ಮಾಜಿ ಸೈನಿಕರ ಕಟ್ಟಡ ಉದ್ಘಾಟಿಸಿದ ಡಾ|ಡಿ.ವೀರೇಂದ್ರ ಹೆಗಡೆ : ಸೈನಿಕರ ಸ್ಮರಿಸುವ ಕೆಲಸವಾಗಬೇಕು

ಮಂಗಳೂರು : ದೇಶಕ್ಕಾಗಿ ತ್ಯಾಗ, ಬಲಿದಾನ ಮಾಡಿದ ಸೈನಿಕರನ್ನು ನಾವು ನಿರಂತರ ಸ್ಮರಿಸುವ ಕೆಲಸ ಮಾಡಬೇಕು. ಅಲ್ಲದೇ ಸೈನಿಕರ ಸ್ಮರಿಸುವ ಕುರಿತು ಮುಂದಿನ ಪೀಳಿಗೆ ಇದರ ಅರಿವು ಮೂಡಿಸುವ ಕೆಲಸವಾಗಬೇಕೆಂದು ಪದ್ಮ ವಿಭೂಷಣ ಡಾ|ಡಿ.ವಿರೇಂದ್ರ ಹೆಗಡೆ ಅಭಿಪ್ರಾಯಪಟ್ಟಿದ್ದಾರೆ.  ಮಂಗಳೂರಿನ ಬಾವುಟಗುಡ್ಡೆಯಲ್ಲಿ ನಿರ್ಮಾಣಗೊಂಡಿರುವ ದಕ್ಷಿಣ ಕನ್ನಡ ಜಿಲ್ಲಾ ಮಾಜಿ ಸೈನಿಕರ ಸಂಘದ ನೂತನ ಕಟ್ಟಡವನ್ನು ಪದ್ಮ ವಿಭೂಷಣ ಡಾ|ಡಿ.ವಿರೇಂದ್ರ ಹೆಗಡೆ ಅವರು ಉದ್ಘಾಟಿಸಿದರು.

ಬಳಿಕ ಮಾತನಾಡಿದ ಅವರು, ಸೈನಿಕರು ಸಾಹಸಮಯಿಗಳು, ಅವರು ಸಾವಿಗೆ ಅಂಜದೇ, ದೇಶಕ್ಕಾಗಿ ಹೋರಾಟ ಮಾಡಿದ ಧೀಮಂತ ವ್ಯಕ್ತಿಯಾಗಿದ್ದಾರೆ. ಅವರ ತ್ಯಾಗ ಬಲಿದಾನವನ್ನು ಸ್ಮರಿಸುವ ಕೆಲಸವನ್ನು ಮಾಡಬೇಕೆಂದರು. ನಿಟ್ಟೆ ವಿಶ್ವವಿದ್ಯಾನಿಲಯದ ಕುಲಪತಿ ಡಾ| ಎನ್ .ವಿನಯ್ ಹೆಗ್ಡೆ ಮಾತನಾಡಿ, ದೇಶಕ್ಕಾಗಿ ಸರ್ಮಪಣೆ ಮಾಡಿದ ಶ್ರೇಷ್ಠ ವ್ಯಕ್ತಿಗಳನ್ನ ಸ್ಮರಿಸಬೇಕಾಗಿದೆ.ದೇಶಕ್ಕಾಗಿ ದಿನ ನಿತ್ಯ ಸಾವಿರಾರು ಮಂದಿ ತನ್ನ ಜೀವವನ್ನು ಬಲಿದಾನ ಮಾಡುತ್ತಿದ್ದಾರೆ. ಅವರಿಗೆ ಕೃತಜ್ಞತೆ ಅರ್ಪಿಸುವುದು ನಮ್ಮ ಧರ್ಮ ಎಂದರು.

ಇದೇ ವೇಳೆಯಲ್ಲಿ ವೀರಯೋಧರ ಕುರಿತ ಸಮರ್ಪಣ್ ಸ್ಮರಣ ಸಂಚಿಕೆ ಬಿಡುಗಡೆಗೊಳಿಸಲಾಯಿತು. ಈ ಸಂದರ್ಭದಲ್ಲಿ ವಿಧಾನ ಪರಿಷತ್ ಸದಸ್ಯ ಕ್ಯಾ| ಗಣೇಶ್ ಕಾರ್ಣಿಕ್, ಶಾಸ್ತವು ಭೂತನಾಥೇಶ್ವರ ಟ್ರಸ್ಟಿ ವಿಜಯ್ ವಿಠಲ ಶೆಟ್ಟಿ, ಮಾಜಿ ಶಾಸಕ ಯೋಗೀಶ್ ಭಟ್, ಕರ್ನಲ್ ನಿಟ್ಟೆ ಗುತ್ತು ಶರತ್ ಭಂಢಾರಿ, ಕ್ಯಾ| ಬೆಳ್ಳಿಯಪ್ಪ ಮತ್ತಿತರು ವೇದಿಕೆಯಲ್ಲಿ ಉಪಸ್ಥಿತಿರಿದ್ರು.