆರಾಸ್‌ಮೆಂಟ್ ಅನ್ನು ಸಾಮಾನ್ಯೀಕರಿಸುತ್ತಿದೆ. ಕಾಂಗ್ರೆಸ್ ಎಷ್ಟು ಕೆಳಮಟ್ಟದ ಪಕ್ಷವಾಗಿದೆ” ಎಂದು ಬರೆದಿದ್ದಾರೆ. ಮತ್ತೊಂದು ಪ್ರತಿಕ್ರಿಯೆಯಲ್ಲಿ ಅವರು, “ನಿಮ್ಮ ಪಕ್ಷ ಮಹಿಳಾ ಗೌರವದ ಬಗ್ಗೆ ಮಾತನಾಡುತ್ತದೆ, ಆದರೆ ಯುವ ವಿಭಾಗವು ಸ್ಟಾಕಿಂಗ್ ಅನ್ನು ಸಾಮಾನ್ಯೀಕರಿಸುವ ಪ್ರಚಾರ ಮಾಡುತ್ತಿದೆ. ಮಹಿಳೆಯರು ರಾಜಕೀಯ ಪ್ರಾಪ್ಸ್ ಅಲ್ಲ. ಇದು ಜವಾಬ್ದಾರಿ” ಎಂದು ಹೇಳಿದ್ದಾರೆ.