ಸಮೈರಾ ಮೆಹ್ತಾ ವಯಸ್ಸು ಕೇವಲ 10 ವರ್ಷ. ಆದರೆ ಈಗಾಗಲೇ ಆಕೆ ಒಂದು ಕಂಪನಿಯ ಒಡತಿ, ಪ್ರೋಗ್ರಾಮರ್. ತನ್ನ ಸ್ವಂತ ಬಲದಿಂದಲೇ ಕಂಪನಿ ನಡೆಸುವ ಈಕೆ ಆರ್ಟಿಫಿಶೀಯಲ್ ಇಂಟೆಲಿಜೆನ್ಸ್ ಬಗ್ಗೆ ಮಾಹಿತಿ ನೀಡುತ್ತಾಳೆ, ಸಿಲಿಕಾನ್ ವ್ಯಾಲಿಯಾದ್ಯಂತ ಸಂಚರಿಸಿ ತನ್ನ ಅಪಾರ ಜ್ಞಾನ ಭಂಡಾರವನ್ನು ಹಂಚುತ್ತಿದ್ದಾಳೆ. ಗೂಗಲ್, ಮೈಕ್ರೋಸಾಫ್ಟ್‌ನಂತಹ ದಿಗ್ಗಜ ಕಂಪನಿಗಳು ಈಕೆಯನ್ನು ನೇಮಕಾತಿ ಮಾಡಲು ತುದಿಗಾಲಲ್ಲಿ ನಿಂತಿವೆ.
ತನ್ನ ಆರನೇ ವಯಸ್ಸಿನಿಂದಲೇ ಕೋಡಿಂಗ್ ಮಾಡುತ್ತಿರುವ ಈಕೆ, 8 ನೇ ವಯಸ್ಸಿನಲ್ಲಿ CoderBunnyz ಎಂಬ ಗೆಮ್ಸ್‌ನ್ನು ನಿರ್ಮಿಸಿದ್ದಾಳೆ. ಇದರ ಮೂಲಕ ಮಕ್ಕಳಿಗೆ ಕೋಡಿಂಗ್ ಹೇಗೆ ಮಾಡಬೇಕು ಎಂಬುದನ್ನು ತಿಳಿಸಿಕೊಡುತ್ತಿದ್ದಾಳೆ. ಇದರ ಮೂಲಕ ಇಡೀ ಜಗತ್ತು ತನ್ನತ್ತ ನೋಡುವಂತೆ ಮಾಡಿದ್ದಾಳೆ.
ಆಕೆಯ ತಂದೆ ರಾಜೇಶ್ ಇಂಟೆಲ್ ಎಂಜಿನಿಯರ್ ಆಗಿದ್ದು, ಸನ್ ಮೈಕ್ರೋಸಿಸ್ಟಮ್ಸ್‌ನ ಮಾಜಿ ಉದ್ಯೋಗಿ. ಹೀಗಾಗಿ ಸಮೈರಾ ಎಲ್ಲಿಂದ ಇಷ್ಟೆಲ್ಲಾ ಕೋಡಿಂಗ್ ವಿದ್ಯೆ ಕಲಿತಳು ಎಂದು ಅಚ್ಚರಿಪಡಬೇಕಾಗಿಲ್ಲ. ಆಕೆಯ ಗೇಮ್‌ಗೆ ಆಕೆಯ ತಂದೆಯೇ ಸಮರ್ಥ ಮಾರ್ಕೆಟಿಂಗ್ ಸ್ಟ್ರ್ಯಾಟಜಿಯನ್ನು ರೂಪಿಸಿಕೊಟ್ಟವರು.
CoderBunnyzನ ಯಶಸ್ವಿಯ ಬಳಿಕ ಆಕೆ CoderMindz ಎಂಬ ಮತ್ತೊಂದು ಗೇಮ್‌ನ್ನು ಆರಂಭಿಸಿದ್ದಾಳೆ. ಇದು ಬೋರ್ಡ್ ಗೇಮ್ ಆಗಿದ್ದು, ಆರ್ಟಿಫೀಶಿಯಲ್ ಇಂಟೆಲಿಜೆನ್ಸ್ ಬಗ್ಗೆ ಹೇಳಿಕೊಡುತ್ತದೆ. ತನ್ನ ಸಹೋದರ ಅದಿತ್‌ನ ಸಹಾಯದೊಂದಿಗೆ ಇದನ್ನು ಆಕೆ ಸ್ಥಾಪಿಸಿದ್ದಾಳೆ.
ಗೂಗಲ್ ಹೆಡ್‌ಕ್ವಾಟರ್ ಸಿಲಿಕಾನ್ ವ್ಯಾಲಿಯಲ್ಲಿ ಆಕೆ ಮಕ್ಕಳಿಗಾಗಿ ವರ್ಕ್‌ಶಾಪ್ ನಡೆಸಿ, ಕೋಡಿಂಗ್, ಎಐ ಬಗ್ಗೆ ಮಾಹಿತಿ ನೀಡುತ್ತಾಳೆ. ವೈಡ್‌ಹೌಸ್‌ನ ಮಾನ್ಯತೆಯೂ ಆಕೆಗೆ ಸಿಕ್ಕಿದೆ.
ತನ್ನ CoderBunnyz ವೆಬ್‌ಸೈಟ್‌ನಲ್ಲಿ ಇಂಟರ್‌ವ್ಯೂ ಸಿರೀಸ್ ಆರಂಭಿಸಿರುವ ಆಕೆ, ಅದರಲ್ಲಿ ರೊಬೊಟಿಕ್ಸ್, ಗೇಮ್, ಶಿಕ್ಷಣ ವಲಯ ಬಗ್ಗೆ ಮಾಹಿತಿ ನೀಡುತ್ತಾಳೆ.
ಫೇಸ್‌ಬುಕ್ ಸಂಸ್ಥಾಪಕ ಮಾರ್ಕ್ ಝಕರ್‌ಬರ್ಗ್ ಅವರನ್ನೂ ಭೇಟಿಯಾಗಿ ಮಾತುಕತೆ ನಡೆಸಿರುವ ಈಕೆ, ತನ್ನ ಕಂಪನಿಗೆ ಸೇರುವಂತೆ ಗೂಗಲ್ ಎಕ್ಸಿಕ್ಯೂಟಿವ್‌ನ ಆಫರ್‌ನ್ನೂ ಪಡೆದುಕೊಂಡಿದ್ದಾಳೆ.
ಒಟ್ಟಿನಲ್ಲಿ ಇಷ್ಟು ಚಿಕ್ಕ ವಯಸ್ಸಲ್ಲೇ ಸಮೈರಾ ಮಾಡುತ್ತಿರುವ ಸಾಧನೆ ಜಗತ್ತನ್ನೇ ನಿಬ್ಬೆರಗಾಗಿಸುತ್ತಿದೆ. ಈಕೆ ಅನಿವಾಸಿ ಭಾರತೀಯಳು ಎಂಬುದೇ ನಮಗೆಲ್ಲಾ ಹೆಮ್ಮೆ.
source: ABP LIVE
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
