Zoom ಆ‍್ಯಪ್‌ ಸುರಕ್ಷಿತವಲ್ಲ : ವಿಡಿಯೋ ಕಾನ್ಫರೆನ್ಸ್ ಸೇವೆ ಬಗ್ಗೆ ಸರ್ಕಾರದ ಎಚ್ಚರಿಕೆ

ನವದೆಹಲಿ: ವಿಡಿಯೋ Zoom ಮೀಟಿಂಗ್ ಆ್ಯಪ್ ವಿಡಿಯೋ ಕಾನ್ಫರೆನ್ಸ್‌ಗೆ ಸುರಕ್ಷಿತ ವೇದಿಕೆಯಲ್ಲ ಎಂದು ಕೇಂದ್ರ ಸರ್ಕಾರ ಹೇಳಿದೆ. ಖಾಸಗಿ ಉದ್ದೇಶಗಳಿಗಾಗಿ Zoom ಆ‍್ಯಪ್‌ ಅನ್ನು ಬಳಸಲು ಇಚ್ಛಿಸುವವರಿಗಾಗಿ ಸರ್ಕಾರವು ಮಾರ್ಗಸೂಚಿಗಳನ್ನು ಹೊರಡಿಸಿದೆ.

ಲಾಕ್ ಡೌನ್ ಸಮಯದಲ್ಲಿ Zoom ಆ‍್ಯಪ್‌ ಜನರ ನೆಚ್ಚಿನ ವೇದಿಕೆಯಾಗಿ ಮಾರ್ಪಟ್ಟಿದೆ.

“ವ್ಯಕ್ತಿಗಳ ಬಳಕೆಗೆ ಸಹ Zoom ಸುರಕ್ಷಿತ ವೇದಿಕೆಯಲ್ಲ, ಸಿಇಆರ್‌­ಟಿ-ಇಂಡಿಯಾ ಈಗಾಗಲೇ ಈ ವಿಷಯದ ಬಗ್ಗೆ ವಿವರವಾದ ಸಲಹೆಯನ್ನು ನೀಡಿದೆ” ಎಂದು ಗೃಹ ಸಚಿವಾಲಯ ತಿಳಿಸಿದೆ.

ಮಾರ್ಗಸೂಚಿಗಳು, ಕಾನ್ಫರೆನ್ಸ್ ಕೊಠಡಿಯಲ್ಲಿ ಅನಧಿಕೃತ ಪ್ರವೇಶವನ್ನು ತಡೆಯುತ್ತದೆ ಮತ್ತು ಇತರ ಅಧಿಕೃತ ಭಾಗವಹಿಸುವವರ ದುರುದ್ದೇಶಪೂರಿತ ಚಟುವಟಿಕೆಯನ್ನು ತಡೆಯುತ್ತದೆ ಎಂದು ಸರ್ಕಾರ ಹೇಳಿದೆ. ಪಾಸ್‌ವರ್ಡ್‌ಗಳು ಮತ್ತು ಅಸೆಸ್ ಗ್ರ್ಯಾಂಟ್ ಮೂಲಕ ಬಳಕೆದಾರರ ಮೇಲೆ ನಡೆಯಬಹುದಾದ DOS ದಾಳಿಯನ್ನು ತಪ್ಪಿಸುತ್ತದೆ.

“ವೆಬ್‌ಸೈಟ್‌ನಲ್ಲಿ ಬಳಕೆದಾರರ ಜೂಮ್ ಖಾತೆಗೆ ಲಾಗಿನ್ ಆಗುವುದರ ಮೂಲಕ ಅಥವಾ ಪಿಸಿ / ಲ್ಯಾಪ್‌ಟಾಪ್ / ಫೋನ್‌ನಲ್ಲಿ ಸ್ಥಾಪಿಸಲಾದ ಅಪ್ಲಿಕೇಶನ್ ಮತ್ತು ಕಾನ್ಫರೆನ್ಸ್ ಸಮಯದಲ್ಲಿ ಹೆಚ್ಚಿನ ಸೆಟ್ಟಿಂಗ್‌ಗಳನ್ನು ಮಾಡಬಹುದು” ಎಂದು ಕೇಂದ್ರ ಗೃಹ ಸಚಿವಾಲಯದ ಮಾರ್ಗಸೂಚಿಗಳು ಹೇಳುತ್ತವೆ.

ಝೂಮ್ ಅಪ್ಲಿಕೇಶನ್‌ನಲ್ಲಿ ಗೌಪ್ಯತೆ ಮತ್ತು ಸುರಕ್ಷತೆಗೆ ಸಂಬಂಧಿಸಿದ ಸಮಸ್ಯೆಗಳಿವೆ ” ಎಂದು ಗೃಹ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಅವರ ಪ್ರಕಾರ, ಟಿಕ್‌ಟಾಕ್‌ನಂತೆ ಜೂಮ್­ನ ಸರ್ವರ್‌ಗಳು ಹೆಚ್ಚಾಗಿ ಚೀನಾದಲ್ಲಿವೆ. ಅಪ್ಲಿಕೇಶನ್ ಗಮನಾರ್ಹ ದೌರ್ಬಲ್ಯಗಳನ್ನು ಹೊಂದಿದೆ ಮತ್ತು ಸಂಶಯಾಸ್ಪದ ಅಭ್ಯಾಸಗಳಲ್ಲಿ ಪಾಲ್ಗೊಳ್ಳುತ್ತದೆ.

“ನಮ್ಮ ತಾಂತ್ರಿಕ ವಿಶ್ಲೇಷಣೆಯು ಈ ಅತ್ಯಂತ ಜನಪ್ರಿಯ ವೀಡಿಯೊ ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್ ಮೀಟಿಂಗ್ ಡೇಟಾವನ್ನು ಹೇಗೆ ಎನ್‌ಕ್ರಿಪ್ಟ್ ಮಾಡುತ್ತದೆ ಎಂಬುದನ್ನು ತೋರಿಸುತ್ತದೆ” ಎಂದು ಮತ್ತೊಬ್ಬ ಅಧಿಕಾರಿ ಹೇಳಿದ್ದಾರೆ.

“ಪ್ರಮುಖ ವ್ಯಾಪಾರ ಸಂಸ್ಥೆಗಳು ಮತ್ತು ಸರ್ಕಾರಗಳು ಮತ್ತು ಗೌಪ್ಯತೆ ಅಗತ್ಯವಿರುವ ಇತರರು ಈ ಸಾಫ್ಟ್‌ವೇರ್ ಅನ್ನು ಬಳಸಬಾರದು” ಎಂದು ಸೈಬರ್ ಘಟಕದ ಅಧಿಕಾರಿಯೊಬ್ಬರು ಹೇಳಿದ್ದಾರೆ.