ಹಮಾಸ್‌ ನಾಯಕ ಯಾಹ್ಯಾ ಸಿನ್ವಾರ್ ಹತ್ಯೆ – ಯುದ್ಧದ ಅಂತ್ಯ ಪ್ರಾರಂಭವಾಗಿದೆ ಎಂದ ಇಸ್ರೇಲ್‌ ಪ್ರಧಾನಿ

ಟೆಲ್‌ ಅವಿವ್‌: ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಗುರುವಾರ ರಫಾದಲ್ಲಿ ನಡೆದ ಸೇನಾ ಕಾರ್ಯಾಚರಣೆಯಲ್ಲಿ ಹಮಾಸ್ ಮುಖ್ಯಸ್ಥ ಯಾಹ್ಯಾ ಸಿನ್ವಾರ್ ಸತ್ತಿರುವ ಮಾಹಿತಿಯನ್ನು ದೃಢಪಡಿಸುವ ವೀಡಿಯೊ ಹೇಳಿಕೆಯನ್ನು ಬಿಡುಗಡೆ ಮಾಡಿದ್ದಾರೆ

ಗಾಜಾ ಪಟ್ಟಿಯಲ್ಲಿರುವ ಪ್ಯಾಲೆಸ್ತೀನ್ ಹಮಾಸ್ ಚಳವಳಿಯ ರಾಜಕೀಯ ವಿಭಾಗದ ಮುಖ್ಯಸ್ಥ ಯಾಹ್ಯಾ ಸಿನ್ವಾರ್ ಅನ್ನು ಇಸ್ರೇಲಿ ಪಡೆಗಳು ಬುಧವಾರ ಕೊಂದು ಹಾಕಿವೆ. ಆತನ ಅಂತಿಮ ಕ್ಷಣಗಳ ಡ್ರೋನ್ ದೃಶ್ಯಗಳನ್ನು ಕೂಡ ಮಿಲಿಟರಿ ಬಿಡುಗಡೆ ಮಾಡಿದೆ, ಗಾಯಗೊಂಡಿರುವ ಆತ ಡ್ರೋನ್‌ಗೆ ದೊಣ್ಣೆ ಎಸೆಯುವುದನ್ನು ವೀಡಿಯೊದಲ್ಲಿ ತೋರಿಸಲಾಗಿದೆ.

ಪ್ಯಾಲೇಸ್ಟಿನಿಯನ್ ಉಗ್ರಗಾಮಿ ಸಂಘಟನೆಯ ನಾಯಕನ ನಿರ್ಮೂಲನೆಯು ಯುದ್ಧದ ಅಂತ್ಯದ “ಪ್ರಾರಂಭ” ಎಂದು ನೆತನ್ಯಾಹು ಹೇಳಿದ್ದಾರೆ, ಆದರೂ ಅವರು ಸಂಪೂರ್ಣ ಕದನ ವಿರಾಮದ ಭರವಸೆ ನೀಡಿಲ್ಲ.

ಎಲ್ಲಾ ಒತ್ತೆಯಾಳುಗಳನ್ನು ಹಿಂತಿರುಗಿಸುವವರೆಗೂ ಇಸ್ರೇಲಿ ಕಾರ್ಯಾಚರಣೆಗಳು ಮುಂದುವರಿಯುತ್ತವೆ ಎಂದು ಒತ್ತಿ ಹೇಳಿದ್ದಾರೆ.

ಯಾಹ್ಯಾ ಸಿನ್ವಾರ್ ಸಾವು ಹಮಾಸ್‌ಗೆ ಭಾರಿ ಹೊಡೆತವನ್ನು ನೀಡುತ್ತದೆ, ಜೊತೆಗೆ ಇರಾನ್, ಲೆಬನಾನ್ ಮತ್ತು ಯೆಮೆನ್‌ನಲ್ಲಿ ಇಸ್ರೇಲ್‌ಗೆ ದೊಡ್ಡ ಮಧ್ಯ-ಪ್ರಾಚ್ಯ ಪ್ರತಿರೋಧವನ್ನು ನೀಡುತ್ತದೆ ಎನ್ನಲಾಗಿದೆ.

ಜುಲೈ 2024 ರಲ್ಲಿ, ಹಮಾಸ್‌ನ ಮುಖ್ಯಸ್ಥ ಇಸ್ಮಾಯಿಲ್ ಹನಿಯೆ ಮತ್ತು ಮಿಲಿಟರಿ ಕಮಾಂಡರ್ ಮೊಹಮ್ಮದ್ ಡೀಫ್ ಸಹ ಇಸ್ರೇಲ್‌ ಕೈಯಿಂದಲೇ ಹತ್ಯೆಯಾಗಿದ್ದಾರೆ, ಇದು ಸಿನ್ವಾರ್ ಹಮಾಸ್‌ನ ಮುಖ್ಯ ಸ್ಥಾನಕ್ಕೆ ಹೆಜ್ಜೆಯಿಡಲು ಕಾರಣವಾಯಿತು. ಸಿನ್ವಾರ್ ಮೃತಪಟ್ಟಿರುವ ಹಿನ್ನೆಲೆಯಲ್ಲಿ ಹಮಾಸ್ ಪ್ರಸ್ತುತ ನಾಯಕನಿಲ್ಲದ ಸಂಘಟನೆಯಾಗಿದೆ. ಇನ್ನೂ ಸಿನ್ವಾರ್‌ನ ಉತ್ತರಾಧಿಕಾರಿಯನ್ನು ಅದು ಘೋಷಿಸಿಲ್ಲ.

ನೆತನ್ಯಾಹು ಅವರು ಸಿನ್ವಾರ್‌ನ ಮರಣವನ್ನು “ಹಮಾಸ್‌ನ ದುಷ್ಟ ಆಡಳಿತದ ಅವನತಿಯಲ್ಲಿ ಪ್ರಮುಖ ಹೆಗ್ಗುರುತು” ಎಂದು ಉಲ್ಲೇಖಿಸಿದ್ದಾರೆ. ಅಕ್ಟೋಬರ್ 7 ರಂದು ಇಸ್ರೇಲಿ ನಾಗರಿಕರ ಮೇಲೆ ಹಮಾಸ್ ನಡೆಸಿದ ದಾಳಿಯ ಹಿಂದಿನ ಮಾಸ್ಟರ್ ಮೈಂಡ್ ಸಿನ್ವಾರ್ ಎಂದು ಹೇಳಲಾಗಿದೆ.

ಸಿನ್ವಾರ್‌ನ ಮರಣದ ನಂತರಯುಎಸ್ ಅಧ್ಯಕ್ಷ ಜೋ ಬಿಡೆನ್ ಕೂಡ ಹೇಳಿಕೆ ನೀಡಿದ್ದು, “ಹಮಾಸ್‌ ಗಾಜಾದಲ್ಲಿ ಪ್ರಸ್ತುತ ಅಧಿಕಾರದಲ್ಲಿಲ್ಲ. ಹೀಗಾಗಿ ಇಸ್ರೇಲ್‌ ಮತ್ತು ಪ್ಯಾಲೇಸ್ತೇನ್‌ ಎರಡಕ್ಕೂ ಉತ್ತಮ ಭವಿಷ್ಯಕ್ಕಾಗಿ ರಾಜಕೀಯ ಇತ್ಯರ್ಥ ನಡೆಸಬಹುದು” ಎಂದಿದ್ದಾರೆ.