ನವದೆಹಲಿ: ನವೆಂಬರ್ 14ರಿಂದ ಸಿಂಗಾಪುರ ಪ್ರವಾಸ ಕೈಗೊಳ್ಳುವ ಪ್ರಧಾನಿ ನರೇಂದ್ರ ಮೋದಿಯವರು, ಅಲ್ಲಿ ಗುರುವಾರ ‘ಇಂಡಿಯಾ ಸಿಂಗಾಪುರ್ ಹ್ಯಾಕಥಾನ್ 2018’ನ ವಿಜೇತರಿಗೆ ಪ್ರಶಸ್ತಿ ಪ್ರಧಾನ ಮಾಡಲಿದ್ದಾರೆ. ಈ ಸಮಾರಂಭದಲ್ಲಿ ಸಿಂಗಾಪುರದ ಶಿಕ್ಷಣ ಸಚಿವ ಒಂಗ್ ಯೆ ಕುಂಗ್ ಉಪಸ್ಥಿತರಿರಲಿದ್ದಾರೆ.
ಕಳೆದ ಮೇ 31–ಜೂನ್ 1ರಂದು ಸಿಂಗಾಪುರಕ್ಕೆ ಅಧಿಕೃವಾಗಿ ಭೇಟಿ ನೀಡಿದ್ದ ಮೋದಿ, ಅಲ್ಲಿನ ಪ್ರಧಾನಿ ಲೀ ಹ್ಸೀನ್ ಲೂಂಗ್ ಅವರಿಗೆ ಭಾರತ ಮತ್ತು ಸಿಂಗಾಪುರ ಜಂಟಿ ಹ್ಯಾಕಥಾನ್ ನಡೆಸಬೇಕು ಎಂಬ ಪ್ರಸ್ತಾಪವನ್ನು ಮುಂದಿಟ್ಟಿದ್ದರು. ಇದಕ್ಕೆ ಲೀ ಒಪ್ಪಿಕೊಂಡಿದ್ದರು.
ಈ ಹ್ಯಾಕಥಾನ್‌ನನ್ನು ನಡೆಸಲು ಸಿಂಗಾಪುರವು, ನನ್ಯಾಂಗ್ ಟೆಕ್ನಾಲಜಿಕಲ್ ಯುನಿವರ್ಸಿಟಿ (NTU) ಮತ್ತು ಅದರ ಇನ್ನೋವೇಶನ್ ಮತ್ತು ಎಂಟರ್ಪ್ರೈಸ್ ಅಂಗ ಸಂಸ್ಥೆ NTUitiveನ್ನು ನೇಮಕ ಮಾಡಿತ್ತು. ಭಾರತವು ಆಲ್ ಇಂಡಿಯಾ ಕೌನ್ಸಿಲ್ ಫಾರ್ ಟೆಕ್ನಿಕಲ್ ಎಜುಕೇಶನ್ (AICTE)ನ್ನು ನಿಯೋಜಿಸಿತ್ತು.
ಸಿಂಗಪುರದಲ್ಲಿನ ಭಾರತದ ಹೈ ಕಮಿಷನ್, ಸಿಂಗಾಪುರದ ಶಿಕ್ಷಣ ಮತ್ತು ವಿದೇಶಾಂಗ ಸಚಿವಾಲಯಗಳ ಸಹಯೋಗದೊಂದಿಗೆ ಈ ಹ್ಯಾಕಥಾನ್ ಈವೆಂಟ್‌ನ್ನು ಆಯೋಜನೆಗೊಳಿಸಿತ್ತು.
ಎರಡು ದೇಶಗಳ ವಿಶ್ವವಿದ್ಯಾಲಯ ಮತ್ತು ಕಾಲೇಜು ವಿದ್ಯಾರ್ಥಿಗಳನ್ನೊಳಗೊಂಡ ತಲಾ 20 ತಂಡಗಳು ಇದರಲ್ಲಿ ಭಾಗಿಯಾಗಿದ್ದು, ತಮ್ಮ ಇನ್ನೋವೇಶನ್ ಸಾಮರ್ಥ್ಯವನ್ನು ಇಲ್ಲಿ ಪ್ರದರ್ಶಿಸಿವೆ. ಪ್ರತಿ ತಂಡದಲ್ಲಿ 3 ವಿದ್ಯಾರ್ಥಿಗಳು ಮತ್ತು ಒಂದು ಮೆಂಟರ್ ಇದ್ದರು.
ಭಾರತದಿಂದ 60 ವಿದ್ಯಾರ್ಥಿಗಳು, 20 ಮೆಂಟರ್‌ಗಳು, 3 ಅಧಿಕಾರಿಗಳು ಭಾಗಿಯಾಗಿದ್ದರು.
ಮೋದಿಯವರು ನ.14-15ರಂದು ಸಿಂಗಾಪುರದಲ್ಲಿ ಇರಲಿದ್ದು, ಹಲವಾರು ಸಭೆ ಸಮಾರಂಭಗಳಲ್ಲಿ ಭಾಗಿಯಾಗಲಿದ್ದಾರೆ. ಅಸಿಯಾನ್ ನಾಯಕರೊಂದಿಗೆ ಬ್ರೇಕ್‌ಫಾಸ್ಟ್ ಮಾಡಲಿದ್ದಾರೆ.
source: indianexpress.com
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
