ವಿಜಯ್‌ ದಿವಸ್‌: ಒಟ್ಟಾಗಿ ಹೋರಾಡಿ ದಮನಕಾರಿ ಶಕ್ತಿಗಳನ್ನು ಸೋಲಿಸಿದ್ದೇವೆ ಎಂದ ಮೋದಿ

ನವದೆಹಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಗುರುವಾರ ಸ್ವರ್ಣಿಮ್ ವಿಜಯ್ ದಿವಸ್ ಸಂದರ್ಭದಲ್ಲಿ, ಮುಕ್ತಿಜೋದ್ಧರು, ಬೀರಾಂಗಣರು ಮತ್ತು ಭಾರತೀಯ ಸಶಸ್ತ್ರ ಪಡೆಗಳ ಮಹಾನ್ ಶೌರ್ಯ ಮತ್ತು ತ್ಯಾಗವನ್ನು ಸ್ಮರಿಸಿದರು ಮತ್ತು ನಾವು ಒಟ್ಟಾಗಿ ಹೋರಾಡಿದ್ದೇವೆ ಮತ್ತು ದಮನಕಾರಿ ಶಕ್ತಿಗಳನ್ನು ಸೋಲಿಸಿದ್ದೇವೆ ಎಂದಿದ್ದಾರೆ.

ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, “50ನೇ ವಿಜಯ್ ದಿವಸ್‌ ಸಂದರ್ಭದಲ್ಲಿ ನಾನು ಮುಕ್ತಿಜೋದ್ಧರು, ಬೀರಾಂಗಣಗಳು ಮತ್ತು ಭಾರತೀಯ ಸಶಸ್ತ್ರ ಪಡೆಗಳ ಮಹಾನ್ ಶೌರ್ಯ ಮತ್ತು ತ್ಯಾಗವನ್ನು ಸ್ಮರಿಸುತ್ತೇನೆ. ನಾವು ಒಗ್ಗೂಡಿ ದಬ್ಬಾಳಿಕೆ ನಡೆಸಿದ ಪಡೆಗಳನ್ನು ಹೋರಾಡಿ ಸೋಲಿಸಿದ್ದೇವೆ. ಢಾಕಾದಲ್ಲಿ ರಾಷ್ಟ್ರಪತಿ  ಅವರ ಉಪಸ್ಥಿತಿ ಪ್ರತಿಯೊಬ್ಬ ಭಾರತೀಯನಿಗೂ  ಪ್ರಾಮುಖ್ಯತೆಯ ವಿಷಯವಾಗಿದೆ” ಎಂದಿದ್ದಾರೆ

ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರು ಇಂದು ಗೌರವಾನ್ವಿತ ಅತಿಥಿಯಾಗಿ ಢಾಕಾದಲ್ಲಿ ಬಾಂಗ್ಲಾದೇಶದ 50 ನೇ ವಿಜಯೋತ್ಸವದ ಆಚರಣೆಗೆ ಸಾಕ್ಷಿಯಾಗಲಿದ್ದಾರೆ.

ಸ್ವರ್ಣಿಮ್ ವಿಜಯ್ ವರ್ಷ್ 1971 ರ ಯುದ್ಧದಲ್ಲಿ ಭಾರತದ ವಿಜಯ ಮತ್ತು ಬಾಂಗ್ಲಾದೇಶದ ರಚನೆಯ 50 ವರ್ಷಗಳ ಸ್ಮರಣಾರ್ಥವಾಗಿ ನಡೆಯುತ್ತಿದೆ.

ಕಳೆದ ವರ್ಷ ಡಿಸೆಂಬರ್ 16 ರಂದು, ಪ್ರಧಾನಿ ನರೇಂದ್ರ ಮೋದಿ ಅವರು ರಾಷ್ಟ್ರೀಯ ಯುದ್ಧ ಸ್ಮಾರಕದಲ್ಲಿ ಶಾಶ್ವತ ಜ್ವಾಲೆಯಿಂದ ಸ್ವರ್ಣಿಮ್ ವಿಜಯ್ ಜ್ಯೋತಿಯನ್ನು ಬೆಳಗಿಸಿದರು. ಇದು ಪ್ರಮುಖ ಯುದ್ಧ ಪ್ರದೇಶಗಳಿಗೆ ಮತ್ತು ಶೌರ್ಯ ಪ್ರಶಸ್ತಿ ವಿಜೇತರು ಮತ್ತು 1971 ರ ಯುದ್ಧ ವೀರರ ಮನೆಗಳಿಗೆ ಸಂಚರಿಸಿದೆ.

ಇಂದು, ಗೌರವ ಸಮಾರಂಭದ ಸಂದರ್ಭದಲ್ಲಿ ಈ ನಾಲ್ಕು ಜ್ವಾಲೆಗಳನ್ನು ಪ್ರಧಾನ ಮಂತ್ರಿಯವರು ರಾಷ್ಟ್ರೀಯ ಯುದ್ಧ ಸ್ಮಾರಕದಲ್ಲಿ ಶಾಶ್ವತ ಜ್ವಾಲೆಯೊಂದಿಗೆ ವಿಲೀನಗೊಳಿಸುತ್ತಾರೆ.

On the 50th Vijay Diwas, I recall the great valour and sacrifice by the Muktijoddhas, Biranganas and bravehearts of the Indian Armed Forces. Together, we fought and defeated oppressive forces. Rashtrapati Ji’s presence in Dhaka is of special significance to every Indian.

— Narendra Modi (@narendramodi) December 16, 2021