ನವದೆಹಲಿ: 2019ರ ಅಕ್ಟೋಬರ್ 8 ರಂದು ಭಾರತೀಯ ವಾಯುಪಡೆಯು ತನ್ನ 87 ನೇ ವಾರ್ಷಿಕೋತ್ಸವವನ್ನು ಹೆಮ್ಮೆಯಿಂದ ಆಚರಿಸಲಿದೆ. ಈ ಸಂದರ್ಭದಲ್ಲಿ, ವಿವಿಧ ವಿಮಾನಗಳ ರೋಮಾಂಚನಕಾರಿ ವಾಯು ಪ್ರದರ್ಶನವು ಘಾಜಿಯಾಬಾದ್ ಹಿಂಡನ್ನಲ್ಲಿನ ವಾಯುಪಡೆಯ ನೆಲೆಯಲ್ಲಿ ಜರುಗಲಿದೆ. ಮನಮೋಹಕ ಪರೇಡ್ ಕೂಡ ಆಚರಣೆಯ ಭಾಗವಾಗಿದೆ.
ಅಕ್ಟೋಬರ್ 1 ರಿಂದ ವಾಯು ಪ್ರದರ್ಶನಕ್ಕಾಗಿ ಪೂರ್ವಾಭ್ಯಾಸ ಪ್ರಾರಂಭವಾಗಲಿದೆ. ವಾಜಿರ್‌ಪುರ ಸೇತುವೆ, ಕಾರ್ವಾಲ್‌ನಗರ, ಅಫ್ಜಲ್‌ಪುರ, ಹಿಂಡನ್, ಶಾಮ್ಲಿ, ಜೀವನಾ, ಚಂಡಿನಗರ, ಹಿಂದನ್, ಹಾಪುರ್, ಫಿಲ್ಕುವಾ, ಗಾಜಿಯಾಬಾದ್ಗಳಲ್ಲಿ ವಿಮಾನವು ಕಡಿಮೆ ಮಟ್ಟದಲ್ಲಿ ಹಾರಾಟ ನಡೆಸಲಿದೆ.
ಹೀಗಾಗಿ ವಿಮಾನ ಕಡಿಮೆ ಮಟ್ಟದಲ್ಲಿ ಹಾರಾಡುವ ಪ್ರದೇಶಗಳ ಜನರಿಗೆ ಪಕ್ಷಿಗಳನ್ನು ಆಕರ್ಷಿಸುವಂತಹ ತಿಂಡಿ ತಿನಿಸುಗಳನ್ನು ಹೊರಕ್ಕೆ ಬಿಸಾಕದಂತೆ ಕೋರಿ ವಾಯುಸೇನೆಯು ಪತ್ರಿಕಾ ಪ್ರಕಟನೆಯನ್ನು ಹೊರಡಿಸಿದೆ. ಹಕ್ಕಿಗಳು ವಿಮಾನಗಳಿಗೆ ಗಂಭೀರವಾದಂತಹ ಅಪಾಯವನ್ನು ಒಡ್ಡುತ್ತವೆ. ವಿಮಾನದ, ಪೈಲೆಟ್ಗಳ, ಪ್ರದೇಶದಲ್ಲಿ ವಾಸಿಸುವ ಜನರ ಸುರಕ್ಷತೆಗಾಗಿ ಹಕ್ಕಿಗಳನ್ನು ಆಕರ್ಷಿಸುವಂತಹ ಯಾವುದೇ ಕಾರ್ಯಗಳನ್ನು ನಡೆಸಬಾರದು ಎಂದು ಕೋರಿದೆ.
ಪ್ರಸಿದ್ಧ ಆಕಾಶ್ ಗಂಗಾ ತಂಡದ ಧ್ವಜವನ್ನು ಹೊಂದಿರುವ ಸ್ಕೈಡೈವರ್‌ಗಳು ಬೆಳಿಗ್ಗೆ 8 ಗಂಟೆಗೆ ತಮ್ಮ ವರ್ಣರಂಜಿತ ಕ್ಯಾನೊಪಿಗಳಲ್ಲಿ ಎಎನ್ -32 ವಿಮಾನದಿಂದ ಕೆಳಗಿಳಿಯುವುದರೊಂದಿಗೆ ವಾಯು ಪ್ರದರ್ಶನ ಪ್ರಾರಂಭವಾಗಲಿದೆ. ಫ್ಲೈಪಾಸ್ಟ್‌ನಲ್ಲಿ ವಿಂಟೇಜ್ ವಿಮಾನಗಳು, ಆಧುನಿಕ ಸಾರಿಗೆ ವಿಮಾನಗಳು ಮತ್ತು ಮುಂಚೂಣಿಯ ಯುದ್ಧ ವಿಮಾನಗಳು ಪ್ರದರ್ಶನದ ಭಾಗವಾಗಲಿದೆ. ಸಮಾರಂಭವು 1052 ಗಂಟೆಗಳಲ್ಲಿ ರೋಮಾಂಚಕ ವಾಯು ಪ್ರದರ್ಶನದೊಂದಿಗೆ ಮುಕ್ತಾಯಗೊಳ್ಳಲಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
