ನವದೆಹಲಿ: ಇಡೀ ಜಗತ್ತು ಕರೋನಾವೈರಸ್ ಸಾಂಕ್ರಾಮಿಕ ರೋಗದ ಕಾರಣದಿಂದಾಗಿ ದೊಡ್ಡಮಟ್ಟದ ಆಪತ್ತನ್ನು ಎದುರಿಸುತ್ತಿದೆ. ಈ ನಡುವೆ ವಿಶ್ವ ಆರೋಗ್ಯ ಸಂಸ್ಥೆ ನೀಡಿರುವ ಎಚ್ಚರಿಕೆ ಮನುಕುಲವನ್ನು ಮತ್ತಷ್ಟು ಆತಂಕಕ್ಕೆ ದೂಡಿದೆ.
ಎಚ್ಐವಿಯಂತೆ ಕೊರೋನಾವೈರಸ್ ಕೂಡ ಜಗತ್ತಿನಾದ್ಯಂತದ ಜನರೊಂದಿಗೆ ದೀರ್ಘಕಾಲದವರೆಗೂ ಇರಲಿದೆ, ಮಾನವರು ಅದರೊಂದಿಗೆ ಜೀವಿಸುವುದನ್ನು ಕಲಿಯಬೇಕು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಬುಧವಾರ ಹೇಳಿದೆ.
ವಿಶ್ವ ಆರೋಗ್ಯ ಸಂಸ್ಥೆಯ ಆರೋಗ್ಯ ತುರ್ತುಪರಿಸ್ಥಿತಿ ಕಾರ್ಯಕ್ರಮಗಳ ನಿರ್ದೇಶಕ ಮೈಕೆಲ್ ರಿಯಾನ್ ಈ ಬಗ್ಗೆ ಎಚ್ಚರಿಕೆಯನ್ನು ನೀಡಿದ್ದು, ಈ ವೈರಸ್ ಸದಾ ನಮ್ಮೊಂದಿಗೆ ಇರಲಿದೆ ಮತ್ತು ನಮ್ಮನ್ನು ಬಿಟ್ಟು ತೊಲಗಲಾರದು ಎಂದಿದ್ದಾರೆ.
“ಹೆಚ್ಐವಿ ಕೂಡ ನಮ್ಮಿಂದ ದೂರವಾಗಿಲ್ಲ. ಆದರೆ ನಾವು ಹೆಚ್ಐವಿ ಹೊಂದಿರುವವರನ್ನು ದೀರ್ಘಕಾಲ ಬದುಕುವಂತೆ ಮತ್ತು ಆರೋಗ್ಯವಾಗಿರುವಂತೆ ಇಟ್ಟುಕೊಳ್ಳುವ ಮಾರ್ಗವನ್ನು ಕಂಡುಕೊಂಡಿದ್ದೇವೆ. ನಾವು ವಾಸ್ತವವಾಗಿ ಚಿಂತಿಸಬೇಕು, ವೈರಸ್ ಯಾವಾಗ ಮಾಯವಾಗುತ್ತದೆ ಎಂಬುದು ನಮಗೆ ಖಚಿತವಿಲ್ಲ. ಒಂದು ವೇಳೆ ಅತ್ಯಂತ ಪರಿಣಾಮಕಾರಿಯಾದ ಲಸಿಕೆಯನ್ನು ಪತ್ತೆ ಮಾಡಿ ವಿಶ್ವದ ಪ್ರತಿಯೊಬ್ಬ ಜನರಿಗೂ ಅದನ್ನು ನೀಡಲು ನಾವು ಯಶಸ್ವಿಯಾದ ಸಂದರ್ಭದಲ್ಲಿ ವೈರಸ್ ನಿರ್ಮೂಲನೆ ಆಗಬಹುದು” ಎಂದಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
