ತುಳುನಾಡಿನ ಸಂಪ್ರದಾಯ ಆಚರಣೆಗಳು ಕೇವಲ ಸ್ಪರ್ಧೆಗಾಗಿ ಆಚರಿಸಬಾರದು-ನಳಿನ್

ಬಂಟ್ವಾಳ : ಬಂಟರ ಸಂಘ ಜಪ್ಪಿನಮೊಗರು (ರಿ) ಇದರ ವತಿಯಿಂದ ಆಟಿದ ಕೂಟ ಕಾರ್ಯಕ್ರಮ  ಶ್ರೀ ಜೆ ಸೀತಾರಾಮ  ಶೆಟ್ಟಿ ಯವರ ಅಧ್ಯಕ್ಷತೆ ಯಲ್ಲಿ ಜರಗಿತು ಪ್ರಾರಂಭದಲ್ಲಿ ಇತ್ತೀಚೆಗೆ ನಿಧನ ರಾದ ಜಾಗತಿಕ ಬಂಟ ಪ್ರತಿಷ್ಠಾನ ದ ಮಾಜಿ ಅಧ್ಯಕ್ಷರಾದ  ಕೆ ಬಿ ಜಯಪಾಲ ಶೆಟ್ಟಿ ಯವರಿಗೆ ಶ್ರದ್ಧಾಂಜಲಿ ಅರ್ಪಿಸಲಾಯಿತು.

ಕಾರ್ಯಕ್ರಮವನ್ನು ಶ್ರೀ ದೇವಿ ಸಮೂಹ ಶಿಕ್ಷಕ  ಸಂಸ್ಥೆ ಅಧ್ಯಕ್ಷರಾದ ಎ. ಸದಾನಂದ ಶೆಟ್ಟಿ ಯವರು ಉದ್ಘಾಟಿಸಿ ಹಿಂದಿನ ಆಚರಣೆಯಲ್ಲಿ ಹಿರಿಯರ ಉದ್ದೇಶ ಏನಿತ್ತು ಪ್ರಸ್ತುತ ಯುವ ಜನಾಂಗ ಯಾವರೀತಿ ಬದಲಾಗುತ್ತಿದೆ ಎಂಬ ಬಗ್ಗೆ ತಿಳಿಸಿದರು.  ಮುಖ್ಯ ಅತಿಥಿ ಗಳಾಗಿ ಸಂಸದ ನಳಿನ್ ಕುಮಾರ್ ಕಟೀಲ್  ಮಾತನಾಡಿ ತುಳುನಾಡಿನ ಸಂಪ್ರದಾಯ ಆಚರಣೆಗಳು ಕೇವಲ ಸ್ಪರ್ಧೆಗಾಗಿ ಆಚರಣೆಯಾಗಬಾರದು. ಅದರ ಆಚರಣೆಯ ಹಿಂದಿನ ಮಹತ್ವ ತಿಳಿದು ಅದರೊಳಗೆ ಅಡಗಿರುವ ಸತ್ಯ ವನ್ನು ಪಾಲಿಸಬೇಕು ಎಂದು ತಿಳಿಸಿದರು.

ಡಾ ಆಶಾ ಜ್ಯೋತಿ ರೈ  ಮಾತನಾಡುತ್ತಾ ಆಧುನಿಕ ಸಮಾಜದ ಆಹಾರ ಪದ್ಧತಿಯ ಬಗ್ಗೆ ತಿಳಿಸಿ ಈ ನಿಟ್ಟಿನಲ್ಲಿ ಮಾತೆಯರ ಜವಾಬ್ದಾರಿ ಎನೆಂದು ವಿಷಾದ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಆಟಿ ಮಾಸದ ವಿಶೇಷತೆ , ಆಹಾರ , ಜೀವನ ಕ್ರಮದ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ನಮ್ಮ ಟಿ ವಿ ಯ ನಿರೂಪಕರಾದ  ನವೀನ ಶೆಟ್ಟಿ ಎಡ್ಮೆ ಮಾರ್ ತಿಳಿಸಿದರು.

ವೇದಿಕೆ ಯಲ್ಲಿ  ಚಿತ್ರ ರಂಗ ದ ಸಾಹಸ ನಿರ್ದೇಶಕರಾದ ರಾಮ್ ಶೆಟ್ಟಿ ಶ್ರೀ ರಾಜ್ ಗೋಪಾಲ್ ರೈ ಅಡ್ಯಾರ್ ಮಾಧವ ನಾಯ್ಕ್ , ಯುವ ಕಾಂಗ್ರೆಸ್ ನಾಯಕ ಮಿಥುನ್ ರೈ ಕಿರುತೆರೆ ತಾರೆ ರಾದ ರಾಘವೇಂದ್ರ ರೈ ಹಾಗು  ಶೋಭಾ ರೈ ಉಪಾಧ್ಯಕ್ಷರಾದ ಜಗದೀಶ್ ಕಿಲ್ಲೆ ಜಪ್ಪು ಗುಡ್ಡೆ ಗುತ್ತು , ರಮಣಿ ಹೆಚ್ ಶೆಟ್ಟಿ ಉಪಸ್ತಿತರಿದ್ದರು.

ಆಟಿ  ತಿಂಗಳ ವಿವಿಧ  ತಿನಿಸು ತಯಾರಿಸಿದ ಸಂಘದ ಮಹಿಳಾ ಸದಸ್ಯರನ್ನು ಅಭಿನಂದಿಸಲಾಯಿತು ಸ್ಥಾಪಕ ಅದ್ಯಕ್ಷರಾದ ಶ್ರೀ ಶಶಿಧರ ಶೆಟ್ಟಿ ಸ್ವಾಗತಿಸಿದರು.   ಕಾರ್ಯದರ್ಶಿ ಶ್ರೀ ಹರೀಶ್ ಶೆಟ್ಟಿ  ವಂದಿಸಿದರು. ಶ್ರೀಮತಿ ಮಂಜುಳಾ ಶೆಟ್ಟಿ ಹಾಗು ಶ್ರೀ ಪ್ರಕಾಶ್ ಮೇಲಾಂಟ  ಕಾರ್ಯಕ್ರಮ  ನಿರೂಪಿಸಿದರು.