ಬಾಲಕೋಟ್ ವೈಮಾನಿಕ ದಾಳಿ ಬಗೆಗಿನ ವೀಡಿಯೋ ಬಿಡುಗಡೆ ಮಾಡಿದ ವಾಯುಸೇನೆ

ನವದೆಹಲಿ: ಪಾಕಿಸ್ಥಾನದ ಭೂಪ್ರದೇಶದೊಳಗೆ ನುಗ್ಗಿ ಬಾಲಕೋಟ್­ನಲ್ಲಿದ್ದ  ಉಗ್ರರ ಶಿಬಿರಗಳ ಮೇಲೆ ವೈಮಾನಿಕ ದಾಳಿಯನ್ನು ನಡೆಸಿದ ಘಟನೆಯ ಬಗ್ಗೆ ಭಾರತೀಯ ವಾಯುಸೇನೆ ಶುಕ್ರವಾರ ಪ್ರಚಾರ ವೀಡಿಯೋವನ್ನು ಬಿಡುಗಡೆ ಮಾಡಿದೆ.

ಅಕ್ಟೋಬರ್ 8 ರಂದು ಭಾರತೀಯ ವಾಯುಸೇನಾ ದಿನವಾಗಿದ್ದು, ಇದರ ಭಾಗವಾಗಿ ವಾಯುಸೇನಾ ಮುಖ್ಯಸ್ಥ ಆರ್​ಕೆಎಸ್ ಬಧೌರಿಯಾ ಅವರು ಪ್ರಚಾರ ವಿಡಿಯೋ ಬಿಡುಗಡೆ ಮಾಡಿದ್ದಾರೆ. 1.25 ಸೆಕೆಂಡುಗಳ ವಿಡಿಯೋ ಇದಾಗಿದ್ದು, ಬಾಲಾಕೋಟ್​ ವಾಯುದಾಳಿಯಲ್ಲಿ ಸೆರೆಹಿಡಿದ ಹಲವು ದೃಶ್ಯಗಳನ್ನು ಈ ವಿಡಿಯೋದಲ್ಲಿ ಬಳಸಿಕೊಳ್ಳಲಾಗಿದೆ ಎಂದು ಭದೌರಿಯಾ ಹೇಳಿದ್ದಾರೆ.

ಬಾಲಾಕೋಟ್​ ಉಗ್ರ ಶಿಬಿರಗಳ ಮೇಲೆ ದಾಳಿ ನಡೆಸಲು ಸಿದ್ದವಾದ ವಿಮಾನಗಳು ಹಾರಾಟ ಆರಂಭಿಸುವ ದೃಶ್ಯಗಳು, ಉಗ್ರರ ತರಬೇತಿ ಶಿಬಿರಗಳ ಮೇಲೆ ಬಾಂಬ್ ಹಾಕಿದ ದೃಶ್ಯ ಹಾಗೂ ನಿಖರ ಬಾಂಬ್ ದಾಳಿ ನಡೆಸಲು ಆಯ್ಕೆ ಮಾಡಿದ್ದ ಸ್ಥಳವನ್ನು ರೇಡಾರ್​ಗಳು ಝೂಮ್ ಮಾಡುವ ದೃಶ್ಯಾವಳಿ ಸೇರಿದಂತೆ ಹಲವು ದೃಶ್ಯಗಳನ್ನು ವಿಡಿಯೋ ಒಳಗೊಂಡಿದೆ.

ಪುಲ್ವಾಮಾ ದಾಳಿಗೆ ಪ್ರತಿಕಾರವಾಗಿ ಭಾರತೀಯ ವಾಯುಪಡೆ ಬಾಲಕೋಟ್ ವೈಮಾನಿಕ ದಾಳಿಯನ್ನು ನಡೆಸಿತ್ತು. ಈ ಬಗ್ಗೆ ವೀಡಿಯೋದಲ್ಲಿನ ಹಿನ್ನೆಲೆ ಧ್ವನಿಯನ್ನು ಹೇಳಲಾಗಿದೆ.  ಫೆಬ್ರವರಿ 27 ರಂದು ಭಾರತದ ಮಿಗ್-21 ಮತ್ತು ಪಾಕಿಸ್ಥಾನದ ಯುದ್ದವಿಮಾನಗಳ ನಡುವಣ ಹೋರಾಟವನ್ನೂ ಸಂಕ್ಷಿಪ್ತವಾಗಿ ವಿವರಿಸಲಾಗಿದೆ.

#WATCH Indian Air Force showcases the story of the Balakot aerial strikes in a promotional video at the annual Air Force Day press conference by Air Force Chief Air Chief Marshal Rakesh Kumar Singh Bhadauria. pic.twitter.com/GBRWwWe6sJ

— ANI (@ANI) October 4, 2019