ನವದೆಹಲಿ: ಸುಮಾರು ರೂ 7.53 ಲಕ್ಷ ಕೋಟಿ ವೆಚ್ಚದ 51,165 ಕಿಮೀ ಉದ್ದದ 484 ರೈಲ್ವೆ ಯೋಜನೆಗಳು ವಿವಿಧ ಕಾರ್ಯಗತಗೊಳಿಸುವ ಹಂತಗಳಲ್ಲಿವೆ, ಇವುಗಳಲ್ಲಿ 10,638 ಕಿಮೀ ಉದ್ದವನ್ನು ಕಾರ್ಯಗತಗೊಳಿಸಲಾಗಿದೆ ಮತ್ತು ಮಾರ್ಚ್ 2021ರ ವೇಳೆಗೆ ಸರಿಸುಮಾರು ರೂ 2.14 ಲಕ್ಷ ಕೋಟಿ ವೆಚ್ಚವನ್ನು ಮಾಡಲಾಗಿದೆ.
ಈ ಮಾಹಿತಿಯನ್ನು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರು ಲೋಕಸಭೆಯಲ್ಲಿ ಬುಧವಾರ ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ.
ಈ ರೈಲ್ವೇ ಯೋಜನೆಗಳು 21,037 ಕಿಮೀ ಉದ್ದದ 187 ಹೊಸ ಮಾರ್ಗ ಯೋಜನೆಗಳನ್ನು ಒಳಗೊಂಡಿದ್ದು, ಇದಕ್ಕೆ 4,05,916 ಕೋಟಿ ವೆಚ್ಚವಾಗಲಿದೆ. ರೂ. 53,171 ಕೋಟಿ ವೆಚ್ಚದ 6,213 ಕಿಮೀ ಉದ್ದದ 46 ಗೇಜ್ ಪರಿವರ್ತನೆ ಯೋಜನೆಗಳನ್ನು ಮತ್ತು 2,93,471 ರೂಪಾಯಿ ವೆಚ್ಚದ 23,915 ಕಿ.ಮೀ ಉದ್ದದ 251 ಡಬಲಿಂಗ್‌ ಯೋಜನೆಗಳನ್ನು ಕೂಡ ಇದು ಒಳಗೊಂಡಿದೆ.
ಹೊಸ ಲೈನ್ ಯೋಜನೆಗಳ ಪೈಕಿ 2,621 ಕಿ.ಮೀ ಉದ್ದದ ಕಾರ್ಯಾರಂಭವನ್ನು ಸಾಧಿಸಲಾಗಿದೆ ಮತ್ತು ಇದಕ್ಕೆ 1,05,591 ಕೋಟಿ ರೂ.ವ್ಯಯಿಸಲಾಗಿದೆ.
ಗೇಜ್ ಪರಿವರ್ತನೆ ಯೋಜನೆಗಳಲ್ಲಿ, 3,587 ಕಿಮೀ ಉದ್ದದ ಕಾರ್ಯಾರಂಭವನ್ನು ಸಾಧಿಸಲಾಗಿದೆ ಮತ್ತು ಮಾರ್ಚ್ 2021 ರವರೆಗೆ 22,184 ಕೋಟಿ ರೂ. ವ್ಯಯಿಸಲಾಗಿದೆ
ಅಲ್ಲದೆ, 4,430 ಕಿಮೀ ಉದ್ದದ ಡಬ್ಲಿಂಗ್ ಯೋಜನೆಗಳನ್ನು ಮಾರ್ಚ್ 2021 ರವರೆಗೆ 86,041 ಕೋಟಿ ರೂ.ವೆಚ್ಚದಲ್ಲಿ ಪೂರ್ಣಗೊಳಿಸಲಾಗಿದೆ.
ರೈಲ್ವೆ ಸಚಿವಾಲಯದ ಪ್ರಕಾರ, ಭಾರತೀಯ ರೈಲ್ವೇ ವೆಬ್‌ಸೈಟ್‌ನಲ್ಲಿ ಸಾರ್ವಜನಿಕ ಡೊಮೇನ್‌ನಲ್ಲಿ ವೆಚ್ಚ ಸೇರಿದಂತೆ ರೈಲ್ವೆ ಯೋಜನೆಗಳ ವಲಯ ರೈಲ್ವೇವಾರು ವಿವರಗಳನ್ನು ಲಭ್ಯವಾಗುವಂತೆ ಮಾಡಲಾಗಿದೆ. ರೈಲ್ವೇ ಯೋಜನೆಗಳನ್ನು ವಲಯ ರೈಲ್ವೇವಾರು ಮಂಜೂರು ಮಾಡಲಾಗುತ್ತದೆಯೇ ಹೊರತು ರಾಜ್ಯವಾರು ಅಲ್ಲ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
