ABVP ವತಿಯಿಂದ ‘ಯುವಧ್ವನಿ’ – ವಿದ್ಯಾರ್ಥಿ ನಾಯಕರ ಸಭೆ

ಮಂಗಳೂರು : ABVP ವತಿಯಿಂದ ಯುವಧ್ವನಿ ಎಂಬ ವಿದ್ಯಾರ್ಥಿ ನಾಯಕರ ಸಭೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ವಿಭಾಗ ಸಂಘಟನಾ ಕಾರ್ಯದರ್ಶಿ ಬಸವೇಶ ಕೋರಿರವರು ಪ್ರಾಸ್ತಾವಿಕ ನುಡಿಯೊಂದಿಗೆ ABVP ಯ ಸಂಪೂರ್ಣ ಪರಿಚಯ ಮಾಡಿಕೊಟ್ಟರು, ಮುಖ್ಯ ಭಾಷಣಕಾರರಾಗಿ ಆಗಮಿಸಿದ್ದ ಶಕ್ತಿ ಕಾಲೇಜಿನ ಮುಖ್ಯ ಸಲಹೆಗಾರರು ಆದಂತಹ ರಮೇಶ್ ಕೆ. ರವರು ಅವರ ವಿದ್ಯಾರ್ಥಿ ಜೀವನದಿಂದ ವಿದ್ಯಾರ್ಥಿ ಪರಿಷತ್‌ನಲ್ಲಿ ತಾವು ಮಾಡಿದ ಕಾರ್ಯಗಳು ಹಾಗೂ ABVP ಯು ಯಾವ ರೀತಿಯಾಗಿ ಕಾರ್ಯ ನಿರ್ವಹಿಸುತ್ತಿದೆ. ಬಾಂಗ್ಲಾದೇಶದ ಜನರ ಬಳನುಸುಳುವಿಕೆಯನ್ನು ABVP ಯು ಪ್ರಾರಂಭದಿಂದ ವಿರೋಧಿಸುತ್ತಿವೆ. ಡ್ರಗ್ ವಿರುದ್ಧವು ಜಾಗರೂಕ ಕಾರ್ಯಕ್ರಮ ಮಾಡುತ್ತಿದೆ ಹಾಗೂ ಇತ್ತೀಚಿನ ಪ್ರವಾಹದ ನೆರವಿನಲ್ಲೂ ಂಃಗಿP ಕಾರ್ಯಕರ್ತರು ಮುಂದಿರುವುದಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದರು.

ಡಿ.ಸಿ.ಪಿ ಹನುಮಂತರಾಯರವರು ಮಾತನಾಡಿ ವಿದ್ಯಾರ್ಥಿ ಪರಿಷತ್ ನಡೆಸುತ್ತಿರುವ ಕಾರ್ಯಗಳಿಗೆ ಅಭಿನಂದನೆಗಳನ್ನು ಸಲ್ಲಿಸಿದರು. ಹಾಗೇ ಯುವಜನತೆಯು ದುಶ್ಚಟಗಳಿಗೆ ಬಲಿಯಾಗದಂತೆ ಕಾನೂನುಗಳನ್ನು ಸರಿಯಾಗಿ ಪಾಲಿಸಬೇಕು ಎಂಬ ಸಲಹೆಗಳನ್ನು ನೀಡಿ, ನಮ್ಮ ರಾಜ್ಯದಿಂದ ಸೇನೆಯಲ್ಲಿ ಅತೀ ಕಡಿಮೆ ಸೈನಿಕರಿದ್ದು, ನಾವು ಯುವಜನತೆ ಸೇನೆಯಲ್ಲಿ ಸೇರುವುದರೊಂದಿಗೆ ದೇಶ ಸೇವೆಯಲ್ಲಿ ತೊಡಗಬೇಕೆಂದು ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು.

ಕಾರ್ಯಕ್ರಮದಲ್ಲಿ ಮಂಗಳೂರು ನಗರ ನೂತನ ಕಾರ್ಯಕಾರಿಣಿ ಘೋಷಣೆಯನ್ನು ವಿಭಾಗಸಂಘಟನಾ ಕಾರ್ಯದರ್ಶಿಗಳು ಮಾಡಿದರು, ABVP ಮಂಗಳೂರು ನಗರ ನೂತನ ಕಾರ್ಯದರ್ಶಿಯಾಗಿ ವಿಕಾಸ್‌ರವರು ಆಯ್ಕೆಯಾಗಿರುತ್ತಾರೆ. ಹಾಗೆಯೇ ಸಹ ಕಾರ್ಯದರ್ಶಿಯಾಗಿ ಮಣಿಕಂಠ, ಸಂದೇಶ್, ನಿಖಿಲ್, ಹರ್ಷ ರವರು ಆಯ್ಕೆಯಾಗಿರುತ್ತಾರೆ. ಕಾರ್ಯಕ್ರಮದಲ್ಲಿ ಮೃಣಾಲ್ ನಗರ ಕಾರ್ಯದರ್ಶಿ, ಬಿಂದು ಗಟ್ಟಿ ಜಿಲ್ಲಾ ವಿದ್ಯಾರ್ಥಿನಿ ಪ್ರಮುಖ್, ಬಸವೇಶ್ ಕುಮಾರ್ ವಿಭಾಗ ಸಂಘಟನಾ ಕಾರ್ಯದರ್ಶಿ, ರಮೇಶ್ ಕೆ. ಮುಖ್ಯ ಸಲಹೆಗಾರರು ಶಕ್ತಿ ಕಾಲೇಜು, ಹನುಮಂತರಾಯ ಡಿ.ಸಿ.ಪಿ ಹಾಗೂ ನಗರ ಎಲ್ಲಾ ಕಾಲೇಜಿನ ABVP ಕಾರ್ಯಕರ್ತರು ಉಪಸ್ಥಿತರಿದ್ದರು.