ನೆನಪಿಗೆ ಬಾರದ ಇ-ಮೇಲ್ ಕಂಡು ಹಿಡಿದ ಭಾರತೀಯ

ನಾವು ಪ್ರತಿನಿತ್ಯ ಬಳಸುವ, ಜೀವನದ ಅವಿಭಾಜ್ಯ ಅಂಗವೇ ಆಗಿ ಹೋಗಿರುವ ಇಮೇಲ್ ಜುಲೈ 15ಕ್ಕೆ 32ವರ್ಷಗಳನ್ನು ಪೂರೈಸಿದೆ. ಆದರೆ ಇ-ಮೇಲ್‌ನ ಹಿಂದಿರುವ ಜನಕ ಯಾರು, ಆತ ಎಲ್ಲಿಯವನು ಎಂಬ ಬಗ್ಗೆ ನಾವು ಇದುವರೆಗೂ ತಲೆಕೆಡಿಸಿಕೊಂಡಿಲ್ಲ.

ನಿಜವಾದ ಸತ್ಯವೆಂದರೆ ಇ-ಮೇಲ್ ಎಂಬ ತಂತ್ರಜ್ಞಾನವನ್ನು ಕಂಡು ಹಿಡಿದವ ಭಾರತೀಯ ಮೂಲದ ಅಮೆರಿಕಾದ ಪ್ರಜೆ ವಿ.ಎ. ಶಿವ ಅಯ್ಯದುರೈ. ತನ್ನ 14ನೇ ವಯಸ್ಸಿಗೆ ಇವರು ನಾವು ಇ-ಮೇಲ್ ಎಂದು ಕರೆಯುವ interoffice mail systemನ ಎಲೆಕ್ಟ್ರಾನಿಕ್ ವರ್ಶನ್‌ನನ್ನು ಕಂಡು ಹಿಡಿದರು.

ತಮಿಳು ಬ್ರಾಹ್ಮಣ ಕುಟುಂಬದಲ್ಲಿ ಮುಂಬಯಿಯಲ್ಲಿ ಜನಿಸಿದ ಇವರು, ತನ್ನ 7ನೇ ವಯಸ್ಸಿನಲ್ಲಿ ತಂದೆತಾಯಿಗಳೊಂದಿಗೆ ಅಮೆರಿಕಾಗೆ ಹೋಗಿ ನೆಲೆಸಿದರು. ಅಲ್ಲಿ 1979ರಲ್ಲಿ ಹೈಸ್ಕೂಲ್ ವಿದ್ಯಾರ್ಥಿಯಾಗಿದ್ದಾಗಲೇ ಇಮೇಲ್ ತಂತ್ರಜ್ಞಾನವನ್ನು ಕಂಡು ಹಿಡಿದು ಸಾಧನೆ ಮಾಡಿದರು.

ಎಲೆಕ್ಟ್ರಾನಿಕ್ ಎಂಜಿನಿಯರಿಂಗ್, ಕಂಪ್ಯೂಟರ್ ಸೈನ್ಸ್ ಸೇರಿದಂತೆ ಹಲವು ವಿಷಯಗಳಲ್ಲಿ  ಪದವಿ ಪಡೆದಿರುವ ಶಿವ, ಈಗ ಅಮೆರಿಕಾದ ಖ್ಯಾತ ವಿಜ್ಞಾನಿ, ಸಂಶೋಧಕ ಮತ್ತು ಉದ್ಯಮಿ. ಆದರೆ ಇ-ಮೇಲ್ ಕಂಡುಹಿಡಿದ ಇವರ ಸಾಧನೆಗೆ ತಕ್ಕ ಮನ್ನಣೆ ಇಂದಿಗೂ ದೊರೆತಿಲ್ಲ. ಇಮೇಲ್ ಬಳಸುವವರಾರು ಅವರನ್ನು ನೆನಪು ಮಾಡಿಕೊಳ್ಳುವುದಿಲ್ಲ.

ಆದರೆ ಜಗತ್ತಿಗೆ ಇಮೇಲ್ ಕಂಡು ಹಿಡಿದುಕೊಟ್ಟವ ಭಾರತೀಯ ಮೂಲದವನು ಎಂಬ ಹೆಗ್ಗಳಿಕೆ ಪ್ರತಿಯೊಬ್ಬನಿಗೂ ಇರಬೇಕು.