ಉಡುಪಿ: ಪರಿಸರ, ಜನರಿಗೆ ತೊಂದರೆಯಾಗದಂತೆ ನೋಡಿಕೊಳ್ಳಿ ಎಂದು ಅದಾನಿ ಸಮೂಹ ಸಂಸ್ಥೆಗಳ ಸ್ಥಾಪಕ ಅಧ್ಯಕ್ಷ ಗೌತಮ್ ಅದಾನಿ ಅವರಿಗೆ ಶ್ರೀ ಪೇಜಾವರ ಮಠಾಧೀಶ ಶ್ರೀ ವಿಶ್ವೇಶತೀರ್ಥ ಶ್ರೀಪಾದರು ಸಲಹೆ ನೀಡಿದರು.
ಅದಾನಿ ಅವರು ರವಿವಾರ ಶ್ರೀಕೃಷ್ಣ ಮಠಕ್ಕೆ ಭೇಟಿ ನೀಡಿ ದೇವರ ದರ್ಶನ ಪಡೆದ ಬಳಿಕ ಪರ್ಯಾಯ ಶ್ರೀ ಕಾಣಿಯೂರು ಮಠಾಧೀಶರಿಂದ ಪ್ರಸಾದ ಸ್ವೀಕರಿಸಿ ಪೇಜಾವರ ಮಠಕ್ಕೆ ತೆರಳಿ ಶ್ರೀಗಳ ಜತೆ ಮಾತುಕತೆ ನಡೆಸಿದರು.
ಯುಪಿಸಿಎಲ್ನಿಂದ ಈಗಾಗಲೇ ಸಮಸ್ಯೆ ಇರುವುದು ತಿಳಿದೇ ಇದೆ. ಪರಿಸರಕ್ಕೆ ಆಗುವ ತೊಂದರೆ ಕುರಿತು ರಾಮಚಂದ್ರ ವರದಿಯಲ್ಲಿ ವಿವರಿಸಲಾಗಿದೆ. ಈಗ ಘಟಕವನ್ನು ವಿಸ್ತರಿಸುತ್ತಿದ್ದೀರಿ ಎಂದು ತಿಳಿದುಬಂದಿದೆ. ಕುಡಿಯುವ ನೀರು, ಪರಿಸರ, ಹಾರು ಬೂದಿ ಸಮಸ್ಯೆಗಳು ಆಗಬಾರದು ಎಂದು ಶ್ರೀಗಳು ತಿಳಿಸಿ ವರದಿ ಪ್ರತಿಯನ್ನು ಅದಾನಿಯವರಿಗೆ ನೀಡಿದರು.
ನಾವು ಈಗಷ್ಟೇ ಅಧಿಕಾರ ವಹಿಸಿಕೊಂಡಿದ್ದೇವೆ. ಇದುವರೆಗೆ ತೊಂದರೆಯಾಗಿರಬಹುದು. ಮುಂದೆ ಏನೂ ತೊಂದರೆಯಾಗದಂತೆ ನೋಡಿಕೊಳ್ಳುತ್ತೇವೆ ಎಂದು ಅದಾನಿ ಭರವಸೆ ನೀಡಿದರು.
ಗೌತಮ್ ಅದಾನಿ ಅವರು ಯುಪಿಸಿಎಲ್ ಘಟಕಕ್ಕೆ ಮತ್ತು ಉಡುಪಿಗೆ ಮೊದಲ ಬಾರಿ ಭೇಟಿ ನೀಡಿದರು. ಅಥಣಿಯಿಂದ ಉಡುಪಿಗೆ ಆಗಮಿಸಿದ ಪೇಜಾವರ ಶ್ರೀಗಳು ಚರ್ಚೆ ನಡೆಸಿ ಮತ್ತೆ ಹಿಂದಿರುಗಿದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.