ವಾಷ್ಟಿಂಗ್ಟನ್‌: ಯುದ್ಧ ಪೀಡಿತ ಉಕ್ರೇನಿಗೆ ಅಮೆರಿಕದಿಂದ ನೀಡುತ್ತಿದ್ದ ಎಲ್ಲಾ ಮಿಲಿಟರಿ ನೆರವನ್ನು ಡೊನಾಲ್ಡ್ ಟ್ರಂಪ್ ಸ್ಥಗಿತಗೊಳಿಸಿದ್ದಾರೆ, ಶ್ವೇತಭವನದಲ್ಲಿ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಜೊತೆ ನಡೆದ ವಾಕ್ಸಮರದ ನಂತರ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ. ಈ ಮೂಲಕ ಪರೋಕ್ಷವಾಗಿ ರಷ್ಯಾದೊಂದಿಗೆ ಶಾಂತಿ ಮಾತುಕತೆಗಳಿಗೆ ಒಪ್ಪಿಗೆ ನೀಡುವಂತೆ ಉಕ್ರೇನ್ ಮೇಲೆ ಒತ್ತಡ ಹೇರುತ್ತಿದ್ದಾರೆ.
ಮಾರ್ಚ್‌ 3 ರಂದು ಉಕ್ರೇನ್‌ಗೆ ನೀಡುತ್ತಿರುವ ಎಲ್ಲಾ ಮಿಲಿಟರಿ ನೆರವನ್ನು ನಿಷೇಧಿಸಲು ಟ್ರಂಪ್ ಆದೇಶಿಸಿದ್ದಾರೆ. ಝೆಲೆನ್ಸ್ಕಿ ಶಾಂತಿಯ ಮೇಲೆ ತಮಗಿರುವ ಬದ್ಧತೆಯನ್ನು ದೃಢಪಡಿಸುವವರೆಗೆ ಉಕ್ರೇನ್‌ಗೆ ಅಸ್ತಿತ್ವದಲ್ಲಿರುವ ಎಲ್ಲಾ ಮಿಲಿಟರಿ ಸಹಾಯವನ್ನು ಅಮೆರಿಕ ನಿಲ್ಲಿಸುತ್ತಿದೆ ಎಂದು ಹಿರಿಯ ರಕ್ಷಣಾ ಇಲಾಖೆಯ ಅಧಿಕಾರಿಯೊಬ್ಬರು ಹೇಳಿದ್ದಾಗಿ ಬ್ಲೂಮ್‌ಬರ್ಗ್ ವರದಿ ಹೇಳಿದೆ.
ಡೊನಾಲ್ಡ್ ಟ್ರಂಪ್ ರಷ್ಯಾ ಮತ್ತು ಉಕ್ರೇನ್ ನಡುವಿನ ಮೂರು ವರ್ಷಗಳ ಯುದ್ಧವನ್ನು ಸಾಧ್ಯವಾದಷ್ಟು ಬೇಗ ಕೊನೆಗೊಳಿಸಲು ಶಾಂತಿ ಒಪ್ಪಂದಕ್ಕೆ ಒತ್ತಾಯಿಸುತ್ತಿದ್ದಾರೆ. ಆದರೆ ಝೆಲೆನ್ಸ್ಕಿಯವರು ತಮಗೆ ಭದ್ರತೆಯ ಖಾತರಿ ನೀಡದ ಹೊರತು ಶಾಂತಿ ಒಪ್ಪಂದಕ್ಕೆ ಸಹಿ ಹಾಕೋದಿಲ್ಲ ಎಂದಿದ್ದಾರೆ. ಶಾಂತಿ ಒಪ್ಪಂದಕ್ಕೆ ಸಹಿ ಹಾಕಿ ರಷ್ಯಾ ಮತ್ತು ಅಮೆರಿಕಾ ಉಕ್ರೇನ್ ವಿರುದ್ಧ ಡಬಲ್ ಗೇಮ್ ಆಟ ಆಡುತ್ತೆ ಅನ್ನೋದು ಅವರ ವಾದ. ಈತನ್ಮಧ್ಯೆ, ಶಾಂತಿ ಒಪ್ಪಂದ ಪ್ರಕ್ರಿಯೆ ಮುಂದುವರಿಯುವವರೆಗೆ ಅಮೆರಿಕದಿಂದ ಯಾವುದೇ ನೆರವು ನೀಡಲಾಗುವುದಿಲ್ಲ ಎಂದು ಟ್ರಂಪ್ ಈ ಹಿಂದೆಯೇ ಘೋಷಿಸಿದ್ದರು. ಇದೀಗ ಅಧಿಕೃತವಾಗಿ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಉಕ್ರೇನ್‌ಗೆ ಅಮೆರಿಕದಿಂದ ನೀಡುತ್ತಿದ್ದ ಎಲ್ಲಾ ಮಿಲಿಟರಿ ನೆರವನ್ನು ಸ್ಥಗಿತಗೊಳಿಸಿದ್ದಾರೆ. ಇದರಿಂದಾಗಿ ಬಹುದೊಡ್ಡ ಪರಿಣಾಮವನ್ನು ಉಕ್ರೇನ್ ಎದುರಿಸಲಿದೆ. ಡೊನಾಲ್ಡ್ ಟ್ರಂಪ್ ಆದೇಶದಿಂದ ಮಿಲಿಟರಿ ನೆರವಿನ ಮೇಲೆ ಎಷ್ಟು ಪರಿಣಾಮ ಬೀರುತ್ತದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಈ ಹಿಂದಿನ ಆಡಳಿತದಿಂದ ಉಳಿದಿರುವ 3.85 ಶತಕೋಟಿ ಡಾಲರ್‌ ಹಣವನ್ನು ಉಕ್ರೇನ್‌ಗೆ ಬಳಸಲಾಗುತ್ತದೆಯೇ ಎಂಬುದರ ಕುರಿತು ಟ್ರಂಪ್ ಆಡಳಿತವು ಅನಿಶ್ಚಿತವಾಗಿದೆ. ಈ ನಿರ್ಬಂಧವು ಈ ಹಿಂದೆ ನಿಗದಿಪಡಿಸಲಾದ ಒಪ್ಪಂದಗಳು ಮತ್ತು ಶಸ್ತ್ರಾಸ್ತ್ರಗಳ ವಿತರಣೆಯನ್ನು ಅಪಾಯಕ್ಕೆ ಸಿಲುಕಿಸಿದೆ, ಇದರಲ್ಲಿ ಪ್ರಮುಖ ಯುದ್ಧ ಸಾಮಗ್ರಿಗಳು ಮತ್ತು ಟ್ಯಾಂಕ್ ವಿರೋಧಿ ಶಸ್ತ್ರಾಸ್ತ್ರಗಳು ಸೇರಿವೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
