ನವದೆಹಲಿ: ನಾಯಕತ್ವ ಮತ್ತು ಸ್ವಚ್ಛ ಭಾರತ ಅಭಿಯಾನಕ್ಕೆ ತೋರಿಸಿದ ಬದ್ಧತೆಗಾಗಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರನ್ನು ಬಿಲ್ ಮತ್ತು ಮೆಲಿಂಡಾ ಗೇಟ್ಸ್ ಫೌಂಡೇಶನ್ ಪ್ರತಿಷ್ಠಿತ ‘ಗ್ಲೋಬಲ್ ಗೋಲ್ಕೀಪರ್ಸ್ ಆಫ್ ದಿ ಇಯರ್ ಅವಾರ್ಡ್’ ನೀಡಿ ಈ ತಿಂಗಳ ಕೊನೆಯಲ್ಲಿ ಗೌರವಿಸಲಿದೆ. ಜಗತ್ತಿನ ನಂ.1 ಶ್ರೀಮಂತ ಬಿಲ್ ಗೇಟ್ಸ್ ಮತ್ತು ಅವರ ಪತ್ನಿ ಮೆಲಿಂಡಾ ನಡೆಸುತ್ತಿರುವ ಫೌಂಡೇಶನ್ ಇದಾಗಿದೆ.
ಮೋದಿಗೆ 2019 ರ ‘ಗ್ಲೋಬಲ್ ಗೋಲ್ಕೀಪರ್ಸ್ ಅವಾರ್ಡ್’ ನೀಡಲಾಗುವುದು ಎಂದು ಮೂಲಗಳು ದೃಢಪಡಿಸಿವೆ. ಫೌಂಡೇಶನ್ ಪ್ರಕಾರ, ಈ ಪ್ರಶಸ್ತಿಯು ತಮ್ಮ ದೇಶದಲ್ಲಿ ಪರಿಣಾಮಕಾರಿಯಾದ ಕೆಲಸವನ್ನು ಮಾಡುವ ಮೂಲಕ ಜಾಗತಿಕ ಗುರಿಗಳನ್ನು ತಲುಪಲು ತಮ್ಮ ಬದ್ಧತೆಯನ್ನು ಪ್ರದರ್ಶಿಸುವ ರಾಜಕೀಯ ನಾಯಕನನ್ನು ಗೌರವಿಸುವ ವಿಶೇಷ ಮಾನ್ಯತೆಯಾಗಿದೆ.
2014 ರ ಅಕ್ಟೋಬರ್ 2 ರಂದು ಪ್ರಾರಂಭಿಸಿದ ಸ್ವಚ್ಛಭಾರತ ಮಿಷನ್‌ಗೆ ಬದ್ಧತೆಯನ್ನು ತೋರಿಸಿದ್ದಕ್ಕಾಗಿ ಮತ್ತು ನಾಯಕತ್ವಕ್ಕಾಗಿ ಮೋದಿಯವರನ್ನು ಗೌರವಿಸಲಾಗುತ್ತಿದೆ.
ಮಹತ್ಮಾಗಾಂಧಿಯವರ 150 ನೇ ಜನ್ಮದಿನಾಚರಣೆಯ ವೇಳೆಗೆ ದೇಶದಲ್ಲಿ ಸಾರ್ವತ್ರಿಕ ನೈರ್ಮಲ್ಯವನ್ನು ಸಾಧಿಸುವ ಪ್ರಯತ್ನಗಳನ್ನು ಚುರುಕುಗೊಳಿಸುವ ಮಹತ್ವಾಕಾಂಕ್ಷೆಯನ್ನು ಈ ಅಭಿಯಾನ ಹೊಂದಿದೆ.
ಅಕ್ಟೋಬರ್ 2, 2019 ರ ವೇಳೆಗೆ 90 ದಶಲಕ್ಷ ಶೌಚಾಲಯಗಳನ್ನು ನಿರ್ಮಿಸಲಾಗಿದೆ ಮತ್ತು ಪ್ರಸ್ತುತ ಭಾರತದ ಶೇಕಡಾ 98 ರಷ್ಟು ಗ್ರಾಮಗಳು ಬಯಲು ಶೌಚ ಮುಕ್ತಗೊಂಡಿವೆ. ನಾಲ್ಕು ವರ್ಷಗಳ ಹಿಂದೆ ಶೇಕಡಾ 38 ರ ಬಯಲು ಶೌಚ ಮುಕ್ತ ಗ್ರಾಮಗಳಿದ್ದವು.
ಫೌಂಡೇಶನ್ ಸೆಪ್ಟೆಂಬರ್ 24 ರಂದು ತನ್ನ ನಾಲ್ಕನೇ ವಾರ್ಷಿಕ ಗೋಲ್ಕೀಪರ್ಸ್ ‘ಗ್ಲೋಬಲ್ ಗೋಲ್ಸ್ ಅವಾರ್ಡ್ಸ್’ ಅನ್ನು ಆಯೋಜಿಸುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
