ಮಿರ್ಪುರ್: ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಅವರ ಅಪ್ರತಿಮ ಅಭಿಮಾನಿ, ಇಡೀ ಜೀವನವನ್ನೇ ಕ್ರಿಕೆಟ್ಗಾಗಿ ಮುಡಿಪಾಗಿಟ್ಟ ಸುಧೀರ್ ಗೌತಮ್ ಅವರ ಮೇಲೆ ಭಾನುವಾರ ಬಾಂಗ್ಲಾ ಕ್ರಿಕೆಟ್ ಅಭಿಮಾನಿಗಳು ಹಲ್ಲೆ ನಡೆಸಿದ್ದಾರೆ.
ಬಾಂಗ್ಲಾ ವಿರುದ್ಧ ಕ್ರಿಕೆಟ್ ಪಂದ್ಯದಲ್ಲಿ ಭಾರತ ಸೋತ ಬಳಿಕ ಅಲ್ಲಿನ ಅಭಿಮಾನಿಗಳು ನನ್ನನ್ನು ಸುತ್ತುವರಿದು ನನ್ನ ಮೇಲೆ ಹಲ್ಲೆ ನಡೆಸಿದರು, ನನ್ನ ಕೈಯಲ್ಲಿದ್ದ ತ್ರಿವರ್ಣ ಧ್ವಜವನ್ನು ಕಿತ್ತೆಸೆಯಲು ಪ್ರಯತ್ನಿಸಿದರು, ಬಳಿಕ ಪೊಲೀಸರು ಬಂದು ಅವರನ್ನು ಚದುರಿಸಿದರಾದರೂ ನಾನು ಕೂತಿದ್ದ ಆಟೋ ರಿಕ್ಷಾದ ಮೇಲೆ ಕಲ್ಲನ್ನೂ ಕೆಲವರು ಎಸೆದರು. ಆದರೆ ಆಟೋ ಸಂಪೂರ್ಣ ಕವರ್ ಆಗಿದ್ದರಿಂದ ನನಗೇನು ಆಗಿಲ್ಲ ಎಂದು ಸುಧೀರ್ ಆರೋಪಿಸಿದ್ದಾರೆ.
ಈ ಘಟನೆ ಶೇರ್-ಇ-ಬಾಂಗ್ಲಾ ಸ್ಟೇಡಿಯಂನ ಹೊರಭಾಗದಲ್ಲಿ ನಡೆದಿದೆ ಎಂದು ಸುಧೀರ್ ಹೇಳಿಕೊಂಡಿದ್ದಾರೆ.
ಸುಧೀರ್ ಸಚಿನ್ ಅವರ ಕಟ್ಟಾ ಅಭಿಮಾನಿಯಾಗಿದ್ದು, ಭಾರತ ತಂಡ ಯಾವ ದೇಶದಲ್ಲಿ ಕ್ರಿಕೆಟ್ ಆಡಿದರೂ ಅದನ್ನು ವೀಕ್ಷಿಸಲು ಅವರು ತೆರಳುತ್ತಾರೆ. ಸ್ವತಃ ಸಚಿನ್ ಅವರೇ ಇವರಿಗೆ ಟಿಕೆಟ್ ಅರೇಂಜ್ ಮಾಡಿ ಕೊಡುತ್ತಾರೆ ಎಂದು ಹೇಳಲಾಗಿದೆ.
ಕೈಯಲ್ಲೊಂದ ಶಂಖ ಹಿಡಿದು, ದೇಹ ಪೂರ್ತಿ ಕೇಸರಿ, ಬಿಳಿ, ಹಸಿರು ಬಣ್ಣವನ್ನು ಬಳಿದುಕೊಂಡು, ಎದೆಯಲ್ಲಿ ಸಚಿನ್ ಎಂದು ಬರೆದುಕೊಂಡು, ಕ್ರಿಕೆಟ್ ಮೈದಾನದಲ್ಲಿ ತ್ರಿವರ್ಣ ಧ್ವಜ ಹಾರಿಸುವ ಸುಧೀರ್ ಪ್ರತಿ ಪಂದ್ಯದಲ್ಲೂ ಆಕರ್ಷಣೆಯ ಕೇಂದ್ರ ಬಿಂದು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.